Закар 7:2 - Коми Библия 2023

² Сэки Вефильын олысьяс мӧдӧдісны Сарецерӧс да Регем-Мелекӧс сылӧн йӧзкӧд кевмысьны Господьлы

Закар 7:2 Referans Kwoze

Закар 8:21

Ӧти карын олысьяс мунасны мӧд карын олысьяс дорӧ да шуасны: «Мунамӧй кевмысьны Господьлы, юрбитны Господь Саваофлы». Быдӧн та вылӧ горӧдас: «Ме тшӧтш муна».

Еремей 26:19

Но Езекей ӧксы да Иуда войтыр ӧмӧй виисны пророкӧс? Езекей ӧксы поліс Господьысь да кевмис Господьӧс бурсьӧлӧмтчыны. Та вӧсна Господь вежис Ассьыс шуӧмсӧ да эз вӧч сійӧ лёксӧ, мый шуис вӧчны налы. А ми ыджыд лёктор вӧчам аслыным».

Ӧксыяслӧн 3 небӧг 13:6

Еровам ӧксы шыасис Енлӧн морт дінӧ: «Кевмысь ме вӧсна аслад Господь Енлы, медым Сійӧ бурсьӧлӧмтчас ме дінӧ да бурдӧдас менсьым киӧс». Енлӧн морт кевмысис Господьлы, и ӧксылӧн киыс бурдіс да пондіс важ мозыс куснясьны.

Ӧксыяслӧн 1 небӧг 13:12

Сэки ме мӧвпышті, ӧні, мися, локтасны филистимсаяс Галгалӧ да уськӧдчасны ме вылӧ, а ме весиг эг на шыась Господь дінӧ. Та вӧсна шуи, мый ачым вая сотан висьсӧ».

Закар 6:10

«Мун Софонийлӧн Иосий пи ордӧ. Сэтысь аддзан Вавилон пленысь локтӧмаясӧс – Хелдайӧс, Товиӧс да Едайӧс.

Исай 60:7

Кедарысь став ыжсӧ вайӧдасны тэ дінӧ, Невайотысь межъяс лоӧны тэнад киынӧсь. Менам висьпуктанін вылын найӧс ваясны вись пыдди, найӧ лоӧны Меным шогмана висьӧн, и Ме нимӧда Ассьым дзирдлуна крамӧс.

Ездра 6:10

медым найӧ вермисны вайны енэжвывса Енлы шогмана вись да кевмысьны ӧксы да сылӧн пиян понда.

Петӧм 32:11

Но Мӧисей кевмысьӧмӧн шыасис аслас Господь Ен дінӧ: «Господьӧй, эн ӧзты Ассьыд скӧрлунтӧ Аслад войтырыд вылӧ, кодӧс Тэ ыджыд вынйӧрӧн да вына киӧн петкӧдін Египет муысь.

Ездра 2:28

Вефильысь да Гайысь – кыксё кызь куим морт,