Яков 3:6 - Коми Библия 2023

⁶ Миян кывным – тайӧ би. Миян вир-яйын сійӧ – лёк чукӧртанін, сійӧ пежалӧ дзоньнас вир-яйнымӧс. Ад бисянь ӧзйӧмӧн сійӧ сотӧ миянлысь став олӧмнымӧс.

Яков 3:6 Referans Kwoze

Шусьӧгъяс 16:27

Шогмытӧм мортыд лёксӧ вӧчны мӧвпалӧ, сылӧн сёрниыс сотысь би кодь.

Марк 7:15

Мортӧс оз пежав сійӧ, мый пытшкас пырӧ, а пежалӧ, мый сы пытшкысь петӧ.

Шусьӧгъяс 15:1

[Скӧралӧмыд бырӧдӧ весиг вежӧра йӧзӧс.] Скӧрмӧм мортлы кӧ лӧня вочавидзан, сійӧс лӧньӧдан, но лэчыд кывъя шуӧмыд сійӧс ыззьӧдас.

Лука 16:24

Озыр морт горӧдіс: ”Ӧвраам батьӧй, ло бур сьӧлӧма ме дінӧ! Мӧдӧд Лазарӧс, мед кӧтӧдас чунь помсӧ да кӧдзӧдас менсьым кывйӧс, ӧд ме мучитча тані би пытшкас”.

Шусьӧгъяс 6:19

ылӧг висьталысьӧс, коді содталӧ-лӧсьӧдлӧ, да сійӧс, коді вокъяс костын панӧ зык-вен.

Псалтыр 140:3

Господьӧй, видз менсьым кывйӧс ковтӧм сёрниысь, кӧртвомав менсьым вомӧс.

Псалтыр 64:3

Тэ кылан кевмысьӧм, та вӧсна став йӧзыс локтӧны Тэ дінӧ.

3 Иоан 1:10

Та вӧсна, кор ме локта, казьтышта сылы уджъясыс йылысь: сійӧ ӧд паськӧдӧ миян йылысь лёк сёрни. Но тайӧ этша на, сійӧ вокъясӧс оз сибӧд, тшӧтш мукӧдыслы оз лэдз тайӧс вӧчны. А сибӧдны кӧсйысьясӧс весиг вӧтлӧ вичкосьыс.

Яков 2:7

Оз ӧмӧй озыръяс лёкӧдны бур нимнытӧ, мый сетӧма тіянлы?

Ап. уджъяс 6:13

Сэтчӧ корисны ылӧгвисьталысьясӧс. Найӧ шуисны: «Тайӧ мортыс век омӧльтӧ миянлысь вежаинӧс да Индӧдӧс.

Ап. уджъяс 5:3

Петыр шуис сылы: «Ананий, мыйла тэ лэдзин сӧтанаыслы ыджыдавны сьӧлӧмад? Вузалӧм муыдлысь донсӧ дзебӧмнад тэ пӧръялін Вежа Лолӧс.

Матвей 12:24

Тайӧс кывлісны фарисейяс да шуисны, Сійӧ пӧ вӧтлалӧ пеж ловъясӧс налӧн Вельзевул юралысь вынӧн.

Матвей 5:22

Ме шуа тіянлы: коді лӧгалӧ вокыс вылӧ нинӧм абусьыс, сійӧс мыждасны. Коді вокыслы шуас: ”Тэ бӧб”, сійӧс вылыс ёрд мыждас. Коді воксӧ шуас йӧйӧн, сійӧ ад биӧ веськалас.

Ӧксыяслӧн 2 небӧг 19:43

Израильсаяс воча шуисны налы: «Ми ӧксылӧн дас чужанкотырыс. Ёнджыкасӧ сійӧ миян ӧксы, абу тіян. [Медводдза чужысьсянь петім ми, а энӧ ті.] Ті миянӧс нинӧмӧ пуктінныд. Ми ӧд водзджык шуим ӧксынымӧс бӧр вайӧдны». Но израильсаяс эз вермыны венны Иуда войтырӧс.

Восьтӧм 19:20

Зверӧс да сы нимсянь шензьӧданаторъяс вӧчысь ылӧгпророкӧс вӧлі кутӧма. Шензьӧданаторъяснас ылӧгпророкыс ылӧдліс найӧс, кодъяс босьтісны зверлысь пассӧ да копрасисны сылӧн серпаслы. Зверӧс да ылӧгпророкӧс ловйӧн вӧлі шыбитӧма биӧн да тэгйӧн сотчысь тыӧ,

Восьтӧм 18:23

Некор оз кут ӧзйыны тані би, некор оз кут кывны верӧспулӧн да гӧтырпулӧн гӧлӧс шыныс! Тэнад вузасьысьяс ыджыдалісны тайӧ му вылас, тшыкӧдчӧмӧн тэ кыскин войтыръясӧс ылӧгас.

Восьтӧм 13:14

Став шензьӧданаторнас, мый сійӧ вӧчӧ воддза зверыслӧн син водзын, сійӧ ылӧдлӧ му вылын олысьясӧс. Сійӧ тшӧктӧ налы вӧчны шыпуртӧн дойдӧм да ловзьӧм зверыслысь серпассӧ.

Восьтӧм 12:9

Ыджыд гундырӧс, важ змейӧс, вӧлі шыбитӧма му вылӧ. Сылӧн нимыс – омӧль да сӧтана, сійӧ – муюгыдысь став йӧзсӧ ылӧдлысь. Сыкӧд тшӧтш вӧлі шыбитӧма му вылас сылысь анделъяссӧ.

2 Петыр 3:3

Тӧдӧй, мый бӧръя кадӧ локтасны лёкӧдысьяс, кодъяс олӧны асланыс лёк кӧсйӧмныс серти.

Титлы 1:11

Татшӧмъясыслысь колӧ тупкыны вомсӧ. Яндысьтӧм горшлунныс вӧсна найӧ асланыс велӧдӧмӧн шӧйӧвоштӧны дзонь керкаяс, мыйӧ оз ков велӧдӧны.

Ап. уджъяс 20:30

Весиг тіян пӧвстысь сюрасны йӧз, кодъяс пондасны мӧдарӧ велӧдны да кыскыны ас бӧрсяыс велӧдчысьясӧс.

Еремей 28:16

Та вӧсна Господь тадзи висьталӧ: Ме чышкышта тэнӧ му вывсьыс. Тайӧ вонас тэ кулан, ӧд тэ ышӧдін тайӧ войтырсӧ Господьлы паныд кыпӧдчыны».

Еремей 20:10

Ме кыла уна йӧзлысь лёк сёрнияс, быд боксянь повзьӧдлӧны менӧ. Найӧ ыззьӧдӧны ӧта-мӧднысӧ, медым вузавны менӧ. Весиг ёртъясӧй виччысьӧны менсьым крукасьӧмӧс, найӧ шуалӧны: «Гашкӧ, сійӧ налькйӧ шедас, сэки ми сійӧс вермам да сылысь водзӧс перъям».

Исай 30:27

Со, ылісянь локтӧ Господь, ыпъялӧ Сылӧн скӧрлуныс, Сылӧн ыпъялан биыс вына, Сылӧн вомыс тырӧма лӧглунӧн, Сылӧн кывйыс ставсӧ сотысь би кодь.

Лыд 31:16

Валаамлӧн туйдӧдӧм серти найӧ кежӧдісны Израиль пиянӧс Господьысь, бергӧдісны найӧс юрбитны Пеорлы. Та вӧсна Господьлысь войтырсӧ суис бырӧдӧм.

2 Каднебӧг 13:17

Авий аслас тышкайӧзкӧд вермис-пасьвартіс израильсаясӧс. Вӧлі виӧма витсё сюрс медбур израильса тышкамортӧс.

Ӧксыяслӧн 2 небӧг 16:20

Авессалом шыасис Ахитофел дінӧ: «Висьтав, мый водзӧ вӧчны».

Индӧд 13:6

Тэнӧ кӧ вокыд, [батьыдлӧн пиыс либӧ] мамыдлӧн пиыс, аслад пиыд либӧ нылыд, радейтана гӧтырыд либӧ меддона ёртыд гусьӧн корас мунны сыкӧд да кесъявны мукӧд енъяслы, кодъясӧс ті да тіян батьясныд онӧ тӧдӧй,

Лыд 25:2

Моавса нывъяс корлывлісны израильса айуловӧс сёйны асланыс енъяслы вайӧм висьяс. Найӧ сёйлісны да юрбитлісны моавсаяслӧн енъяслы.

Шусьӧгъяс 7:5

Сэки найӧ видзасны тэнӧ йӧз гӧтырысь, аньысь, коді небыд кывъяснас кыскӧ ас дінас.

Исай 50:11

Ыпъялан биас асьныд мунӧй, донӧдӧм ньӧвъяс улас асьныд пырӧй, ті, кодъяс пестанныд би да лыйланныд биа ньӧвъяс. Со мый вӧчас тіянкӧд Менам киӧй – ті сьӧкыда куланныд.

Яков 3:7

Быдпӧлӧс пемӧсӧс, лэбачӧс, веглясьысьӧс да саридзын уялысьӧс мортыс вермӧ лӧньӧдны,