Закар 14:21 - Коми Библия 2023

²¹ Ерусалимын да Иуда муын став пӧртсӧ лоӧ вежӧдӧма-торйӧдӧма Господь Саваофлы. Вись вайиганыс йӧзыс босьтасны пӧртъяссӧ да пуасны сэні висьлысь яйсӧ. Сійӧ лунӧ Господь Саваофлӧн крамын оз ло весиг ӧти вузасьысь.

Закар 14:21 Referans Kwoze

Езекиль 44:9

Господь Ыджыдыс тадзи висьталӧ: йӧз муысь локтысьяслы, кодъяс олӧны Израиль войтыр пӧвстын, сьӧлӧмнас да вир-яйнас вундыштчытӧмъяслы, оз позь пырны Менам вежаинӧ.

1 Коринфӧ 10:31

Та вӧсна сёянныд-ӧ, юанныд-ӧ али нӧшта мыйкӧ вӧчанныд – ставсӧ вӧчӧй Енмӧс ошкӧм могысь.

Йоиль 3:17

– Сэки ті тӧдмаланныд, мый Ме – Господь, тіян Енныд, Ме ола Сионын, Аслам вежа керӧсын. Ерусалим лоӧ вежаинӧн, и мукӧд войтыр сэтчӧ оз пыр.

Восьтӧм 22:15

А понъяс, тшыкӧдчысьяс, кырсалысьяс, морт виысьяс, идоллы юрбитысьяс, ылӧгсӧ радейтысьяс да пӧръясьысьяс колясны кар ортсыас.

Восьтӧм 21:27

Нинӧм пежыс оз пыр тайӧ карас, некутшӧм пӧръясьысь да зывӧксӧ вӧчысь оз пыр сэтчӧ. Пырасны сӧмын найӧ, кодъяслысь нимсӧ гижӧма Балялӧн небӧгӧ – Олӧмыслӧн небӧгӧ.

Неемий 8:10

Мунӧй гортаныд да чӧскыда сёйӧй-юӧй. Юксьӧй сёян-юаннад накӧд, кодлӧн нинӧм абу дасьтӧма, ӧд тайӧ лунсӧ вежӧдӧма миян Господьлы. Энӧ шогсьӧй, ӧд Господь водзын нимкодясьӧм ёнмӧдӧ тіянӧс».

1 Петыр 4:17

Мыждан кадыс матын нин, и медводз Енмыс кутас мыждыны Ассьыс войтырсӧ. Сідзкӧ, медводз кӧ кутас мыждыны миянӧс, сэки мый виччысьӧ найӧс, кодъяс оз кывзысьны Енлӧн Евангелльӧлысь?

Еврейяслы 3:6

Ен керкаын Пиыс – Кристос, Сійӧ кывкутӧмӧн веськӧдлӧ ставнас Ен керканас. Ен керкаыс – тайӧ ми, лоам кӧ повтӧмӧсь да помӧдз кутам зумыда кутчысьны лачаас, мыйӧн ошйысям.

1 Тимофейлы 3:15

медым, падма кӧ, тэ тӧдін, кыдзи кутны асьтӧ Ен керкаын, ловъя Енлӧн вичкоын. Ӧд вичкоыс эм збыльыслӧн сюръяыс да подулыс.

Закар 14:20

Сійӧ лунӧ весиг вӧв тіньган вылын лоӧ гижӧма: «Вежӧдӧма-торйӧдӧма Господьлы». Господьлӧн крамын став пӧртйыс лоӧ вежа, висьпуктаніндорса вир резан тасьті кодь вежа.

Закар 7:6

А кор ті сёянныд-юанныд, онӧ ӧмӧй аслыныд тайӧс вӧчӧй?

Осий 12:7

Ефрем – ылӧг вески кутысь ханаанса кодь, сійӧ радейтӧ дзескӧдны.

Исай 35:8

Овтӧминті кутас мунны паськыд туй, сійӧс нимтасны Вежа туйӧн. Пежасьӧм морт оз кут ветлыны сы вывті, сійӧ лоӧ сӧмын Ен войтырлы туйӧн. Сэті мунысьяс, весиг мывкыдтӧмъяс, оз вошны.

Исай 4:3

Сэки Сион-Ерусалимын ловйӧн кольӧмаясӧс кутасны шуны вежаясӧн. Тадзи шуасны Ерусалимын олысьясӧс, кодъясӧс гижӧма ловъяяслӧн небӧгӧ.

Индӧд 12:12

Гажӧдчӧй Господь Енныд водзын ныв-пиныдкӧд, кесйӧгъясныдкӧд, а сідзжӧ левитъяскӧд, кодъяс олӧны тіян карын, ӧд налӧн абу му юкӧныс тіян пӧвстын.

Индӧд 12:7

Сэні ас котырныдкӧд сёйӧй висьнытӧ Господь Енныд водзын. Нимкодясьӧй сыысь, мый удж помысь перйинныд аслыныд, ӧд Господь, тіян Енныд, бурсиис тіянӧс.

Исай 52:1

Садьмы, Сион, чеччы, вевттьысь аслад вынӧн! Ерусалим, вежа кар, пасьтав ассьыд дзирдлуна паськӧмтӧ! Тэнад туйяс вывті оз нин кут ветлыны вундыштчытӧм да пеж оласнога.

Езекиль 45:1

«Кор ті понданныд пудъясьӧмӧн юклыны Израиль му, торйӧдӧй вежа юкӧн Господьлы. Кузьтанас сійӧ мед вӧлі кызь вит сюрс гырддза, а пасьтанас – кызь сюрс гырддза. Тайӧ му юкӧныс ставнас лоӧ вежа.

Софоний 1:11

Сыркъялӧй, Мактешын олысьяс, ӧд ханаансаясӧс лоӧ бырӧдӧма, став вузасьысьсӧ лоӧ виӧма.