Закар 11:17 - Коми Библия 2023

¹⁷ – Курыд шог шогмытӧм видзысьлы, коді эновтіс ыж чукӧрсӧ! Шыпурт мед керыштас сылысь кисӧ да перъяс сылысь веськыд синсӧ! Мед сылӧн киыс дзикӧдз косьмас да сылӧн веськыд синмыс пемдас!»

Закар 11:17 Referans Kwoze

Еремей 23:1

«Курыд шог Менсьым войтырӧс видзысьяслы, Менсьым ыжъясӧс бырӧдысь-разӧдысьяслы, – висьталӧ Господь. –

Езекиль 13:3

Господь Ыджыдыс тадзи висьталӧ: курыд шог мывкыдтӧм пророкъяслы, кодъяс эз аддзывны Енсянь петкӧдчылӧмъяс, но ассяньныс пророкалӧны.

1 Коринфӧ 8:4

Ӧні висьталышта идоллы вайӧм сёян йылысь. Ми тӧдам, мый идолыс збыльвылас абу, эм сӧмын ӧти Ен.

Езекиль 34:2

«Морт пиӧй, пророкав Израиль войтырӧс видзысьяслы паныд. Шу налы, мый Господь Ыджыдыс тадзи висьталӧ: курыд шог Израиль войтырӧс видзысьяслы, кодъяс тӧждысьӧны сӧмын ас вӧснаныс, а войтыр вӧснаыс оз тӧждысьны.

Матвей 23:16

Курыд шог тіянлы, синтӧм нуӧдысьяс! Ті шуанныд: ”Мортыс кӧ крам водзын кыв сетас, тайӧ кывсӧ позьӧ торкны. Сетас кӧ кывсӧ крамса зарни водзын, таысь кывкутас”.

Еремей 23:32

Ме сувта сійӧ пророкъяслы паныд, кодъяс висьталӧны ылӧг вӧтъяс, – висьталӧ Господь. – Пӧръясьӧмӧн да ошйысян кывъясӧн найӧ кежӧдӧны Менсьым войтырӧс ылӧгас. Ме эг мӧдӧдлы найӧс, эг тшӧктывлы налы вӧчны тайӧс. Менам войтырлы найӧ бурсӧ оз вайны, – висьталӧ Господь.

Римӧ 11:7

Сідзкӧ, мый артмӧ? Израиль эз аддзы, мый корсис, сӧмын бӧрйӧмаяс аддзисны. Мукӧдыс чорзьӧдчисны,

Иоан 12:40

– Енмыс тупкис налысь синнысӧ, чорзьӧдіс налысь сьӧлӧмнысӧ, медым эз аддзыны синнаныс, эз гӧгӧрвоны сьӧлӧмнаныс да эз бергӧдчыны Мелань, медым Ме бурдӧді найӧс.

Иоан 9:39

Исус шуис: «Ме локті муюгыдас мыждыны, медым синтӧмъяс аддзисны да аддзысьяс синтӧммисны».

Матвей 23:13

«Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті Енэжвыв Юраланінысь ӧдзӧссӧ йӧз водзын пӧдлаланныд. Асьныд онӧ пырӧй да пырны кӧсйысьясӧс онӧ лэдзӧй.

Еремей 22:1

Господь тадзи висьталіс: «Мун иудаса ӧксылӧн керкаӧ да висьтав сэні тайӧ кывъяссӧ:

Исай 44:10

Енъясӧс да бӧлбанъясӧс вӧчысьяс нинӧм бурсӧ оз вайны.

Исай 29:10

Ӧд Господь мӧдӧдіс тіян пытшкӧ унзіль, тупкис тіянлысь синнытӧ – пророкъяснытӧ, вевттис тіянлысь юрнытӧ – тӧдысь-аддзысьяснытӧ.

Исай 9:15

Юрыс – тайӧ юрнуӧдысьяс да нималана йӧз, а бӧжыс – тайӧ ылӧгвелӧдысь пророкъяс.

Ӧксыяслӧн 3 небӧг 13:4

Кор Еровам ӧксы кыліс Енлӧн мортлысь вефильса висьпуктанін йылысь шуӧмсӧ, сійӧ висьпуктанінсянь индіс кинас Енлӧн морт вылӧ да горӧдіс: «Босьтӧй сійӧс!» Сэки Еровамлӧн нюжӧдӧм киыс косьмис, и сійӧ бӧрсӧ эз вермы кусыньтны кисӧ.

Ӧксыяслӧн 1 небӧг 2:31

Воасны лунъяс, кор Ме орӧда тэнсьыд да тэнад рӧдлысь олан вынсӧ. Тэнад рӧдын дыр олысьыс оз ло.

Закар 10:2

Гортса бӧлбанъяс висьталӧны нинӧм абусӧ, туналысьяс аддзӧны ылӧгторъяс, висьталӧны пӧръясяна вӧтъяс, ышӧдӧны нинӧм абунас. Та вӧсна войтырыс шӧйтӧ вошӧм ыж чукӧр моз, сьӧкыдалӧ видзысьтӧгыс.

Закар 11:15

Господь шуис меным: «Нӧшта босьт сійӧ, мый колана мывкыдтӧм ыж видзысьлы.