Закар 2:13 - Коми Библия 2023

¹³ Господь водзын мед ланьтас быд морт, ӧд Господь петӧ Аслас вежа оланінысь.

Закар 2:13 Referans Kwoze

Аввакум 2:20

А Господь – Аслас вежа крамын. Став муюгыдыс мед ланьтас Сы водзын!

Софоний 1:7

Ланьтӧй ставныд Господь Ыджыдыс водзын! Ӧд Господьлӧн луныс матын, Сійӧ дасьтӧма начкӧм вылӧ вись, вежӧдӧма корӧмаясӧс.

Псалтыр 68:5

Помкатӧг менӧ мустӧмтысьыс унджык менам юрси дорысь, менӧ дзескӧдысьяс ёнмӧдчӧны, меным ковмас сетны весиг сійӧ, мый эг босьтлы налысь.

Софоний 3:8

Сідзкӧ, виччысьӧй Менӧ, – висьталӧ Господь, – виччысьӧй сійӧ лунсӧ, кор Ме сувта мыждыны. Ӧд Ме шуи, мый чукӧрта войтыръясӧс, медым кисьтны на вылӧ Ассьым лӧглунӧс, ыпъялысь скӧрлунӧс. Менам скӧрлуна биӧн лоӧ сотӧма став мусӧ.

Римӧ 9:20

Мортӧй, коді тэ сэтшӧмыс, мый Енкӧд вензян? Вӧчӧмторйыс ӧмӧй вермас шуны вӧчысьыслы: «Мыйла тэ менӧ татшӧмнас вӧчин?»

Исай 51:9

Садьмы, кыпӧдчы, вынсяв, Господьлӧн ки! Садьмы важся кадӧ моз, кыпӧдчы, кыдзи важӧн вӧчлін. Эз-ӧ Господьлӧн киыс ви Рахавӧс, зэ-ӧ бытшкы саридзса гундырӧс?

Псалтыр 46:10

Войтыръяслӧн юралысьяс чукӧртчӧны Ен войтыр дінӧ, тайӧ войтырыс кесъялӧ Ӧвраамлӧн Енлы. Мувывса став веськӧдлысьыс Енмыслӧн, Сійӧ юралӧ-ыджыдалӧ на вылын.

Псалтыр 11:4

Но Господь бырӧдас ылӧдчысьясӧс, найӧс, кодъяс ошйысьӧны,

Индӧд 26:15

Видзӧдлы Аслад вежа оланінсянь, енэжсяньыд, да бурси Ассьыд Израиль войтыртӧ да тайӧ мусӧ, кӧні визувтӧ йӧв да ма, мусӧ, мый Тэ сетін миянлы, кыдзи кыв сетӧмӧн кӧсйысин миян батьяслы”.

Римӧ 3:19

Ми тӧдам, мый Индӧдыс висьталӧ Индӧд улын олысьяслы. Та вӧсна некод оз вермы мыйкӧ паныд шуны, ӧд став муюгыдыс Ен мыждӧм улын.

Еремей 25:30

Юӧрт налы став тайӧ кывъяссӧ: Господь грымӧбтас выліинсянь, Сійӧ гораа горӧдас Аслас вежа оланінсянь, равӧстас Аслас муын олысьяс вылӧ. Виноград талялысь моз Сійӧ гораа горӧдас мувывса став йӧзыс вылӧ.

Исай 63:15

Видзӧдлы енэжсяньыс, видзӧдлы Аслад вежа да дзирдлуна оланінсянь! Кӧні Тэнад вежӧгтӧмыд да вынйӧрыд? Тэнад сьӧлӧмыд тупкыса меным, Тэ он бурав ме дінӧ.

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Исай 57:5

Тіян лёкколӧмныд ӧзъялӧ пашкыр пуяс пӧвстын, быд веж пу улын. Ассьыныд челядьнытӧ ті ваянныд вись пыдди шоръяс дорын да керӧс потасъясын.

2 Каднебӧг 30:27

Попъяс да левитъяс бурсиисны войтырсӧ. Енмыс кыліс налысь гӧлӧс шысӧ, налӧн кевмӧмыс воис енэжӧдз, Енлӧн вежа оланінӧдз.

Исай 41:1

– Чӧв олӧй, кывзӧй Менӧ, саридз дорын олысьяс! Войтыръяс мед бара на ёнмӧдчасны, найӧ мед матыстчасны да шуасны: «Чукӧртчамӧй ёрд водзӧ».

Индӧд 18:21

Ті верманныд юавны асланыд сьӧлӧмын, кыдзи тӧдмавны, Господь-ӧ висьталӧ.

Индӧд 18:22

Тӧдӧй, Господь нимсянь пророклӧн висьталӧмыс кӧ оз збыльмы, сідзкӧ, эз Господь висьтав, а пророк шуис тайӧс асьсӧ кыпӧдӧм могысь. Энӧ полӧй сыысь».

Исай 14:2

да вайӧдасны найӧс Израиль муӧ. Сэні, Господьлӧн му вылын, Израиль войтыр босьтас тайӧ йӧзсӧ аслыс кесйӧгӧ. Израиль войтыр босьтас пленӧ дзескӧдысьясӧс да кутас ыджыдавны нартитысьяс вылын.

Исай 19:16

Сійӧ лунӧ египетсаяс лоӧны аньяс кодьӧсь. Повзьӧмнысла найӧ пондасны тіравны Господь Саваофысь, кор Сійӧ кисӧ лэптас на вылӧ.

Софоний 2:9

Та вӧсна Ме кыв сетӧмӧн кӧсйыся Аслам олӧмӧн, – висьталӧ Господь Саваоф, Израильлӧн Ен, – Моав лоӧ Содом кодь, аммон войтыр лоӧ Гомора кодь, налӧн муясыс тырасны ёг турунӧн, лоӧны сола гуӧн, пыр кежлӧ лоӧны овтӧминӧн. Менам коляс войтырӧй куштас найӧс, Менам войтырысь ловйӧн кольӧмаяс босьтасны налысь мусӧ.

Закар 4:9

– Зоровавель пуктіс подувсӧ крамлы, сійӧ помӧдзыс и лэптас сійӧс. Сэки ті тӧдмаланныд, мый Господь Саваоф мӧдӧдіс менӧ тіян дінӧ.

Закар 6:15

Йӧзыс ылісянь локтасны, мед отсавны лэптыны Господьлысь крамсӧ. Сэки ті тӧдмаланныд, мый Господь Саваоф мӧдӧдіс менӧ тіян дінӧ. Тайӧ ставыс инас, ті кӧ понданныд сьӧлӧмсяньныд кывзысьны Господьлысь, асланыд Енлысь.