Закар 8:9 - Коми Библия 2023

⁹ Господь Саваоф тадзи висьталӧ: лоӧй зумыдӧсь! Ӧні ті кыланныд сійӧ жӧ кывъяссӧ, мый висьтавлісны пророкъяс Господь Саваофлысь крам подувсӧ пуктігӧн.

Закар 8:9 Referans Kwoze

Исай 35:4

Полысь сьӧлӧмаяслы шуӧй: «Лоӧй зумыдӧсь, энӧ полӧй! Тіян Енныд локтас да водзӧсӧн мынтысяс, Енмыс водзӧс перъяс тіян вӧсна. Сійӧ локтас да мездас тіянӧс».

Аггей 2:21

– Висьтав Зоровавельлы, Иуда муын юралысьлы: Ме вӧрзьӧда енэжсӧ и мусӧ,

1 Каднебӧг 22:13

Тэ кӧ кутан овны индӧд-тшӧктӧмъяс серти, мый Господь сетіс Израиль войтырлы Мӧисей пыр, сэки тэнад ставыс артмас. Ло зумыд да повтӧм! Эн пов, эн майшась!

2 Тимофейлы 2:1

Ёнмӧдчы, муса пиӧй, Исус Кристослӧн буралӧмнас.

Ефесӧ 6:10

Нӧшта вокъясӧй, ёнмӧдӧй асьнытӧ Господькӧд ӧтувъя олӧмас Сылӧн вермана выннас.

Закар 8:18

Меным вӧлі Господь Саваофсянь кыв:

Закар 8:13

Иуда войтыр да Израиль войтыр, ті вӧлінныд мукӧд войтыръяс пӧвстын ёрӧмӧн, но Ме мезда тіянӧс, и ті лоанныд бурсиӧмӧн. Энӧ полӧй, лоӧй зумыдӧсь!

Аггей 1:12

Зоровавель, Шеалтиэллӧн пиыс, да Исус аркирей, Иоседеклӧн пиыс, тшӧтш пленысь воӧм коляс войтырыс кывзысисны Господьлысь, асланыс Енлысь. Найӧ сибӧдісны-кывзісны Аггей пророклысь кывъяссӧ, ӧд Господь, налӧн Енмыс, мӧдӧдіс сійӧс на дінӧ. Войтырыс поліс-вежавидзис Господьысь.

Аггей 1:1

Дарий ӧксылӧн мӧд веськӧдлан воӧ, квайтӧд тӧлысьлӧн медводдза лунӧ, Шеалтиэллӧн Зоровавель пилы, Иуда муын юралысьлы, да Иоседеклӧн Исус пилы, аркирейлы, Аггей пророк пыр вӧлі Господьсянь кыв:

1 Каднебӧг 28:20

Давид шуис аслас Соломон пиыслы: «Ло зумыд да повтӧм, босьтчы уджӧ! Эн пов, эн майшась, ӧд Господь Ен, менам Енмӧй, тэкӧд. Сійӧ оз коль, оз эновт тэнӧ, но отсалас помавны Господьлысь крам вӧчан уджъяссӧ.

Нав Исус 1:8

Тайӧ Индӧд небӧгысь кывъясыс мед пыр лоӧны тэнад вомын. Лун и вой велӧдчы, медым ставсӧ вӧчны стӧча, мый сэні гижӧма. Сэки тэнад ставыс артмас.

Нав Исус 1:6

Ло зумыд да повтӧм! Тэ юклан Израиль войтырлы мусӧ, мый Ме кыв сетӧмӧн кӧсйыси сетны налӧн батьяслы.

Ездра 6:14

Иудейяслӧн юрнуӧдысьяс вӧчисны крамсӧ водзӧ. Аггей пророк да Закар пророк, Иддолӧн пиыс, ышӧдісны найӧс пророкалӧмнас, та вӧсна уджыс муніс бура. Израиль Енлӧн кӧсйӧм серти, персияса Кир, Дарий да Артаксеркс ӧксыяслӧн тшӧктӧм улын крам лэптӧмсӧ вӧлі вайӧдӧма помӧдз.

Аггей 2:18

Ӧні видзӧдлӧй, мый водзӧ лоӧ тайӧ лунсяньыс, ӧкмысӧд тӧлысьлӧн кызь нёльӧд лунсянь, кор вӧлі пуктӧма подувсӧ Господьлӧн крамлы.

2 Каднебӧг 15:7

Но ті лоӧй зумыдӧсь, энӧ лэдзӧй кинытӧ, ӧд уджъяссьыныд лоӧ тіянлы тырдон».

Исай 35:3

Ёнмӧдӧй лигышмунӧм кинытӧ, зумыдмӧдӧй жебмӧм кокнытӧ.