Яков 3:2 - Коми Библия 2023

² Ми ставным унаторйын мыжмам. Коді оз мыжмы сёрнинас, сійӧ тыр-бур морт да вермӧ кутны ставнас ассьыс вир-яйсӧ.

Яков 3:2 Referans Kwoze

Яков 1:26

Кодкӧ тіян пиысь кӧ лыддьӧ асьсӧ вежавидзысьӧн, но быдлаӧ вомсӧ восьтӧ, сійӧ ылӧдлӧ асьсӧ. Татшӧм мортыслӧн вежавидзӧмыс нинӧм оз сулав.

Шусьӧгъяс 13:3

Топыд вома видзӧ ассьыс ловсӧ, паськыд вома бырӧдас асьсӧ.

1 Петыр 3:10

– Кодлы муса олӧмыс, коді кӧсйӧ аддзыны шуда лунъяс, сійӧ мед видзас ассьыс кывсӧ лёк сёрниысь да вомсӧ пӧръясьӧмысь,

Матвей 12:37

Аслад кывъяс вӧсна мыжман, аслад кывъяс вӧсна и мыждӧмысь мынан».

Псалтыр 34:13

Налӧн висигӧн ме пасьтавлі шогалан паськӧм, тшыгъялі-видзалі да кевмыси став сьӧлӧмсянь.

Шусьӧгъяс 20:9

Коді вермӧ шуны, весалі пӧ ассьым сьӧлӧмӧс, сӧстӧмми пӧ аслам мыжъясысь?

Еклесиаст 7:20

Му вылас абу веськыда олысьыс, коді эськӧ мыжсӧ эз вӧчлы, а сӧмын бурсӧ.

Римӧ 3:10

Гижӧма: – Веськыда олысьыс весиг ӧтик абу,

Яков 1:4

А зумыдлуныс мед вайӧдас ассьыс уджсӧ тіян пытшкын помӧдз, медым ті вӧлінныд дзоньнас тыр-бурӧсь, да тіян эз вӧв некутшӧм тырмытӧмтор.

Ӧксыяслӧн 3 небӧг 8:46

Но кор найӧ мыж вӧчасны Тэныд паныд, ӧд мыж вӧчтӧм мортыс абу, и Тэ скӧрман на вылӧ да сетан найӧс вӧрӧг киӧ, и кор найӧс нуӧдасны пленӧ ылӧ либӧ матӧ,

Яков 2:10

Коді олӧ Индӧдыс серти, но торкӧ Индӧдсьыс кӧть ӧти тшӧктӧм, сійӧ лоӧ дзоньнас Индӧдсӧ торкысьӧн.

Исай 64:6

Ми ставным пежӧсь, миян веськыдлунным няйтчӧм паськӧм кодь, ми ставным косьмӧм коръяс кодьӧсь, миян мыжъясным тӧвныр моз нӧбӧдӧны миянӧс.

1 Коринфӧ 9:27

Ме топӧда ассьым вир-яйӧс да тшӧкта сійӧс кывзысьны, медым мукӧдлы Бур Юӧр висьтавлігӧн ачым вӧлі шогманаӧн.

Еврейяслы 13:21

Енмыс мед дасьтас тіянӧс быдпӧлӧс бур удж вылӧ, медым ті збыльмӧдінныд Сылысь кӧсйӧмсӧ. Исус Кристос пыр Сійӧ мед вӧчас тіян пытшкын ставсӧ, мый Сылы шогмана. Ошкӧм Сылы нэмъяс чӧж! Аминь.

Колосӧ 4:12

Чолӧм ыстӧ тіян Епафрасныд, Исус Кристослӧн кесйӧг. Кевмысигас сійӧ пыр тышын тіян вӧсна, мед эськӧ ті век сулалінныд зумыда да быдторйын тӧдінныд Енлысь кӧсйӧмсӧ.

Колосӧ 1:28

Сы йылысь ми висьтавлам быдӧнлы, велӧдам-туйдӧдам став мывкыдлунӧн, медым сувтӧдны быдӧнӧс Ен водзӧ Кристос пытшкын сӧвмӧмаясӧн.

Галатӧ 3:22

Гижӧдыс йӧртіс ставнысӧ мыж улас. Та вӧсна кӧсйысьӧмасӧ эскысьяс вермасны босьтны Исус Кристослы эскӧм пыр.

Римӧ 7:21

Казяла ас пытшкысь татшӧм индӧд: кӧсъя кӧ вӧчны бурсӧ, менам артмӧ лёкыс.

2 Каднебӧг 6:36

Но кор найӧ мыж вӧчасны Тэныд паныд, ӧд мыж вӧчтӧм мортыс абу, и Тэ скӧрман на вылӧ да сетан найӧс вӧрӧг киӧ, и кор найӧс нуӧдасны пленӧ ылӧ либӧ матӧ,

1 Петыр 5:10

Тіянлы этша нин колис сьӧкыдавны. Та бӧрти буралӧмнас озыр Ен, коді корис тіянӧс Исус Кристос пыр Аслас бырлытӧм дзирдлунӧ, мед ёнмӧдас да зумыдмӧдас тіянӧс да вӧчас тыр-буръясӧн.

Галатӧ 5:17

Ӧд вир-яй кӧсйӧ, мый Лов оз кӧсйы, а Лов кӧсйӧ, мый вир-яй оз кӧсйы. Найӧ паныд сувтӧны ӧта-мӧдныслы. Та вӧсна ті онӧ вермӧй вӧчны кӧсъянасӧ.

Псалтыр 39:1

Сьылысьясӧн веськӧдлысьлы. Давидлӧн псалом.

Шусьӧгъяс 10:19

Бызгысь вомаыд мыжӧ усьӧ, вомсӧ тупкысьыд – вежӧра.

Шусьӧгъяс 21:23

Коді вомсӧ оз паськӧдлы, ассьыс ловсӧ шогысь видзӧ.

Матвей 12:34

Вижля йылӧм! Верманныд-ӧ бурсӧ висьтавны, асьныд кӧ лёкӧсь? Ӧд мыйӧн тырӧма мортыслӧн сьӧлӧмыс, сійӧ вомсьыс и петӧ.

Левит 13:39

поп мед видзӧдлас сійӧс. Чутъясыс кӧ еджгов-кельыдӧсь, сідзкӧ, тайӧ абу пеж висьӧм, висьысьыс сӧстӧм.

Иов 15:13

Мыйла тэнад лолыд пыксьӧ Енмыслы, мыйла тэнад вомысь петӧны татшӧм кывъясыс?