Яков 2:14 - Коми Библия 2023

¹⁴ Вокъяс, коді шуӧ «ме эска», а уджъясыс сылӧн абуӧсь, мый нӧ таысь бурыс? Вермас-ӧ татшӧм эскӧмыс мездыны сійӧс?

Яков 2:14 Referans Kwoze

Лука 6:49

А коді кылӧ Менсьым кывъясӧс да оз ов на серти, сійӧ подувтӧм керка лэптысь кодь. Ытва дырйи сылӧн керкаыс дзик пыр ставнас киссяс».

Титлы 1:16

Найӧ шуӧны, тӧдам пӧ Енсӧ, но уджыс налӧн мӧдтор йылысь висьталӧ. Найӧ мустӧмӧсь, кывзысьтӧмӧсь и бурсӧ вӧчны оз сяммыны.

2 Петыр 1:5

Та могысь зільӧй петкӧдлыны эскӧманыд бур вӧчӧм, бур вӧчӧманыд – тӧдӧмлун,

Яков 2:26

Кыдзи вир-яйыд ловтӧгыс кулӧма, тадзи эскӧмыд уджъястӧгыс тшӧтш кулӧма.

Еврейяслы 11:17

Эскӧмӧн Ӧвраам вайис вись пыдди Исаакӧс, кор Енмыс кӧсйис тӧдмавны сылысь эскӧмсӧ. Ӧвраам дась вӧлі сетны вись пыдди ассьыс ӧтка писӧ, кодӧс Енмыс сылы кӧсйысьліс.

Еврейяслы 13:9

Энӧ лэдзӧй кежӧдны асьнытӧ быдпӧлӧс ылӧгвелӧдӧмас. Бурджык, ті кӧ ёнмӧданныд сьӧлӧмнытӧ Енлӧн буралӧмӧн, а онӧ сёян-юан йылысь велӧдӧмӧн. Ӧд татшӧм велӧдӧмыс сы серти олысьяслы нинӧм бурсӧ оз сет.

Галатӧ 5:6

Тэ кӧ Исус Кристос пытшкын, вундыштчӧмыд-ӧ, абу-ӧ вундыштчӧмыд – тайӧ нинӧм оз сет. Колана сӧмын муслуна эскӧм.

Яков 2:18

Дерт, кодкӧ вермас шуны: «Ӧтилӧн эм эскӧм, а мӧдлӧн – уджъяс». Сылы тадзи вочавидза: «Петкӧдлы ассьыд эскӧмтӧ уджъястӧгыд, а ме петкӧдла ассьым эскӧмӧс уджъяс пыр».

Ап. уджъяс 8:21

Тэныд весиг гыж ыджда пай оз вичмы таысь, ӧд тэнад сьӧлӧмыд абу веськыд Ен водзас.

Матвей 5:20

Висьтала тіянлы: тіян веськыдлунныд кӧ оз ло Индӧдӧ велӧдысьяслӧн да фарисейяслӧн веськыдлун дорысь бурджык, Енэжвыв Юраланінӧ онӧ пырӧй».

Титлы 3:8

Тайӧ кывъясыс эсканаӧсь. Ме кӧсъя, мед тэ тӧдчӧдӧмӧн пыр казьтылін тайӧс, медым Енлы эскысьяс тӧждысисны бурсӧ вӧчны. Тайӧ бур да йӧзыслы колана.

1 Тимофейлы 1:5

Миян ӧлӧдӧмлӧн медшӧр могыс – радейтӧм. Сійӧ петӧ сӧстӧм да мыжтӧм сьӧлӧмсянь да восьса сьӧлӧмӧн эскӧмсянь.

1 Фессалоникаӧ 1:3

Ен Батьным водзын ми век казьтывлам тіянлысь мырсьӧм-уджалӧмнытӧ да сьӧкыд нуӧмнытӧ. Ті эскӧмӧн да радейтӧмӧн уджнытӧ вӧчанныд, сьӧкыдсӧ нуанныд миян Господь Исус Кристос вылӧ лача кутӧмӧн.

Галатӧ 5:13

Вокъяс, тіянӧс корӧма мездлунас. Сӧмын мездлунсӧ энӧ бергӧдӧй вир-яйлысь кӧсйӧмсӧ могмӧдӧмӧ, но мусапырысь кесъялӧй ӧта-мӧдныдлы.

1 Коринфӧ 15:2

Тайӧ Евангелльӧыс пыр ті мездманныд, кутанныд кӧ зумыда кутчысьны менам висьтавлӧмӧ. Онӧ кӧ, тіян эскӧмныд весьшӧрӧ.

Ап. уджъяс 15:9

Сылӧн син водзын миян да на костын абу некутшӧм торъялӧм, эскӧм понданыс Сійӧ сӧстӧммӧдіс налысь сьӧлӧмнысӧ.

Яков 2:16

а тіян пиысь кодкӧ шуас сылы: «Мун лӧнь сьӧлӧмӧн, сёй-ю да шонтысь», но ачыс оз сет сылы коланаторсӧ, мый таысь бурыс?

1 Тимофейлы 4:8

Вир-яйтӧ ёнмӧдӧмысь бурыс этша, а вежавидзана олӧмысь – уна, ӧд сійӧ сетӧ лача ӧнія да локтана олӧм вылӧ.

Ап. уджъяс 8:13

Ачыс Симон тшӧтш эскис. Пыртчӧм бӧрас сійӧ эз вешйыв Филип дінысь, ёна шензис ыджыд вынӧн вӧчӧм шензьӧданаторъяс вылӧ.

Еремей 7:8

Но ті лача кутанныд ылӧгыс вылӧ, мый оз вай тіянлы бурсӧ.

1 Коринфӧ 16:22

Коді оз радейт Господь Исус Кристосӧс, сійӧс лоӧ ёрӧма. Маран-афа.

Римӧ 2:25

Вундыштчӧмыд бур, олан кӧ Индӧдыс серти. Он кӧ ов Индӧдыс серти, сэки тэнад вундыштчӧмыд нинӧм.

Лука 3:11

Сійӧ вочавидзис: «Тэнад кӧ кык дӧрӧм, ӧтисӧ сет, кодлӧн абу. Тэнад кӧ эм сёян, тшӧтш тадзи вӧч».

Яков 1:16

Муса вокъяс, некодлы энӧ сетӧй асьнытӧ ылӧдлыны.