Яков 4:8 - Коми Библия 2023

⁸ Матыстчӧй Ен дінас, и Сійӧ матыстчас тіян дінӧ. Мыськӧй кинытӧ, мыж вӧчысьяс! Кык бана шаньгаяс, сӧстӧммӧдӧй сьӧлӧмнытӧ!

Яков 4:8 Referans Kwoze

Еврейяслы 10:22

Сідзкӧ, локтамӧй Ен водзӧ восьса сьӧлӧмӧн да зумыд эскӧмӧн, ӧд миян сьӧлӧмным сӧстӧм да мыжтӧм, миянлысь вир-яйнымӧс мыськалӧма сӧстӧм ваӧн.

Малакий 3:7

Батьясныдлӧн кадсянь ті бергӧдчанныд Менам тшӧктӧмъясысь, онӧ олӧй на серти. Ӧні бӧр бергӧдчӧй Ме дінӧ, и Ме бергӧдча тіян дінӧ, – висьталӧ Господь Саваоф. – Но ті юаланныд, мыйла пӧ миянлы колӧ бӧрсӧ бергӧдчыны.

Закар 1:3

Висьтав войтырыслы Господь Саваофлысь шуӧмсӧ. Бергӧдчӧй Ме дінӧ, и Ме бергӧдча тіян дінӧ, – висьталӧ Господь Саваоф. –

2 Каднебӧг 15:2

и сійӧ муніс Аса дінӧ да шуис сылы: «Кывзы менӧ, Аса. Кывзӧй менӧ, Иуда да Венямин чужанкотыръяс. Господь лоӧ тіянкӧд, ті кӧ лоанныд Сыкӧд. Ті кӧ кутанныд корсьны Сійӧс, Сійӧ воссяс тіянлы. А эновтанныд кӧ Сійӧс, Сійӧ тшӧтш эновтас тіянӧс.

Еремей 4:14

– Ерусалим, сӧстӧммӧд ассьыд сьӧлӧмтӧ лёксьыс, сэки тэ мездман. Дыр-ӧ на тэ пондан видзны сьӧлӧмад лёк мӧвпъястӧ?

1 Иоан 3:3

Сы вылӧ татшӧм лача кутысь сӧстӧммӧдӧ асьсӧ, мед лоны Сы кодь сӧстӧмӧн.

Псалтыр 51:10

А ме Енлӧн керкаын вежӧдысь олив пу кодь, лача кута Енлӧн буралӧмыс вылӧ нэмъяс чӧж.

Еврейяслы 7:19

Ӧд Индӧдыс нинӧм эз вермы вайӧдны тыр-бурӧдз. Но миянлы сетӧма лача, коді ёна бурджык Индӧдыс дорысь. Тайӧ лачаыс отсӧгӧн ми матыстчам Ен дінӧ.

2 Коринфӧ 7:1

Мусаяс, со мыйта кӧсйысьӧм Енмыс сетӧма миянлы! Сідзкӧ, весалам ассьыным вир-яйнымӧс да ловнымӧс став пежсьыс. Кутам овны Енсьыс полӧмӧн, Сылӧн вежалуныс мед тырвыйӧ лоӧ миян пытшкын!

Езекиль 18:31

Дугдӧй мыж вӧчны, олӧй выль сьӧлӧмӧн да выль лолӧн. Мыйла тіянлы кувнысӧ, Израиль войтыр?

1 Каднебӧг 28:9

А тэ, Соломон пиӧй, тӧд аслад батьыдлысь Енсӧ, кесъяв Сылы став сьӧлӧмнад да став олӧмнад. Ӧд Господь быдӧнлысь тӧдмалӧ сьӧлӧмсӧ да тӧдӧ мӧвпъяссӧ. Кутан кӧ корсьны Сійӧс, сэки аддзан, а эновтан кӧ, Сійӧ пыр кежлӧ эновтас тэнӧ.

1 Петыр 3:21

Тайӧ лоӧмторйыс индӧ миян пыртчӧм вылӧ, мый абу вир-яй вылысь няйт мыськӧм, но сӧстӧм сьӧлӧмсянь Енлы кӧсйысьӧм. Пыртчӧм пыр ми мездмам Исус Кристослӧн ловзьӧм вӧсна.

Иов 17:9

Но веськыда олысь оз кеж аслас туй вылысь, сӧстӧм киа морт вынсялас-зумыдмас.

Матвей 12:33

«Бур пу вайӧ бур вотӧс, лёк пу – лёкӧс. Путӧ донъялӧны вотӧс сертиыс.

1 Тимофейлы 2:8

Ме кӧсъя, медым айулов быдлаын кевмысисны кинысӧ кыпӧдӧмӧн, сӧстӧм сьӧлӧмӧн, лӧгавтӧг да майшасьтӧг.

Исай 29:13

Господь шуис: – Тайӧ войтырыс матыстчӧ Ме дінӧ кывнас, вомнас найӧ пыдди пуктӧны Менӧ, но налӧн сьӧлӧмныс ылын Меысь. Меысь налӧн вежавидзӧмыс – тайӧ сӧмын тшӧктӧм серти вӧчӧм – тшӧктӧм, мыйӧ велӧдісны найӧс йӧзыс.

Псалтыр 24:4

Господьӧй, инды меным Ассьыд туйтӧ, велӧд менӧ ветлыны Тэнад кок туйӧд.

1 Петыр 1:22

Лов отсӧгӧн збыльыслысь кывзысьӧмӧн ті сӧстӧмминныд, медым восьса сьӧлӧмӧн верминныд радейтны мукӧд эскысьӧс. Сідзкӧ, сьӧлӧмсяньныд радейтӧй ӧта-мӧднытӧ.

Псалтыр 26:6

Сэки ме лэпта юрӧс, ог кут повны менӧ кытшалысь вӧрӧгысь. Господьлӧн крамын вая Сылы висьяс, нимкодясьӧмӧн понда сьывны Сылы ошкӧм.

Ап. уджъяс 15:9

Сылӧн син водзын миян да на костын абу некутшӧм торъялӧм, эскӧм понданыс Сійӧ сӧстӧммӧдіс налысь сьӧлӧмнысӧ.

Олӧм 18:23

Ӧвраам матыстчис да юаліс Господьлысь: «Веськыда олысьӧс Тэ ӧмӧй мыжаяскӧд ӧтвылысь бырӧдан? [Веськыда олысьӧс ӧмӧй виччысьӧ сійӧ жӧ, мый и мыжаӧс?]

Иов 16:17

Но менам кевмӧмӧй сӧстӧм, менам киӧй некодӧс эз вилы да эз дзескӧдлы.

Матвей 15:2

«Мыйла велӧдчысьясыд пӧрысьяслысь шуӧмсӧ торкӧны – сёйӧм водзвыланыс кинысӧ оз мыськавны?»

Еремей 4:11

Сійӧ кадас тайӧ войтырыслы да Ерусалимын олысьяслы лоӧ висьталӧма: «Овтӧминса керӧсъяс вывсянь сотысь тӧвныр пондас пӧльтны Менам войтыр вылӧ. Татшӧм тӧвныр дырйи он вермы тӧлӧдны-весавны шобді тусь.

Иов 9:30

Весиг кӧ лымваӧн мысся, кунваӧн киӧс мыськала,

Исай 13:15

Кодӧс суӧдасны – сійӧс бытшкасны, кодӧс вӧтӧдасны – сійӧс шыпуртӧн виасны.

Псалтыр 73:13

Аслад вынӧн Тэ поткӧдін саридзсӧ, жугӧдін саридзса гундыръяслысь юръяссӧ.

Матвей 27:24

Пилат аддзис: йӧзыс оз лӧньны, мӧдарӧ, ёнджыка на шызьӧны. Сэки налӧн син водзын Пилат мыськис кисӧ да шуис: «Ме абу мыжа тайӧ веськыда олысь мортсӧ виӧмысь. Видзӧдӧй асьныд».

Ӧксыяслӧн 1 небӧг 14:35

Господьлы вӧчӧм висьпуктанін вылын. Тайӧ вӧлі Саулӧн сувтӧдӧм висьпуктанінъясысь медводдзаыс.

Исай 58:2

Найӧ быттьӧ веськыда олысь войтыр, коді оз вунӧдлы аслас Енлысь тшӧктӧмъяссӧ, быд лун корсьысьӧ Менӧ, кӧсйӧ тӧдны Менсьым туйясӧс. Найӧ виччысьӧны Месянь веськыда мыждӧм, кӧсйӧны матыстчыны Ен дінӧ.

Яков 3:17

Но вылісянь сетӧм мывкыдлуныс – медвойдӧр сӧстӧм, сэсся лӧнь, рам, кывзысьысь, тырӧма буралӧмӧн да бур уджъясӧн. Сійӧ оз торйӧд мортӧс чужӧм вылӧ видзӧдӧмӧн, сійӧ ставсӧ вӧчӧ сьӧлӧмсяньыс.

Бӧрданкыв 3:57

Кор ме шыаси Тэ дінӧ, Тэ матыстчин ме дінӧ да шуин: «Эн пов».