Закар 7:9 - Коми Библия 2023

⁹ – Господь Саваоф тадзи висьталӧ: веськыда мыждӧй, лоӧй бур сьӧлӧмаӧсь да меліӧсь ӧта-мӧдныд дінӧ.

Закар 7:9 Referans Kwoze

Микей 6:8

Мортӧй, тэныд юӧртӧма, мый бурыс да мый виччысьӧ тэсянь Господь. Сійӧ кӧсйӧ, медым уджъясыд вӧліны веськыдӧсь, медым вӧлін бур сьӧлӧма да раммӧдчӧмӧн олін Ен водзын.

Шусьӧгъяс 21:3

Веськыда олӧмыд да веськыда мыждӧмыд вись вайӧм дорысь Господьлы шогманаджык.

Еремей 7:5

Ті кӧ збыльысь веськӧданныд ассьыныд туйяснытӧ, вӧчанныд бурсӧ да веськыда мыжданныд ӧта-мӧднытӧ,

Еремей 21:12

ті, Давидлӧн рӧдыс! Господь тадзи висьталӧ: водз асывсяньыс мыждӧй веськыда, увтыртӧмаӧс мездӧй дзескӧдысьлӧн киысь, медым Менам скӧрлунӧй эз ыпнит би моз, медым тіян лёк вӧчӧмъясныд вӧсна Менам скӧрлунӧй эз паськав кусӧдны позьтӧм яр би моз.

Иоан 7:51

«Миян Индӧд серти позьӧ ӧмӧй мыждыны мортсӧ, оз кӧ медводз кывзыны сійӧс да тӧдмавны, мый сійӧ вӧчис?»

Лука 11:42

Курыд шог тіянлы, фарисейяс! Ті сетанныд исань турунысь, рута корйысь да став пуктасысь дасӧд юкӧнсӧ, а веськыда мыждӧмсӧ да Енмӧс радейтӧмсӧ бокӧ вештанныд. Тайӧс колӧ вӧчны да мукӧдторсӧ оз ков вунӧдны.

Матвей 23:23

Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті сетанныд исань турунысь, укропысь да тминысь дасӧд юкӧнсӧ. А Индӧдысь коланаджыкторсӧ эновтінныд: веськыда мыждӧмсӧ, буралӧмсӧ да эскӧмсӧ. Тайӧс колӧ вӧчны да мукӧдторсӧ оз ков вунӧдны.

Закар 7:7

Та йылысь Господь важӧн нин висьтавліс пророкъяс пыр, кор Ерусалим вӧлі уна йӧза да лӧнь карӧн, и кор сыгӧгӧрса каръясын, Негев муын да керӧсбердса муын олісны йӧз.

Амос 5:24

Но веськыда мыждӧмыс мед визувтас ва моз, веськыдлуныс – ю моз.

Езекиль 45:9

Господь Ыджыдыс тадзи висьталӧ: ӧвсьӧй, израильса ӧксыяс! Тырмас виавны-дзескӧдны да бырӧдны! Юралӧй да мыждӧй веськыда, дугдӧй вӧтлавны Менсьым войтырӧс асланыс му юкӧнысь, – висьталӧ Господь Ыджыдыс».

Еремей 7:23

Ме тшӧкті налы кывзысьны Менсьым да овны Менам тшӧктӧм серти, медым налы вӧлі бур. Ме кӧсйыси, мый сэки лоа налӧн Енмӧн, а найӧ лоасны Менам войтырӧн.

Левит 19:15

Ёрд вылын ло веськыд. Мыжды веськыда, эн видзӧд чужӧм вылӧ. Гӧль и озыр морт мед лоӧны тэныд ӧткодьӧсь.

Иоан 7:24

Энӧ мыждӧй чужӧм вылӧ видзӧдӧмӧн, а мыждӧй веськыда».

Индӧд 22:1

Тэ кӧ аддзан кодлыськӧ вошӧм ӧшкӧс либӧ ыжӧс, эн чорзьӧд сьӧлӧмтӧ, вайӧд сійӧс кӧзяиныслы.

Ӧксыяслӧн 2 небӧг 9:7

Давид шуис: «Эн пов. Тэнад Ионафан батьыд вӧсна ме лоа бур сьӧлӧма тэ дінӧ. Ме тэныд бӧр сета Саул пӧльыдлысь видз-мусӧ. А ачыд тэ кутан сёйны-юны менам пызан сайын».

Иов 6:14

Мортыс кӧ полӧ Ставсӧвермысь Енмысь, сійӧ оз эновт сьӧкыдалысь ёртсӧ.

Еремей 22:3

Господь тадзи висьталӧ: олӧй веськыда да мыждӧй збыльыс серти, увтыртӧмаӧс мездӧй дзескӧдысьлӧн киысь. Йӧз муысь локтысьӧс, батьтӧм-мамтӧмӧс да дӧваӧс энӧ увтыртӧй да энӧ дзескӧдӧй, мыжтӧм мортлысь вирсӧ тайӧ муас энӧ кисьтӧй.

Езекиль 18:8

Сетӧ кӧ уджйӧзӧн, бӧрсӧ содтӧдӧн оз босьт. Лёксӧ сійӧ оз вӧч, а вензьӧмъяс дырйи веськыда мыждӧ.

Закар 7:8

Закарлы вӧлі Господьсянь кыв:

Иов 31:20

сэки менам ыж вурунӧй шонтыліс сійӧс, и сійӧ аттьӧавліс менӧ.

Осий 12:7

Ефрем – ылӧг вески кутысь ханаанса кодь, сійӧ радейтӧ дзескӧдны.