Яков 5:19 - Коми Библия 2023

¹⁹ Вокъяс, тіян пиысь кӧ кодкӧ кежас збыльсьыс, да ті кӧ бӧр бергӧданныд сійӧс збыляс,

Яков 5:19 Referans Kwoze

Галатӧ 6:1

Вокъяс, мыжмас кӧ кодкӧ, сэки ті, Лов серти олысьяс, веськӧдӧй сэтшӧмсӧ рам сьӧлӧмӧн. Видзӧдӧй ас бӧрсяныд, мед асьныд энӧ шедӧй ылӧгас.

Матвей 18:15

«Вокыд кӧ мыж вӧчас тэныд паныд, мун да ас кежаныд янӧд сійӧс. Кывзас кӧ тэнӧ, сійӧ тэныд вокӧн кольӧ.

Яков 5:20

тӧдӧй, мый мыжа мортӧс ылӧг туй вылысь бергӧдысь мездӧ сійӧс кулӧмысь да вевттьӧ сылысь уна мыж.

Лука 22:32

Но Ме кевмыси тэ вӧсна, медым эскӧмыд эз быр. Кор тэ бергӧдчан бӧр, ёнмӧд вокъястӧ».

Езекиль 34:16

Вошӧм ыжӧс Ме корся, ылалӧмаӧс бӧр вайӧда, доймалӧмаӧс кӧртавла, висьысьӧс ёнмӧда, а тшӧгӧмаӧс да ёнӧс бырӧда. Ме кута видзны ыж чукӧрӧс веськыдлуныс серти.

2 Петыр 3:17

Та вӧсна, мусаясӧй, водзвыв тайӧс тӧдӧмӧн видзчысьӧй, медым энӧ шедӧй Ентӧг олысьяслӧн ылӧдӧмӧ да энӧ усьӧй зумыд подув вывсьыс.

1 Тимофейлы 6:10

Став лёкыс заводитчӧ сьӧм радейтӧмсянь. Сьӧм бӧрся вӧтлысигӧн кодсюрӧ кежисны эскӧмысь да кӧлалісны ас выланыс уна шог.

Езекиль 34:4

Жебъясӧс ті онӧ ёнмӧдӧй, висьысьясӧс онӧ бурдӧдӧй, доймалӧмаясӧс онӧ кӧртавлӧй, ылалӧмаясӧс бӧр онӧ вайӧдӧй, вошӧмаясӧс онӧ корсьӧй. Ті чорыда да скӧрпырысь веськӧдланныд наӧн.

Исай 3:12

Челядь дзескӧдӧны менсьым войтырӧс, аньяс ыджыдалӧны сы вылын. Вескӧдлысьяс кежӧдӧны сійӧс ылӧг туй вылӧ, нуӧдӧны чукля туйӧд.

1 Тимофейлы 6:21

Кодсюрӧ кутчысисны татшӧм тӧдӧмлунас да кежисны эскӧмысь. Енлӧн буралӧмыс тэкӧд. Аминь.

Шусьӧгъяс 19:27

Пиӧй, дугдан кӧ кывзыны велӧдӧмсӧ, тӧдӧмлунтӧгыд вошан.

Иуда 1:11

Курыд шог налы! Найӧ мунӧны Каин туйӧд, горшасьӧны сьӧм вылӧ, Валаам моз ылалӧмаӧсь. Корей моз найӧ паныд кыпӧдчӧны, та вӧсна Корейӧс моз найӧс лоӧ бырӧдӧма.

Яков 3:14

Но тіян сьӧлӧмын кӧ эм курыд вежалӧм да асьтӧ радейтӧм, сідзкӧ, энӧ ошйысьӧй да асланыд ылӧгӧн энӧ вевттьӧй збыльсӧ.

2 Тимофейлы 2:18

Найӧ кежисны збыльсьыс, висьталӧны, ловзьӧмыс пӧ вӧлі нин. Татшӧм сёрнинас найӧ жугӧдӧны кодсюрӧлысь эскӧмсӧ.

Еврейяслы 5:2

Татшӧм аркирейыс вермӧ гӧгӧрвоны мывкыдтӧмъясӧс да ылалӧмаясӧс, ӧд ачыс сійӧ на кодь жӧ вынтӧм.

Яков 1:16

Муса вокъяс, некодлы энӧ сетӧй асьнытӧ ылӧдлыны.

Яков 1:19

Муса вокъяс, быдӧн мед лоӧ тэрыб кывзыны, но ньӧжмыд сёрнитны да скӧрмыны.