Яков 1:6 - Коми Библия 2023

⁶ Сӧмын корӧй эскӧмӧн да майшасьтӧг. Ӧд майшасьысь морт тӧвнырӧн кыпӧдан-новлӧдлан саридзвывса гы кодь.

Яков 1:6 Referans Kwoze

Еврейяслы 11:6

Эскытӧгыд Енмыслы он шогмы. Ӧд Ен дінӧ локтысьлы колӧ эскыны, мый Енмыс эм, и мый Сійӧс корсьысьлы Сійӧ сетӧ тырдон.

Ефесӧ 4:14

Сідзкӧ, миянлы оз нин ков ылавны кагаяс моз быдпӧлӧс тӧвйыв велӧдӧмӧ. Ӧд татшӧм велӧдӧмыс петӧ наян да ылӧдчысь йӧзсянь.

Еврейяслы 10:23

Зумыда кутчысямӧй лачаас да сы йылысь восьсӧн висьтасьӧмас, ӧд миянлы Кӧсйысьысьыс эскана.

Еврейяслы 13:9

Энӧ лэдзӧй кежӧдны асьнытӧ быдпӧлӧс ылӧгвелӧдӧмас. Бурджык, ті кӧ ёнмӧданныд сьӧлӧмнытӧ Енлӧн буралӧмӧн, а онӧ сёян-юан йылысь велӧдӧмӧн. Ӧд татшӧм велӧдӧмыс сы серти олысьяслы нинӧм бурсӧ оз сет.

1 Тимофейлы 2:8

Ме кӧсъя, медым айулов быдлаын кевмысисны кинысӧ кыпӧдӧмӧн, сӧстӧм сьӧлӧмӧн, лӧгавтӧг да майшасьтӧг.

2 Петыр 2:17

Тайӧ ылӧгвелӧдысьясыс косьмӧм юкмӧс да тӧвнырӧн новлӧдлан кымӧръяс кодьӧсь. Татшӧмъясыслы век кежлӧ дасьтӧма сап пемыдсӧ.

Олӧм 49:4

Тэ бузгысь ва кодь, тэ медводдза чужысьлысь нимтӧ воштін, ӧд тэ батьыд вольпасьӧ водін, менсьым вольпасьӧс пежалін.

Матвей 14:28

Сэки Петыр шуис: «Господьӧй, тайӧ кӧ Тэ, тшӧкты меным ва вывті локны Тэ дінӧ».

Ап. уджъяс 10:20

Лэччы да майшасьтӧг мун накӧд, ӧд найӧс Ме мӧдӧді».

Яков 1:7

Мортыс кӧ кык ногӧн мӧвпалӧ ӧтитор йывсьыс, сійӧ нинӧм оз вӧч зумыдпырысь. Татшӧм мортыс мед оз чайт босьтны мыйкӧ Господьсяньыс.

Яков 5:15

Сэки эскӧмӧн кевмысьӧмыс отсалас висьысьлы, и Господь бурдӧдас сійӧс. А вӧчис кӧ сійӧ мыжъяс, сылысь мыжъяссӧ лоӧ прӧститӧма.