Biblia Todo Logo
Bib sou entènèt

- Piblisite -




Закар 1:8 - Коми Библия 2023

8 Войнас ме аддзылі петкӧдчылӧм. Ковтысын мирт пуяс пӧвстын сулаліс гӧрд вӧла верзьӧма. Сы бӧрвылын сулалісны гӧрд, пегана да еджыд вӧвъяс.

Gade chapit la Kopi




Закар 1:8
26 Referans Kwoze  

Сэки петіс мӧд вӧв, сійӧ вӧлі би гӧрд рӧма. Сы вылын пукалысьлы вӧлі сетӧма вын – босьтны му вылысь лӧньлунсӧ, медым йӧзыс виалісны ӧта-мӧднысӧ. Сылы вӧлі сетӧма ыджыд шыпурт.


«Ефес вичкоса анделлы тадзи гиж: Со мый висьталӧ Сійӧ, коді кутӧ веськыд киас сизим кодзув да ветлӧдлӧ сизим зарни бикок пӧвстӧд.


– Ырыштчы, шыпуртӧй, Менам видзысь вылӧ, Аслам медматысса вылӧ, – висьталӧ Господь Саваоф. – Кувмӧн дойд видзысьсӧ, и ыжъясыс разаласны. Ичӧт баляяс вылӧ Ме лэпта Ассьым киӧс.


Йӧн пыдди кутас быдмыны кипарис, петшӧр пыдди – мирт. Ставыс тайӧ лоӧ Господьӧс нимӧдӧм вылӧ, лоӧ нэмъяс кежлӧ индысьпасӧн.


Кушинӧ Ме пукта сус пу, акация, мирт да олив пу, кос муӧ – кипарис, платан да пожӧм,


Войся аддзылӧмын меным нӧшта вӧлі петкӧдлӧма, мый енэжвывса кымӧръяс вылын локтіс Морт Пи кодь. Сійӧ матыстчис важысянь Олысь дінӧ, Сійӧс вайӧдісны важысянь Олысь водзӧ.


Войся аддзылӧмын меным, Данииллы, вӧлі петкӧдлӧма, кыдзи енэжыслӧн нёль тӧв гызьӧдісны ыджыд саридз.


Войся аддзылӧмын Данииллы вӧлі восьтӧма тайӧ гусяторсӧ. Сэки Даниил ошкис енэжвывса Енмӧс.


Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.


Кывйыс локтіс, кор ме мӧвпалі войся аддзылӧм йылысь йӧзыслӧн чорыда узигӧн.


Войнас Гаваонын Соломонлы вӧтас петкӧдчис Господь Ен да шуис: «Кор Менсьым, мый кӧсъян, и Ме сета тэныд».


Ерикон кар дорын Исус аддзис ас водзас сулалысь мортӧс. Сійӧ вӧлі перйӧма шыпуртсӧ. Исус матыстчис сы дінӧ да юаліс: «Тэ миян дор али миянлы паныд?»


Войнас Ен петкӧдчис Авимелеклы да шыасис сы дінӧ вӧтас: «Тэ кулан ань вӧсна, кодӧс босьтін аслыд, ӧд сылӧн эм верӧс».


– Менам мусукӧй лэччӧма аслас сад йӧрӧ, кӧні быдмӧны чӧскыда ӧвтысь быдмӧгъяс, сійӧ пӧткӧдчӧ сад йӧр вотӧснас, ӧктӧ сэтысь лилия.


Мусукӧй – менам, а ме – сылӧн, лилия дзоридзьяс пӧвстын сылӧн йирсяніныс.


Ме видзӧдлі да аддзи еджыд вӧлӧс. Сы вылын пукалысьлӧн киас вӧлі ньӧввуж. Сылы вӧлі сетӧма юркытш, и вермысь моз сійӧ муніс, медым вермыны.


Та вӧсна найӧ тшӧктісны юӧртны став асланыс каръясын да Ерусалимын: «Мунӧй керӧсъясӧ да вайӧй сэтысь вӧрса да быдтӧм олив пулысь вожъяссӧ, мирт да пальма вожъяс, нӧшта мукӧд паськыд коръя пу вожъяс, мед вӧчны чомъяс, кыдзи гижӧма Индӧдын».


Дарий ӧксылӧн мӧд веськӧдлан воӧ, шеват нима дас ӧтиӧд тӧлысьлӧн кызь нёльӧд лунӧ Закар пророклы, Иддо Береклӧн пилы, вӧлі Господьсянь кыв.


Мирт пуяс пӧвстын сулалысь верзьӧма шуис: «Тайӧ вӧлаяссӧ Господь мӧдӧдіс кытшовтны мусӧ».


Сэки вӧлаяс шуисны Господьлӧн анделлы, мирт пуяс пӧвстын сулалысь верзьӧмалы: «Ми кытшовтім мусӧ. Гуын моз гӧгӧр лӧнь».


Войнас Ен чукӧстіс Израильӧс: «Яков, Яков!» Яков вочавидзис: «Ме тані».


Господь шуис: «Кывзӧй Менсьым кывъясӧс. Эм кӧ тіян пӧвстын Менам пророк, сылы Ме восся петкӧдчылӧм пыр да сёрнита сыкӧд вӧтас.


Swiv nou:

Piblisite


Piblisite