Закар 13:4 - Коми Библия 2023

⁴ Сэки мукӧд ылӧгпророкъяслы яндзим лоӧ асланыс восьтӧмъясысь. Найӧ оз нин кутны пророкавны да пророк моз оз кутны пасьтасьны гӧнысь кыӧм паськӧмӧ, мед ылӧдлыны йӧзсӧ.

Закар 13:4 Referans Kwoze

Матвей 3:4

Иоан новліс верблюд гӧнысь кыӧм паськӧм, коскас вӧнявліс кучик тасма, сёйліс чирк да видзвыв ма.

Исай 20:2

Господь шуис Амослӧн Исай пилы: «Мун да пӧрччы ас вывсьыд шогалан паськӧмтӧ, пӧрччы коксьыд кӧмтӧ». Сійӧ тадзи и вӧчис: ветлӧдліс пасьтӧг да кӧмтӧг.

Ӧксыяслӧн 4 небӧг 1:8

Ӧксылы вочавидзисны: «Сы вылын вӧлі гӧна паськӧм, коскас – кучик тасма». Ӧксы шуис: «Тайӧ Тишби карысь Илля».

Восьтӧм 11:3

Ме мӧдӧда Ассьым кык висьталысьӧс. Шогалан паськӧмӧ пасьтасьӧмӧн найӧ кутасны пророкавны сюрс кыксё квайтымын лун чӧж».

Марк 1:6

Иоан новліс верблюд гӧнысь кыӧм паськӧм, коскас вӧнявліс кучик тасма, сёйліс чирк да видзвыв ма.

Еремей 6:15

Яндысьтӧг найӧ вӧчӧны зывӧксӧ, нинӧмысь оз повны, весиг оз гӧрдӧдны. Та вӧсна найӧ усясны усьӧмаяс пӧвстӧ, крукасясны, кор Ме мыжда найӧс, – висьталӧ Господь.

Еремей 2:26

Кыдзи гусясьысьӧс кутӧны да янӧдӧны, тадзи юръяндзим лои Израиль войтырлы, сылӧн ӧксыяслы да веськӧдлысьяслы, попъяслы да пророкъяслы.

Еврейяслы 11:37

Мӧдъясӧс изъялісны, быд ногыс дойдалісны, пилитісны шӧрипӧв да виисны шыпуртӧн. Коймӧдъяс ветлісны кӧза да ыж ку паськӧмӧн, пыкисны гӧльлун, найӧс нӧйтісны да вӧтлісны.

Еремей 8:9

Мывкыдаяс яналасны, повзясны да веськаласны тывйӧ. Налӧн мывкыдлуныс абу, ӧд найӧ ӧтдортісны Господьлысь кывсӧ.