Закар 2:11 - Коми Библия 2023

¹¹ Сійӧ лунӧ уна мукӧд войтыр локтасны Господь дінӧ да лоӧны Сылӧн войтырӧн. Господь кутас овны тэ ордын, и тэ тӧдмалан, мый Господь Саваоф мӧдӧдіс менӧ тэ дінӧ.

Закар 2:11 Referans Kwoze

Восьтӧм 11:15

Кор сизимӧд анделыс тутсіс трубаӧ, енэжас кылісны гора шыяс. Найӧ шуалісны: – Став муюгыдыс лои миян Господьлӧн да Сылӧн Мавтыштӧмалӧн юраланінӧн. Сійӧ кутас юравны нэмъяс чӧж!

Ап. уджъяс 28:28

Тӧдӧй, мый Ен мӧдӧдӧма мездмӧмсӧ ентӧдтӧмъяслы, найӧ и кыласны».

Лука 2:32

ентӧдтӧмъяслы вайӧм югыдтӧ, Тэнад Израиль войтырлы восьтӧм дзирдлунтӧ.

Исай 45:14

Господь тадзи висьталӧ: – Ставыс тайӧ, мый чукӧртісны египетсаяс, мыйӧн вузасьӧм помысь озырмисны эфиопияса олысьяс да саваса гырысь йӧз, вуджас тэныд, Менам войтырӧй, ставыс лоӧ тэнад. Найӧ, чептӧн дорӧмаяс, мунасны тэ бӧрся, уськӧдчасны тэ водзӧ да кутасны кевмысьӧмӧн шуавны: «Сӧмын тэкӧд Енмыс, и мӧд Енмыс абу!»

Иоан 17:21

Кевмыся, мед найӧ ставныс лоасны ӧтвыв. Кыдзи Тэ, Батьӧй, Ме пытшкын, а Ме – Тэ пытшкын, тадзи мед найӧ лоасны ӧтвыв Миян пытшкын. Сэки муюгыдыс эскас, мый Тэ Менӧ мӧдӧдін.

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Закар 3:10

Сэки, – висьталӧ Господь Саваоф, – ті коранныд ёртъяснытӧ да орччӧн олысьяснытӧ ас орданыд, медым виноград да инжир пуяс улын рытпукны.

Езекиль 33:33

Тэнад кывъясыд регыд инасны. Сэки тайӧ войтырыс тӧдмалас, мый на дінӧ воліс пророк».

Еремей 16:19

– Господьӧй, Тэ – менам выныс, Тэ – менам изкарыс, менам шог дырйи сайӧдчаніныс. Му помсяньыс локтасны Тэ дінӧ войтыръяс, найӧ шуасны: «Миян батьяслы вичмис сӧмын ылӧгыс – вичмисны идолъяс, кодъяслы весьшӧрӧ юрбитӧны, ӧд таысь нинӧм бурыс абу».

Исай 66:19

Ме петкӧдла налы индысьпас. Кодсюрӧӧс ловйӧн кольӧмаяс пӧвстысь Ме мӧдӧда юӧртны Менам дзирдлун йылысь войтыръяслы Фарсисӧ, Пулӧ да Лудӧ, кӧні лыйсьӧны ньӧввужйысь. Мӧдӧда юӧртысьясӧс тшӧтш Тувалӧ да Яванӧ, ылі саридздорса муясын олысь йӧз дінӧ, кодъяс эз на кывлыны Ме йылысь да эз на аддзывны Менсьым дзирдлунӧс.

Исай 52:10

Став войтыръяслӧн син водзын Господь петкӧдліс Аслас вежа килысь вынсӧ. Му помын олысьяс ставныс аддзасны миян Енсянь мездӧмсӧ.

Псалтыр 72:17

кытчӧдз ме эг пыр Енлӧн вежаинӧ и эг гӧгӧрво, мый виччысьӧ лёк вӧчысьясӧс.

Иоан 17:25

Веськыда вӧчысь Батьӧй, муюгыдыс оз тӧд Тэнӧ, а Ме тӧда Тэнӧ. Ӧні Тэнад сетӧмаясыд тшӧтш тӧдӧны, мый Тэ Менӧ мӧдӧдін.

Иоан 17:23

Ме кӧ на пытшкын, а Тэ – Ме пытшкын, сэки найӧ ставныс лоасны ӧтвыв. Тадзи муюгыдыс тӧдмалас, мый Тэ Менӧ мӧдӧдін, и найӧ мусаӧсь Тэныд, кыдзи Ме муса Тэныд.

Петӧм 12:49

Вужвойтырлы да йӧз муысь локтысьяслы индӧдыс ӧти».

Исай 48:16

Матыстчӧй Ме дінӧ да кывзӧй! Водзысяньыс Ме висьтавлі тіянлы восьсӧн. Сійӧ кадсяньыс, кор ставыс тайӧ заводитчис, Ме вӧлі сэні нин. Ӧні Господь Ыджыдыс сетіс меным Ассьыс ловсӧ да мӧдӧдіс менӧ.

Микей 4:2

Найӧ чукӧртчасны да шуасны ӧта-мӧдныслы: «Локтӧй, каямӧй Господьлӧн керӧс вылӧ, Яков Енлӧн крамӧ! Господь индас миянлы Ассьыс туйсӧ, медым ми ветлім Сылӧн туйясӧд». Сионсянь воас Индӧдыс, Ерусалимсянь – Господьлӧн кывйыс.

Закар 1:16

Та вӧсна Господь тадзи висьталӧ: Ме бӧр бергӧдча Ерусалим дінӧ да лоа бур сьӧлӧма сы дінӧ. Сэні выльысь лэптасны Менсьым крамӧс, – висьталӧ Господь Саваоф, – мурталӧм бӧрын выльысь лэптасны Ерусалим кар.

Закар 2:5

Ме лоа сы гӧгӧр биа стенмӧн, – висьталӧ Господь. – Лоа сы пытшкын дзирдлунӧн».

Закар 8:3

Господь тадзи висьталӧ: Ме бӧр локта Сионӧ, бара овмӧдча Ерусалимӧ. Ерусалимӧс шуасны эскана войтырлӧн карӧн, Господь Саваофлысь керӧссӧ – вежа керӧсӧн.

Закар 8:8

овмӧда найӧс Ерусалимӧ. Найӧ лоӧны Менам войтырӧн, а Ме лоа налӧн Енмӧн – эскана да веськыда вӧчысь Енмӧн.

Исай 52:11

Мунӧй, мунӧй, ылыстчӧй сэтысь, энӧ инмӧдчӧй пежас, дзикӧдз ылыстчӧй сэтысь, лоӧй сӧстӧмӧсь, Господьлысь вежа дозъяс новлӧдлысьяс.

Еремей 50:8

Пышйӧй Вавилонысь, мунӧй Калдея муысь, кӧзаяс моз мунӧй ыж чукӧр водзын.