Закар 3:5 - Коми Библия 2023

⁵ Нӧшта Господьлӧн андел тшӧктіс пуктыны Исуслы юр вылас сӧстӧм юркӧртӧд. Андел сулаліс орччӧн, а отсасьысьясыс пуктісны Исуслы юр вылас сӧстӧм юркӧртӧд да пасьтӧдісны сійӧс гажӧдчан паськӧмӧ.

Закар 3:5 Referans Kwoze

Закар 6:11

Босьт налысь эзысь-зарнисӧ да вӧч юркытш, сэсся пукты сійӧс юр вылас Исус аркирейлы, Иоседеклӧн пилы.

Петӧм 29:6

Юр вылас пукты юркӧртӧд. Юркӧртӧдас пысав вежа мичмӧдчанторсӧ.

Восьтӧм 4:10

сэки кызь нёль юрнуӧдысьыс уськӧдчӧны юралан пуклӧсын Пукалысь водзӧ да копыртчылӧны помтӧг Олысьлы. Ассьыныс юркытшсӧ пуклӧс водзӧ пуктӧмӧн найӧ шуалӧны:

Восьтӧм 4:4

Пуклӧс гӧгӧрыс вӧлі нӧшта на кызь нёль пуклӧс. Сэні пукалісны кызь нёль юрнуӧдысь. Найӧ вӧліны еджыд паськӧмаӧсь да зарни юркытшаӧсь.

Иов 29:14

Веськыдлуныс вӧлі меным паськӧмӧн, веськыда мыждӧмыс – кышанӧн да юрвевттьӧдӧн.

Исай 3:23

Чӧскыд дук пыдди на дорысь кутас ӧвтны лёк дукӧн, вӧнь пыдди налы лоӧ гез, читкыля юрси пыдди – куш плеш, мича паськӧм пыдди – шогалан паськӧм, мичлун пыдди – юръяндзим.

Езекиль 42:14

Крамӧ ветлӧм бӧрын попъяс оз петны ортсы йӧрӧ вежсьытӧг. Найӧ кольӧны тайӧ жыръясас ассьыныс кесъялан паськӧмнысӧ, ӧд кесъялан паськӧмыс вежа. Ассьыныс паськӧмсӧ пасьталӧм бӧрын попъяс вермӧны мунны войтыр дінӧ».

Закар 3:6

Господьлӧн андел туйдӧдіс Исусӧс:

Исай 61:10

Ме долыда нимкодяся Господь йылысь, менам лолӧй нимкодясьӧ менам Ен йылысь, ӧд Сійӧ пасьтӧдіс менӧ мездмӧмыслӧн паськӧмӧн, вевттис менӧ веськыдлуныслӧн кышанӧн, верӧспулы моз пуктіс менам юр вылӧ мича юрвевттьӧд, гӧтырпуӧс моз мичмӧдіс менӧ мичмӧданторъясӧн.