Закар 1:14 - Коми Библия 2023

¹⁴ Та бӧрын мекӧд сёрнитысь андел шуис меным: «Юӧрт йӧзыслы, мый Господь Саваоф тадзи висьталӧ: – Ме вежӧгтӧмӧдз радейта Ерусалимӧс, ёна вежӧгтӧмӧй вӧсна доръя Сионӧс.

Закар 1:14 Referans Kwoze

Йоиль 2:18

Сэки Господь сувтас дорйыны Ассьыс мусӧ, Сійӧ бурсьӧлӧмтчас Аслас войтырыс дінӧ.

Закар 1:17

Нӧшта юӧрт, мый Господь Саваоф тадзи висьталӧ: – Менам каръясын бара пуксяс бур олӧм. Господь бара бурӧдас Сионӧс, выльысь бӧръяс Ерусалим кар».

Закар 1:9

Ме юалі: «Ыджыдӧй, тайӧ кодъяс?» Мекӧд сёрнитысь андел шуис меным: «Ме тэныд петкӧдла, кодъяс найӧ».

Исай 40:6

Ме кылі гӧлӧс шы: – Юӧрт! Ме юалі: – Мый меным юӧртнысӧ? – Мортыс – турун кодь, сылӧн мичлуныс – дзоридз кодь.

Исай 40:1

Бурӧдӧй, бурӧдӧй Менсьым войтырӧс, – тшӧктӧ тіян Енныд. –

Закар 1:13

Господь лӧньӧдіс мекӧд сёрнитысь анделӧс бур кывъясӧн.

Наум 1:2

Господь – вежӧгтысь Ен, Сійӧ – водзӧс перйысь Ен. Господь водзӧс перйӧ, Сійӧ тырӧма скӧрлунӧн. Господь мынтысьӧ Сійӧс мустӧмтысьяслы, Сійӧ дугдывтӧг скӧралӧ паныд сувтысьяс вылӧ.

Осий 11:8

Верма-ӧ Ме эновтны тэнӧ, Ефрем? Верма-ӧ Ме кольны тэнӧ, Израиль? Верма-ӧ эновтны тэнӧ Адмаӧс моз, вӧчны тэкӧд Севоимкӧд моз? Менам сьӧлӧмӧй небзьӧ, Менам пытшкӧсӧй нормӧ.

Исай 63:15

Видзӧдлы енэжсяньыс, видзӧдлы Аслад вежа да дзирдлуна оланінсянь! Кӧні Тэнад вежӧгтӧмыд да вынйӧрыд? Тэнад сьӧлӧмыд тупкыса меным, Тэ он бурав ме дінӧ.

Исай 59:17

Кӧрт кышӧдӧн моз Сійӧ вевттьысис веськыдлуннас, пуктіс юр вылас мездмӧмыслысь юртупкӧдсӧ, пасьталіс Ас вылас водзӧс перъян паськӧмсӧ, вевттьысис скӧрлуннас кышанӧн моз.

Исай 42:13

Господь петас тышкаморт моз, шыпурта моз Сійӧ тырас скӧрлунӧн, Сійӧ гораа горӧдас, чукӧстас тыш вылӧ, Сійӧ петкӧдлас Ассьыс вынсӧ паныд сувтысьяслы.

Исай 38:22

А Езекей юаліс: «Мый серти ме тӧдмала, мый ме бара верма мунны Господьлӧн крамӧ?»

Исай 9:7

Сійӧ кутас пукавны Давидлӧн юралан пуклӧсын, Сылӧн ыджыдалӧмлы да лӧньлунлы помыс оз ло. Аслас веськыдлуннас да збыль серти мыждӧмнас Сійӧ ёнмӧдас-вынсьӧдас Ассьыс юралӧмсӧ ӧні и пыр кежлӧ. Тадзи вӧчас Господь Саваоф, ӧд Сійӧ – вежӧгтысь Ен.

Закар 4:1

Андел, коді водзынсӧ сёрнитіс мекӧд, бӧр локтіс да узян унмысь моз садьмӧдіс менӧ.

Исай 37:32

Ерусалим карын ловйӧн кольӧмаяс паськӧдчасны кар гӧгӧрыс, мездмӧмаяс паськӧдчасны Сион керӧс гӧгӧр. Тадзи вӧчас Господь Саваоф, ӧд Сійӧ – вежӧгтысь Ен.

Исай 40:2

Меліа висьталӧй Ерусалимлы, юӧртӧй сылы, мый сылӧн сьӧкыдалан кадлы воис пом, мый сылысь мыжъяссӧ прӧститӧма. Господь мынтысис сылы кык пӧвстӧн став сылӧн мыжъясысь.

Езекиль 36:5

Господь Ыджыдыс тадзи висьталӧ: Аслам ыпъялан скӧрлунӧн Ме сёрнита Эдом войтырлы паныд да мукӧд войтыръяслы паныд. Менсьым муӧс найӧ босьтісны аслыныс, лӧгпырысь нимкодясьӧмӧн да мустӧмтӧмӧн куштісны сійӧс.