Закар 9:15 - Коми Библия 2023

¹⁵ Господь Саваоф доръяс Ассьыс войтырсӧ. Найӧ ньылыштасны вӧрӧгнысӧ, кок уланыс таляласны вӧрӧглысь лыйсян изъяссӧ, пондасны равзыны вина юысьяс моз, вир резан тасьті моз вирӧссясны, лоӧны вирӧн резӧм висьпуктанін пельӧс кодьӧсь.

Закар 9:15 Referans Kwoze

Закар 12:6

Сійӧ лунӧ Ме вӧча иудаса юралысьясӧс вӧрын ыпъялысь биӧн да кольтаяс костын ӧзтӧм бипурӧн. Найӧ бырӧдасны став войтыръяссӧ Ерусалим гӧгӧрысь – шуйгаладорсьыс и веськыдладорсьыс. А Ерусалимын олысьяс кольччасны овны асланыс карӧ».

Закар 10:7

Ефрем чужанкотыр лоӧ вына тышкаморт кодьӧн, сылӧн сьӧлӧмыс гажмас винаысь моз. Ныв-пиныс аддзасны тайӧс да пондасны гажӧдчыны, налӧн сьӧлӧмныс кутас нимкодясьны Господьӧн.

Закар 12:8

Сійӧ лунӧ Господь доръяс Ерусалимын олысьясӧс, и жебъяс лоӧны Давид кодь вынаӧсь. Ерусалимын олысьяслы Давидлӧн рӧдыс лоӧ Ен кодьӧн, Господьлӧн андел кодьӧн.

Закар 10:5

Найӧ лоӧны вына тышкайӧз кодьӧсь, таляласны вӧрӧгӧс кокувса няйтӧс моз. Найӧ вермасны тышын, ӧд накӧд лоӧ Господь, найӧ янӧдасны вӧрӧглысь верзьӧмаяссӧ.

Петӧм 27:2

Нёльнан пельӧсас вӧч сюръяс. Висьпуктанінкӧд найӧ мед лоӧны ӧтторъяӧсь. Эж ставсӧ ыргӧнӧн.

Левит 4:25

Поп мед кӧтӧдас чуньсӧ вись вирнас да мавтас висьпуктанінлысь сюръяссӧ, а коляс вирсӧ мед кисьтас висьпуктанін улӧ.

Левит 4:18

Мед мавтас тайӧ вирнас Господь водзын вежа чомйын сулалысь [тшынӧдчан] висьпуктанінлысь сюръяссӧ, а коляс вирсӧ мед кисьтас вежа чом пыранін дорын сулалысь висьпуктанін улӧ.

Ефесӧ 5:18

Энӧ коддзӧдчӧй винаӧн, ӧд тасянь овлӧ олӧмас лэдзчысьӧмыс. Мӧдарӧ, сетӧй Ловлы тыртны асьнытӧ.

1 Коринфӧ 1:18

Вошӧмаяслы крест йылысь висьталӧмыс – йӧйталӧм, а миянлы, мездмӧмаяслы – Енлӧн выныс.

Закар 14:20

Сійӧ лунӧ весиг вӧв тіньган вылын лоӧ гижӧма: «Вежӧдӧма-торйӧдӧма Господьлы». Господьлӧн крамын став пӧртйыс лоӧ вежа, висьпуктаніндорса вир резан тасьті кодь вежа.

Закар 9:17

Кутшӧм бур да мича йӧзӧн найӧ лоӧны! Муыс сетас нянь да вина, и ныв-зон пондасны дзоридзавны.

Микей 5:8

Войтыръяс пӧвстын Яков рӧдлӧн колясыс лоӧ вӧрса зверъяс пӧвстын олысь лев кодь, ыж чукӧр вылӧ уськӧдчысь том лев кодь. Сійӧ уськӧдчӧ, талялӧ-косявлӧ, и сыысь мездысьны некод оз вермы.

Исай 55:1

Кывзӧй, кодлӧн горшныд косьмӧ, локтӧй ставныд ва дінӧ! Весиг ті, кодлӧн абу сьӧмныд, локтӧй, босьтӧй да сёйӧй! Сьӧмтӧг да дон мынтытӧг босьтӧй вина да йӧв.

Исай 37:35

Ме видза тайӧ карсӧ, мезда сійӧс Ас ради да Аслам Давид кесйӧгӧй ради».

Сьылан 7:9

Ме мӧвпышті: кавшася тайӧ пальма вылас, кутчыся сылӧн вотӧса увъясӧ. Морӧсыд лоӧ меным виноград розйӧн, лолалӧмыд – яблӧг ӧвтӧмӧн,

Сьылан 5:1

– Аслам сад йӧрӧ локті ме, чоюкӧй-гӧтырпуӧй, чӧскыд турун да смирна чукӧрті, вина-йӧв ме юи, мазі позйысь ма сёйи. (Мукӧдъяс:) – Сёйӧй, ёртъяс! Коддзымӧнныд юӧй, радейтчысьяс! (Ныв:)

Сьылан 1:4

Ерусалимса нывъяс! Менам кучикӧй кедарсаяслӧн чом кодь мугов, но ме Соломонлӧн дӧраыс кодь мича.

Ӧксыяслӧн 1 небӧг 17:45

Давид воча шуис: «Тэ петін меным паныд шыпуртӧн, шыӧн да сайӧдӧн, а ме петі тэныд паныд Господь Саваоф нимӧн. Сійӧ – Ен израильса тышкайӧзлы, кодъясӧс тэ увтыртан.

Левит 4:7

Поп мед мавтас тайӧ вирнас Господь водзын вежа чомйын сулалысь тшынӧдчан висьпуктанінлысь сюръяссӧ, а коляс вирсӧ мед кисьтас вежа чом пыранін дорын сулалысь висьпуктанін улӧ.

Закар 14:3

Сэки Господь кутас тышкасьны тайӧ войтыръясыскӧд, кыдзи Сійӧ водзын тышкасьліс.

Закар 2:9

Регыд Ме лэпта киӧс тіянӧс куштысь войтыръяс вылӧ, и налӧн жӧ кесйӧгъясыс куштасны найӧс. Сэки ті тӧдмаланныд, мый Господь Саваоф мӧдӧдіс менӧ.