Закар 11:14 - Коми Библия 2023

¹⁴ Сэсся ме чеги Ӧтувъялун нима бедьсӧ. Тадзи орӧді Иуда да Израиль костын воклунсӧ.

Закар 11:14 Referans Kwoze

Исай 9:21

Манассей – Ефремӧс, Ефрем – Манассейӧс, а ӧтвылысь найӧ – Иудаӧс. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Яков 3:16

Кӧні вежалӧм да сӧмын асьтӧ радейтӧм, сэні кывзысьтӧмлун да быдпӧлӧс лёкыс.

Яков 3:14

Но тіян сьӧлӧмын кӧ эм курыд вежалӧм да асьтӧ радейтӧм, сідзкӧ, энӧ ошйысьӧй да асланыд ылӧгӧн энӧ вевттьӧй збыльсӧ.

Галатӧ 5:15

Ті кӧ йиранныд-пуранныд ӧта-мӧднытӧ, видзчысьӧй, мед ӧта-мӧдтӧ дзикӧдз энӧ бырӧдӧй.

Матвей 24:10

Сэки унаӧн эновтчасны эскӧмсьыс, ӧта-мӧднысӧ вузаласны да мустӧмтасны.

Закар 11:9

Ме шуи ыжъяслы: «Водзӧ ме ог кут видзны тіянӧс. Коді тіян пиысь кулас, мед кулас. Коді вошас, мед вошас. Ловйӧн кольысьяс мед сёясны ӧта-мӧднысӧ».

Закар 11:7

Вузасьысьяс медалісны менӧ, медым ме видзи начкыны шуӧм ыжъясӧс. Ме босьті кык бедь, ӧтиыслы сеті Буралӧм ним, мӧдыслы – Ӧтувъялун ним. Наӧн ме видзи ыжъясӧс.

Исай 11:13

Ефремлӧн вежалӧмыс кусас, Иудаӧс мустӧмтысьясӧс лоӧ бырӧдӧма. Ефрем оз кут вежавны Иудалы, Иуда оз кут мустӧмтны Ефремӧс.

Закар 11:6

И Ме ог нин бурсьӧлӧмтчы тайӧ муас олысьяс дінӧ, – висьталӧ Господь. – Ме сета найӧс ӧта-мӧдныслӧн киӧ да ӧксыныслӧн кабыр улӧ. Найӧ пасьясны-куштасны ассьыныс мусӧ, и Ме некодӧс ог мезды налӧн киысь».

Езекиль 37:22

Сэні, Израиль керӧсъяс вылын, Ме вӧча найӧс ӧти войтырӧн. Налӧн лоӧ ӧти ӧксы. Найӧ оз нин кутны юксьыны кык войтыр вылӧ да оз нин овны кык ӧксылӧн юралӧм улын.

Марк 3:24

Ас муын олысьяс кӧ ас костаныс тышкасьӧны, сэні олӧмыс киссяс.