Закар 2:1 - Коми Библия 2023

¹ Ме бара лэпті синмӧс да аддзи мортӧс, коді киас кутіс мурталан кӧв.

Закар 2:1 Referans Kwoze

Езекиль 40:3

Господь вайӧдіс менӧ сэтчӧ, и ме аддзи кар дзиръя дорын сулалысь мортӧс. Сійӧ вӧлі быттьӧ ыргӧнысь. Киас сійӧ кутіс шабді кӧв да мурталан бедь.

Закар 1:16

Та вӧсна Господь тадзи висьталӧ: Ме бӧр бергӧдча Ерусалим дінӧ да лоа бур сьӧлӧма сы дінӧ. Сэні выльысь лэптасны Менсьым крамӧс, – висьталӧ Господь Саваоф, – мурталӧм бӧрын выльысь лэптасны Ерусалим кар.

Восьтӧм 21:15

Мекӧд сёрнитысь анделлӧн вӧлі зарни бедь, медым муртавны карсӧ, сылысь дзиръяяссӧ да стенсӧ.

Восьтӧм 11:1

Меным сетісны кузь мурталан бедь да шуисны: «Мун, муртав Енлысь крамсӧ да висьпуктанінсӧ, лыддьы крамас юрбитысьяслысь лыдсӧ.

Езекиль 47:4

Бара мурталіс сюрс гырддза да келӧдіс менӧ ва вомӧн. Ваыс вӧлі пидзӧсӧдз. Нӧшта мурталіс сюрс гырддза да келӧдіс менӧ ва вомӧн. Ваыс вӧлі коскӧдз.

Езекиль 40:5

Со, ме аддзи крам да сійӧс кытшалысь стен. Мекӧд сёрнитысь мортлӧн беддьыс вӧлі квайт гырддза кузьта. Гырддза кузьтаас вӧлі пырӧ тшӧтш ки пыдӧс пасьта. Морт мурталіс йӧр стенсӧ, стенлӧн кызтаыс и судтаыс вӧлі ӧти бедь.

Закар 1:18

Ме лэпті синмӧс да аддзи нёль сюр.

Еремей 31:39

сэтысянь мурталан кӧвсӧ нюжӧдасны Гарев керӧсӧдз да водзӧ Гоалань.

Езекиль 47:3

Морт муніс асыввывлань. Сылӧн киас вӧлі мурталан кӧв, сійӧ мурталіс сюрс гырддза да келӧдіс менӧ визувтысь ва вомӧн. Ваыс вӧлі кок шегйӧдз.

Исай 54:16

Со, Ме вӧчи дорччысьӧс, коді ӧгыръясысь пестӧ би да дорӧ сэні тышкасянторъяс. Ме сідзжӧ вӧчи бырӧдысьӧс, коді гӧгӧр пазӧдӧ-бырӧдӧ.

Еремей 48:25

Моавлысь сюрсӧ керыштӧма, сылысь кисӧ чегӧма, – висьталӧ Господь.

Даниил 7:7

Нӧшта ме аддзи нёльӧд зверӧс. Сійӧ вӧлі зэв скӧр, ёна повзьӧдлана да ыджыд вынйӧра, сылӧн вӧліны ыджыд кӧрт пиньяс. Сійӧ ставсӧ косявліс-ньылаліс, а коляссӧ таляліс кокъяснас. Сійӧ торъяліс мукӧд воддза зверсьыс, сылӧн вӧлі дас сюр.