Закар 8:12 - Коми Библия 2023

¹² Кӧдзӧмаыс быдмас, виноград пу ваяс вотӧс, муыс сетас быдтас, енэжыс юкталас лысваӧн. Ставсӧ тайӧс Ме сета Аслам коляс войтырлы.

Закар 8:12 Referans Kwoze

Индӧд 33:13

Ӧсип рӧд йылысь Мӧисей шуис: – Господь мед бурсиас сылысь мусӧ енэжвывса медбур козинъясӧн, лысваӧн да мупытшса ваӧн,

Олӧм 27:28

Енмыс мед сетас тэныд енэжса лысва, мувыв вотӧс, уна нянь да вина.

Матвей 6:33

Медводз корсьӧй Енлысь Юралӧмсӧ да Сылысь веськыдлунсӧ, сэки тіян ставыс тайӧ лоӧ.

Закар 8:6

Господь Саваоф тадзи висьталӧ: коляс войтырлы талун сьӧкыд эскыны, мый тадзи вермас лоны, но Меным абу сьӧкыд тайӧс вӧчны, – висьталӧ Господь Саваоф.

Аггей 2:19

Нянь йӧртӧдын ӧмӧй эм на кӧйдысыс? Виноград да инжир пу, гранат да олив пу ӧнӧдз на эз вайлыны вотӧссӧ, но ӧнісянь Ме бурсиа тіянӧс.

Аггей 1:10

Та вӧсна енэжыс оз сет тіянлы зэрсӧ, муыс оз сет быдтассӧ.

Йоиль 2:22

Энӧ полӧй, пемӧсъяс, овтӧминса йирсянінъяс вылын бара петас веж турун, пуяс пондасны вотӧсавны, инжир да виноград ваясны уна вотӧс.

Яков 3:18

Лӧньлунсӧ вайысьяс кӧдзӧны лӧньлунлысь кӧйдыс, а тайӧ кӧйдысыс вайӧ веськыда олӧмыслысь вотӧс.

1 Коринфӧ 3:21

Сідзкӧ, некод мед оз ошйысь мортӧн, ӧд ставыс тіян:

Осий 14:5

– Найӧ Менӧ эновтісны, но Ме бурдӧда найӧс таысь, Ме бара понда сьӧлӧмсянь радейтны найӧс, скӧрлунӧс Ме вешта на дінысь.

Езекиль 36:30

Ме лышкыда сета тіянлы пуяслысь вотӧссӧ да видз-мулысь быдтассӧ, медым мукӧд войтыръяс дугдасны тіянӧс янӧдны тшыгъялӧмныд вӧсна.

Исай 61:7

Тіянӧс янӧдӧмысь мынтысясны тіянлы кык пӧвстӧн, увтыртӧм бӧрти ті понданныд нимкодясьны асланыд шудысь, ӧд асланыд муӧ бергӧдчӧм бӧрын тіянлы вичмас кык пӧв унджык му, тіян нимкодясьӧмлы оз ло помыс.

Исай 30:23

Господь сетас тэныд кӧдзӧм му вылӧ зэр, муыс сетас нянь, ассьыс быдтассӧ, сійӧ лоӧ озыр да пӧтӧса. Сійӧ лунӧ тэнад ыж-мӧскыд пондасны йирсьыны паськыд видз вылын.

Олӧм 26:12

Исаак кӧдзис му да босьтіс сійӧ вонас няньсӧ сё пӧвстӧн. Тадзи бурсиис сійӧс Господь.

Езекиль 36:12

Ме вайӧда Израиль керӧсъяс вылӧ йӧзӧс, и найӧ кутасны ветлӧдлыны сэті. Менам Израиль войтыр босьтас аслыс тайӧ мусӧ, мый вичмӧдӧма сылы. Тайӧ муыс оз нин вай сылы кулӧм.

Шусьӧгъяс 19:12

Ӧксылӧн скӧрмӧмыс левлӧн равзӧм кодь, сылӧн бурлуныс турунвыв лысва кодь.

Псалтыр 72:3

ӧд ме вежалі лёк вӧчысьяслы, кор аддзи налысь бур олӧмсӧ.

Индӧд 33:28

Израиль повтӧг олӧ, Яковсянь чужысьяс лӧня олӧны сійӧ муас, кӧні быдмӧ уна нянь да визувтӧ вина, кытчӧ енэжсянь лысва лэччӧ.

Индӧд 32:2

Велӧдӧмӧй зэр моз киссьӧ, сёрниӧй лысва моз усьӧ, быдмӧгӧс моз юкталӧ, турунӧс моз киськалӧ.

Ӧксыяслӧн 3 небӧг 17:1

Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Левит 26:3

Кутчысянныд кӧ Менам индӧд-тшӧктӧмъясӧ да оланныд кӧ на серти,

Псалтыр 85:12

Господьӧй, менам Енмӧй, став сьӧлӧмсянь кута аттьӧавны Тэнӧ, кута помтӧг ошкыны Тэнсьыд нимтӧ.

Осий 13:3

Та вӧсна найӧ асъя ру кодьӧсь, ӧдйӧ бырысь лысва кодьӧсь, гумла вылын тӧвнырӧн нӧбӧдан кыд кодьӧсь, пачысь пуркйысь тшын кодьӧсь.

Аггей 2:18

Ӧні видзӧдлӧй, мый водзӧ лоӧ тайӧ лунсяньыс, ӧкмысӧд тӧлысьлӧн кызь нёльӧд лунсянь, кор вӧлі пуктӧма подувсӧ Господьлӧн крамлы.

Еремей 31:12

Найӧ локтасны, кутасны долыда сьывны Сион керӧс вылын, кутасны нимкодясьны, ӧд Господь сетіс налы бур козинъяс: шобді, вина да вый, ыжъясӧс да ӧшъясӧс. Налӧн олӧмыс лоас ваӧн киськалӧм сад кодь, найӧ оз нин вынтӧммыны.

Езекиль 34:28

Найӧ оз нин шедны мукӧд войтыръяслӧн киӧ, и зверъяс оз косявлыны найӧс. Найӧ кутасны повтӧг овны, ӧд повзьӧдысьыс оз нин ло.

Езекиль 36:9

Ме бергӧдча тіянлань да кута тӧждысьны тіян вӧсна, и мунытӧ бара кутасны гӧрны-кӧдзны.

Йоиль 2:19

Господь шуас Аслас войтырлы: – Ме сета тіянлы нянь, вина да вый, ті пӧттӧдзныд понданныд сёйны. Водзӧ ог лэдз мукӧд войтырлы янӧдны тіянӧс.

Софоний 3:13

Израильлӧн коляс войтырыс оз нин кут лёксӧ вӧчны, найӧ оз кутны пӧръясьны, налӧн вомысь оз нин петны ылӧг кывъяс. Ыжъяс моз найӧ пондасны йирсьыны-шойччыны, и некод оз вӧрзьӧд найӧс.

Малакий 3:11

Ме ог лэдз гагъяслы сёйны быдмӧгъяснытӧ, тіян виноградныд ӧтитӧг вотӧсалас, – висьталӧ Господь Саваоф. –