Закар 14:3 - Коми Библия 2023

³ Сэки Господь кутас тышкасьны тайӧ войтыръясыскӧд, кыдзи Сійӧ водзын тышкасьліс.

Закар 14:3 Referans Kwoze

Закар 12:9

Сійӧ лунӧ Ме бырӧда войтыръясӧс, кодъяс петасны Ерусалимлы паныд.

Софоний 3:19

Сійӧ кадас Ме мыжда ставнысӧ, кодъяс дзескӧдісны тэнӧ, Сион. Ме мезда чотысьясӧс, чукӧрта вӧтлӧмаясӧс. Быд муын, кӧні вӧлі найӧс янӧдӧма, Ме нимӧда найӧс, быдлаын найӧс кутасны ошкыны.

Йоиль 3:2

Ме чукӧрта войтыръясӧс да вайӧда найӧс Иосафат ковтысӧ. Сэні Ме кута мыждыны найӧс Аслам Израиль войтыр вӧсна да Аслам му вӧсна сыысь, мый войтыръяс пӧвстӧ разӧдісны Менсьым войтырӧс, юклісны Менсьым муӧс.

2 Каднебӧг 20:15

Яхазиэл шуис: «Иуда войтыр, Ерусалимын олысьяс да Иосафат ӧксы, кывзӧй! Господь тіянлы тадзи висьталӧ. Энӧ полӧй да энӧ тіралӧй тайӧ уна лыда тышкайӧзсьыс, ӧд тайӧ тышыс абу тіян, а Енмыслӧн.

Нав Исус 10:42

Ӧтчыдысь уськӧдчӧмӧн сійӧ пасьвартіс тайӧ муяссӧ да налысь ӧксыяссӧ, ӧд Господь, Израильлӧн Ен, тышкасис Израиль вӧсна.

Нав Исус 10:10

Господь шӧйӧвоштіс аморейясӧс израильса тышкайӧзлӧн син водзын. Гаваон дорын израильсаяс пасьвартісны аморейясӧс. Сэсся Бет-Хоронӧ кайысь туйӧд Азека да Македа каръясӧдз вӧтчисны пышйысьяс бӧрся да бырӧдісны найӧс.

Нав Исус 10:14

Татшӧм луныс, кор Господь тадзи вӧчис мортлӧн корӧм серти, таӧдз ни та бӧрын эз вӧвлы. Ачыс Господь тышкасис Израиль вӧсна.

Неемий 4:14

Ставсӧ видзӧдалӧм бӧрын ме шуи нималана йӧзлы, веськӧдлысьяслы да войтырлы: «Энӧ полӧй вӧрӧгысь! Тӧдӧй, мый Господьыс ыджыд да повзьӧдана! Тышкасьӧй вокъясныд, ныв-пиныд, гӧтыръясныд да керкаясныд вӧсна!»

Исай 29:7

Войся вӧтын моз уна лыда войтыр петасны тышӧ Ариэллы паныд, уськӧдчасны сы вылӧ, топӧдасны сійӧс да босьтасны сылысь изкарсӧ.