Яков 5:11 - Коми Библия 2023

¹¹ Ми лыддям шудаӧн найӧс, кодъяс зумыда сулалісны помӧдз. Ті, дерт, кывлінныд Иовлӧн зумыдлун йылысь да тӧданныд, мый дасьтіс сылы мелі да бур сьӧлӧма Господь.

Яков 5:11 Referans Kwoze

Яков 1:12

Шуда сійӧ, коді вермӧ венны ыштӧдӧмсӧ, ӧд та бӧрти сылы лоӧ сетӧма Олӧмыслысь юркытш. Тайӧ юркытшсӧ Господь кӧсйысис сетны Сійӧс радейтысьяслы.

Петӧм 34:6

Господь муніс Мӧисей водзті да шуис: «Ме, Господь – мелі да бур сьӧлӧма, дыр терпитысь, буралысь да эскана Ен.

Матвей 10:22

Менам ним вӧсна унаӧн мустӧмтасны тіянӧс, но сьӧкыдсӧ помӧдз нуысь мездмас.

2 Петыр 2:9

Господь тӧдӧ, кыдзи мездыны вежавидзысьӧс сьӧкыдалӧмсьыс, а лёк вӧчысьӧс Сійӧ видзӧ, медым мыждан лунӧ сійӧс чорыда мыждыны.

Иов 2:10

Иов вочавидзис: «Вежӧртӧм ань моз тэ сёрнитан. Сӧмын бурсӧ ӧмӧй сибӧдам Енсяньыс, а лёксӧ огӧ?» Та дырйи Иов эз мыжмы аслас кывъясӧн.

1 Петыр 1:13

Сідзкӧ, лоӧй дасьӧсь да олӧй садь вежӧрӧн. Кутӧй зумыд лача Енлӧн буралӧм вылӧ, коді вичмас тіянлы Исус Кристос локтігӧн.

Лука 6:36

Лоӧй Батьныд моз бур сьӧлӧмаӧсь».

Бӧрданкыв 3:22

– Господьлӧн буралӧмыс вӧсна ми эгӧ бырӧй, Сылӧн буралӧмлы абу помыс.

Псалтыр 103:8

Керӧс вывсянь найӧ визувтӧны ласта вылӧ, сэтчӧ, кытчӧ Тэ тшӧктін.

Лыд 14:18

”Ме, Господь – дыр терпитысь, буралысь [да эскана]. Ме прӧстита лёк вӧчӧм да мыж, но мыжаӧс ог коль мыждытӧг. Батьяслӧн мыж вӧсна Ме водзӧс перъя челядьныслысь коймӧд да нёльӧд чужанвужйӧдз”.

Еврейяслы 10:39

Но ми абу на пӧвстысь, коді Енсьыс кежӧ да кулӧ. Ми на пӧвстысь, коді эскӧ да босьтӧ мездмӧмсӧ.

Еврейяслы 3:14

Ми кӧ водзысяньыс моз помӧдз кутам эскыны зумыда, сэки миянлы тшӧтш вичмас Кристослӧн озырлуныс.

Ефесӧ 2:4

Но буралӧмнас озыр Ен петкӧдліс Ассьыс ыджыд муслунсӧ миян дінӧ.

Микей 7:18

Тэ кодь мӧд енмыс абу! Тэ прӧститан мыжъяс, Ассьыд коляс войтыртӧ лёк вӧчӧмысь он мыжды. Тэ он скӧрав нэмъяс чӧж, ӧд Тэ бур сьӧлӧма.

1 Каднебӧг 21:13

Давид шуис Гад пророклы: «Ыджыд шог суис менӧ. Но морт киӧ веськалӧм дорысь бурджык шедны Господьлӧн мыждӧм улӧ, ӧд Сылӧн буралӧмыс зэв ыджыд».

Еврейяслы 3:6

Ен керкаын Пиыс – Кристос, Сійӧ кывкутӧмӧн веськӧдлӧ ставнас Ен керканас. Ен керкаыс – тайӧ ми, лоам кӧ повтӧмӧсь да помӧдз кутам зумыда кутчысьны лачаас, мыйӧн ошйысям.

Ефесӧ 1:6

Сідзкӧ, ошкамӧй Енсӧ дзирдлуна буралӧмсьыс. Тайӧ буралӧмсӧ Сійӧ козьналіс миянлы Аслас муса Пиыс пыр.

Римӧ 2:4

Гашкӧ, тэ нинӧм туйӧ пуктан Енлысь ыджыд бурлунсӧ, мелілунсӧ да терпитӧмсӧ? Он ӧмӧй гӧгӧрво, мый Енлӧн бурлуныс вайӧдӧ тэнӧ мыжъяссьыд бергӧдчӧмӧ.

Лука 1:50

Чужысьяссянь чужысьясӧдз Сылӧн буралӧмыс вуджӧ Сыысь полысьяс дінӧ.

Иона 4:2

Сійӧ кевмысьӧмӧн норасис Господьлы: «Господьӧй, кор ме вӧлі на аслам муын, ме тӧді нин, мый тадзи лоас. Ме та понда и пышйи Фарсисӧ. Ме тӧді, мый Тэ бур да мелі сьӧлӧма Ен, Тэнад терпитӧмыд ыджыд, Тэнад буралӧмлы абу помыс. Тэ дась бӧр босьтны Ассьыд мыждана шуӧмтӧ.

Йоиль 2:13

Энӧ паськӧмнытӧ косялӧй, а сьӧлӧмнытӧ. Бергӧдчӧй Господьлань, асланыд Енлань, ӧд Сійӧ бур да мелі сьӧлӧма, Сылӧн терпитӧмыс ыджыд, Сылӧн буралӧмлы абу помыс, Сійӧ дась бӧр босьтны Ассьыс мыждана шуӧмсӧ.

Исай 63:9

сьӧкыд кадӧ Сійӧ вӧлі накӧд, Сылӧн анделыс отсаліс налы. Аслас муслуныс да бурлуныс вӧсна Сійӧ мездывліс найӧс, новлӧдліс найӧс ки вылас став важся лунъясӧ.

Исай 63:7

Ме юӧрта Господьлӧн буралӧмыс йылысь, висьтала Господьлӧн ошкана уджъясыс йылысь, мый Господь вӧчис миянлы, висьтала Сылӧн ыджыд бурлун да муслун йылысь, Израиль войтыр дінӧ Сылӧн ыджыд буралӧм йылысь.

Еклесиаст 7:8

Помалӧмыд бурджык заводитӧм дорысь, терпитӧмыд бурджык вылӧ кыпӧдчӧмысь.

Псалтыр 103:13

Аслад выліинсянь Тэ зэрӧн юктӧдан керӧсъяс, Тэнад сетӧмторъясӧн пӧткӧдчӧ муыс.

Псалтыр 86:5

Сион кар йылысь шуӧны, сэтшӧмтӧ морт пӧ чужліс сэні, и Ачыс Медвылыссаыс пӧ сувтӧдіс тайӧ карсӧ.

Иов 23:10

Но Сійӧ тӧдӧ менсьым туйӧс, зарниӧс моз Сійӧ тӧдмалӧ менӧ биӧн.

Иов 1:2

Сылӧн вӧлі сизим пи да куим ныв.

Неемий 9:17

Найӧ эз кӧсйыны кывзысьны, вунӧдісны на пӧвстын вӧчӧм шензьӧданаторъястӧ. Найӧ асныралісны да индісны веськӧдлысьӧс, пыксисны да кӧсйисны бӧр бергӧдчыны нартитӧм улӧ. Но Тэ – прӧститысь Ен, Тэ бур да мелі сьӧлӧма, Тэнад терпитӧмыд ыджыд, Тэнад буралӧмлы абу помыс, Тэ эн эновт найӧс.

2 Каднебӧг 30:9

Ті кӧ бергӧдчанныд Господь дінӧ, сэки тіян рӧдвуж дінӧ да тіян челядь дінӧ бурсьӧлӧмтчасны найӧс пленӧ босьтысьяс, и лэдзасны найӧс бӧр бергӧдчыны тайӧ муас, ӧд Господь, тіян Енныд, бур да мелі сьӧлӧма. Сійӧ оз бергӧдчы тіянысь, ті кӧ бергӧдчанныд Сы дінӧ».

Даниил 9:9

Но Тэ, Господьӧй, миян Енмӧй, бур сьӧлӧма миян дінӧ. Ми кыпӧдчим Тэныд паныд, но Тэ прӧститан миянӧс.

Псалтыр 145:8

восьтӧ синтӧмлысь синсӧ, лэптӧ уськӧдӧмаӧс. Господь радейтӧ веськыда олысьӧс,

Псалтыр 51:1

Сьылысьясӧн веськӧдлысьлы. Давидлӧн сьыланкыв.

Неемий 9:31

Но Аслад ыджыд буралӧмыд вӧсна Тэ найӧс дзикӧдз эн бырӧд, Тэ эн эновт найӧс, ӧд Тэ – бур да мелі сьӧлӧма Ен.

Иов 1:1

Уц муын оліс Иов нима морт. Сійӧ вӧлі сӧстӧм сьӧлӧма веськыд морт, поліс Енсьыс да ӧтдортчис лёксьыс.

Яков 1:2

Вокъяс, долыда нимкодясьӧй, кор тіянлы ковмас нуны быдпӧлӧс сьӧкыдсӧ.

1 Петыр 3:14

Ті кӧ нуанныд сьӧкыдсӧ веськыда олӧм вӧснаныд, сідзкӧ, ті шудаӧсь. Энӧ полӧй некодысь да энӧ майшасьӧй нинӧмысь.

Лука 11:10

Ӧд корысьлы сетӧны, корсьысьлы сюрӧ да игӧдчысьлы восьтӧны.