Закар 14:2 - Коми Библия 2023

² – Ме чукӧрта войтыръясӧс, мед тышкасьны Ерусалимкӧд. Найӧ босьтасны карсӧ, керкаяссӧ куштасны, аньяссӧ мырдӧналасны-янӧдасны. Карсьыс джын олысьсӧ нуӧдасны пленӧ, мукӧдсӧ колясны карас.

Закар 14:2 Referans Kwoze

Исай 13:16

Налысь кагаяссӧ пасьвартасны налӧн син водзын, керкаяссӧ куштасны, гӧтыръяссӧ мырдӧналасны.

Марк 13:14

«Кор ті аддзанныд пеж зывӧксӧ сэтысь, кӧні сылы оз позь лоны, сэки Иудея муын олысьяс мед пышъясны керӧсъясӧ. Тайӧ пеж зывӧкыс йылысь Даниил пророк на висьтавліс – лыддьысьысь мед гӧгӧрвоӧ!

Матвей 22:7

Ӧксы кывлас та йылысь да ёна скӧрмас. Сійӧ мӧдӧдас ассьыс тышкайӧзсӧ вины морт виысьясӧс, а карсӧ тшӧктас сотны.

Амос 7:17

Та вӧсна Господь тадзи висьталӧ: – Тайӧ карас гӧтырыд лоас кырсалысь аньӧн, ныв-пиыд кулас шыпурт помысь, мутӧ мурталӧмӧн юкласны. Пеж муын тэ кулан, а Израиль войтырӧс нуӧдасны пленӧ».

Йоиль 3:2

Ме чукӧрта войтыръясӧс да вайӧда найӧс Иосафат ковтысӧ. Сэні Ме кута мыждыны найӧс Аслам Израиль войтыр вӧсна да Аслам му вӧсна сыысь, мый войтыръяс пӧвстӧ разӧдісны Менсьым войтырӧс, юклісны Менсьым муӧс.

Исай 5:26

Господь кыпӧдас дӧрапас да чукӧстас войтыръясӧс ылі муясысь, Сійӧ чукӧстас му помын олысьясӧс, и найӧ кокньыда да тэрыба локтасны.

Лука 2:1

Сійӧ лунъясӧ Римын ыджыдалысь Август кесар тшӧктіс гижавны ас мусьыс став йӧзсӧ.

Марк 13:19

Сійӧ лунъясӧ ыджыд шог суас йӧзсӧ, татшӧмыс Енмӧн муюгыдсӧ вӧчӧмсянь эз на вӧвлы да оз нин ло.

Бӧрданкыв 1:10

Дзескӧдысьяс нюжӧдісны кинысӧ, медым петкӧдны Ерусалимысь став донаторсӧ. Сійӧ аддзис, кыдзи ентӧдтӧмъяс пырисны вежаинӧ, а Тэ ӧд шулін на йылысь, мый налы оз позь лоны Тэнад чукӧртчӧм войтыр пӧвстын.

Еремей 34:1

Кор вавилонса Навукодоносор ӧксы аслас тышкайӧзкӧд да сылӧн киподувса муясысь тышкайӧзкӧд кытшаліс Ерусалим кар да сы гӧгӧрысь каръяссӧ, сэки Еремейлы вӧлі Господьсянь кыв:

Исай 65:18

Но ті понданныд пыр гажӧдчыны-нимкодясьны сыысь, мый Ме кута вӧчны. Со, Ме вӧча Ерусалим гажӧдчанінӧн, сэні олысьясӧс – нимкодясьысь войтырӧн.

Еремей 21:4

мый Господь, Израильлӧн Ен, тадзи висьталӧ: тіянлы аслыныд паныд Ме бергӧда шыпуртъяснытӧ, мыйӧн ті тышкасянныд вавилонса ӧксылы паныд да калдеяса тышкайӧзлы паныд, кодъяс кытшалӧмаӧсь тіянӧс. Ме чукӧрта шыпуртъяснытӧ тайӧ кар шӧрас.

Езекиль 5:8

Та вӧсна Господь Ыджыдыс тадзи висьталӧ: Ерусалим, Ме сувта тэныд паныд да мыжда тэнӧ мукӧд войтыръяслӧн син водзын.

Йоиль 3:9

Юӧртӧй войтыръяс пӧвстын: – Дасьтысьӧй ыджыд тыш кежлӧ, чукӧртӧй тышкайӧзӧс! Петӧй тышӧ, вермасьысьяс!

Закар 12:2

«Ме вӧча Ерусалимӧс сы гӧгӧр олысь войтыръяслы вина тыра дозйӧн. Найӧ пондасны юны сэтысь да кодавны. Иуда тшӧтш кутас юны-кодавны, кор Ерусалимӧс лоӧ кытшалӧма.

Закар 12:3

Сійӧ лунӧ, кор войтыръяс чукӧртчасны Ерусалимлы паныд, Ме вӧча Ерусалимӧс налы сьӧкыд изйӧн. Коді вӧрзьӧдас изсӧ, асьсӧ вирӧдз дойдалас.

Закар 12:9

Сійӧ лунӧ Ме бырӧда войтыръясӧс, кодъяс петасны Ерусалимлы паныд.

Исай 4:3

Сэки Сион-Ерусалимын ловйӧн кольӧмаясӧс кутасны шуны вежаясӧн. Тадзи шуасны Ерусалимын олысьясӧс, кодъясӧс гижӧма ловъяяслӧн небӧгӧ.