Яков 1:19 - Коми Библия 2023

¹⁹ Муса вокъяс, быдӧн мед лоӧ тэрыб кывзыны, но ньӧжмыд сёрнитны да скӧрмыны.

Яков 1:19 Referans Kwoze

Шусьӧгъяс 17:27

Мывкыд морт кужӧ кывсӧ кутны, вежӧра морт – чӧв овны.

Шусьӧгъяс 21:23

Коді вомсӧ оз паськӧдлы, ассьыс ловсӧ шогысь видзӧ.

Шусьӧгъяс 14:29

Ӧдйӧ пузьысь петкӧдлӧ ассьыс вежӧртӧмлунсӧ, коді вермӧ кутчысьнысӧ, сійӧ – вежӧра морт.

Шусьӧгъяс 10:19

Бызгысь вомаыд мыжӧ усьӧ, вомсӧ тупкысьыд – вежӧра.

Шусьӧгъяс 18:13

Усьӧм водзвылас мортыд вылӧ кыпӧдчӧ, пыдди пуктӧм водзвылас сійӧ раммӧдчӧ.

Шусьӧгъяс 13:3

Топыд вома видзӧ ассьыс ловсӧ, паськыд вома бырӧдас асьсӧ.

Шусьӧгъяс 16:32

Збоялӧм дорысь бурджык терпитны, кар босьтӧм дорысь бурджык асьтӧ кутны.

Ефесӧ 4:26

Скӧраліганыд энӧ мыжмӧй. Бурасьӧй ӧта-мӧдныдкӧд шонді пуксьытӧдзыс на.

Шусьӧгъяс 15:18

Скӧралысь мортыд зыксьӧм кӧдзӧ, дӧзмытӧмыд – зык-венсӧ дугӧдӧ.

Колосӧ 3:8

Ӧні эновтӧй скӧралӧмтӧ, лёксьӧмтӧ, лӧгалӧмтӧ, омӧльтӧмтӧ, пеж сёрнитӧ.

Ефесӧ 4:31

Эновтӧй дӧзмӧмтӧ, лёксьӧмтӧ, скӧралӧмтӧ, зыксьӧмтӧ, омӧльтӧмтӧ да быдсяма лёк вӧчӧмтӧ.

Шусьӧгъяс 18:21

Мортыд сёрнитӧмнас пӧтӧ, вомсьыс петан кывъяснас пӧткӧдчӧ.

Колосӧ 3:15

Тіян сьӧлӧмын мед ыджыдалас Енлӧн лӧньлуныс, кытчӧ корӧма тіянӧс, ті ӧд ӧти вир-яйынӧсь. Быд кадӧ ошкӧй Енмӧс.

Шусьӧгъяс 19:11

Мортлӧн бур вежӧрыс видзӧ сійӧс скӧрмӧмысь, ошкӧмыс лоӧ сылы, коді лёксӧ вунӧдӧ.

Шусьӧгъяс 15:2

Мывкыд морт бурсӧ висьталӧ, вежӧртӧм вомнас быгзьӧ.

Шусьӧгъяс 25:28

Коді оз сяммы асьсӧ кутны, сійӧ – стентӧг сулалысь киссьӧм кар кодь.

Шусьӧгъяс 14:17

Ӧдйӧ пузьысь уна ковтӧмсӧ вӧчӧ, лёк вӧчны мӧвпалысьӧс мустӧмтӧны.

Матвей 5:22

Ме шуа тіянлы: коді лӧгалӧ вокыс вылӧ нинӧм абусьыс, сійӧс мыждасны. Коді вокыслы шуас: ”Тэ бӧб”, сійӧс вылыс ёрд мыждас. Коді воксӧ шуас йӧйӧн, сійӧ ад биӧ веськалас.

Шусьӧгъяс 17:14

Пинь-зык панӧмыд ва ызӧбтӧм кодь, пансьытӧдзыс сувтӧд сійӧс.

Яков 1:26

Кодкӧ тіян пиысь кӧ лыддьӧ асьсӧ вежавидзысьӧн, но быдлаӧ вомсӧ восьтӧ, сійӧ ылӧдлӧ асьсӧ. Татшӧм мортыслӧн вежавидзӧмыс нинӧм оз сулав.

1 Фессалоникаӧ 2:13

Дугдывтӧг ошкам Енмӧс, ӧд миян висьталӧм бӧрын ті сибӧдінныд Енлысь кывсӧ сьӧлӧманыд. Ті сибӧдінныд сійӧс энӧ мортлысь висьталӧмсӧ моз, а Енлысь кывсӧ моз. Тайӧ збыльысь Енлӧн кыв, сійӧ вына тіян пытшкын, эскысьясын.

Неемий 9:17

Найӧ эз кӧсйыны кывзысьны, вунӧдісны на пӧвстын вӧчӧм шензьӧданаторъястӧ. Найӧ асныралісны да индісны веськӧдлысьӧс, пыксисны да кӧсйисны бӧр бергӧдчыны нартитӧм улӧ. Но Тэ – прӧститысь Ен, Тэ бур да мелі сьӧлӧма, Тэнад терпитӧмыд ыджыд, Тэнад буралӧмлы абу помыс, Тэ эн эновт найӧс.

Ап. уджъяс 17:11

Фессалоникасаяс дорысь татчӧс иудейяс вӧліны восьса сьӧлӧмаӧсь. Найӧ сибӧдісны Енлысь кывсӧ став сьӧлӧмнас, быд лун лыддьысисны, видзӧдісны Гижӧдъясысь, збыльысь-ӧ ставыс тадз.

Лука 19:48

Сӧмын эз тӧдны, кыдзи тайӧс вӧчны, ӧд став йӧзыс вешйывтӧг кывзісны Исусӧс.

Марк 2:2

и дзик пыр уна йӧз чукӧртчис Сы ордӧ, весиг пыранінас сулалісны. Исус висьталіс налы Енлысь кывсӧ.

Шусьӧгъяс 19:19

Лӧгалысьӧс мед мыждӧмыс суӧ, норман кӧ сы дінӧ, чорыдджыка на мыждыны ковмас.

Ап. уджъяс 10:33

Сэки ме дзик пыр мӧдӧді тэ дінӧ ассьым йӧзӧс. Тэ бура вӧчин, мый локтін. Ми ставным ӧні Ен водзынӧсь да дасьӧсь кывзыны ставсӧ, мый Енмыс тшӧктіс висьтавны тэныд».

Ап. уджъяс 2:42

Эскысьяс став сьӧлӧмнас кутчысисны апостолъяслӧн велӧдӧмӧ. Найӧ пыр ӧтлаын чукӧртчывлісны, нянь чегисны да кевмысисны.

Лука 15:1

Вот перйысьяс мукӧд мыжаяскӧд локтісны Исус дінӧ кывзыны Сійӧс.

Неемий 9:3

Найӧ сулалісны куим час чӧж, кор налы лыддисны Господь Енлысь Индӧдсӧ. Сэсся найӧ куим час чӧж копыртчӧмӧн висьтасисны мыжъяссьыныс Господьлы, асланыс Енлы.

1 Иоан 2:21

Ме гижа тіянлы ог сы вӧсна, мый ті онӧ тӧдӧй збыльсӧ, мӧдарӧ, ті сійӧс тӧданныд да. Ті ӧд тӧданныд, мый збыльсяньыс ылӧгыс оз лок.

Ап. уджъяс 13:48

Тайӧс кылӧм бӧрын ентӧдтӧмъяс пондісны нимкодясьны да ошкыны Господьӧс Сылӧн кывйысь. Эскисны ставныс, кодъяслы шуӧма пырны помтӧм олӧмӧ.

Марк 12:37

Давид шуӧ Сійӧс Господьӧн. Кыдзи нӧ Сійӧ Давидлы пиӧн лоӧ?» Унаӧн окотапырысь кывзісны Исусӧс.

Неемий 8:18

Медводдза гажӧдчан лунсянь бӧръя лунӧдзыс быд лун лыддисны Енлысь Индӧдсӧ. Гажӧдчисны сизим лун чӧж, а кӧкъямысӧд луннас Гижӧд серти вӧлі вежа чукӧртчӧм.

Лыд 22:27

Осёл аддзис Господьлысь анделсӧ да водіс, а Валаам пукаліс сы вылын. Валаам ёна скӧрмис да бедьнас пондіс кучкавны осёлӧс.

Шусьӧгъяс 29:20

Сы дорысь, коді мӧвпышттӧг кывсӧ шуӧ, бурджык вежӧртӧм вылӧ лача кутны.

Ап. уджъяс 1:15

Сійӧ лунъясӧ чукӧртчис сё кызь гӧгӧр велӧдчысь. На шӧрӧ сувтӧмӧн Петыр шуис:

Яков 1:2

Вокъяс, долыда нимкодясьӧй, кор тіянлы ковмас нуны быдпӧлӧс сьӧкыдсӧ.

Яков 1:16

Муса вокъяс, некодлы энӧ сетӧй асьнытӧ ылӧдлыны.

Яков 2:1

Вокъяс, ті эсканныд Исус Кристослы, миян дзирдлуна Господьлы. Сідзкӧ, энӧ торйӧдӧй йӧзсӧ чужӧм вылӧ видзӧдӧмӧн.

Яков 2:5

Кывзӧй, муса вокъяс! Енмыс бӧрйис тайӧ муюгыдсьыс гӧльясӧс, медым озырмӧдны найӧс эскӧмӧн да вичмӧдны налы Юраланінсӧ, мый Енмыс кӧсйысис сетны Сійӧс радейтысьяслы.

Яков 3:10

Ӧти вомысь петӧ ошкӧм и ёрӧм. Вокъяс, тадзи оз вермы лоны!

Яков 4:11

Вокъяс, энӧ лёкӧдӧй ӧта-мӧднытӧ! Лёкӧдӧ кӧ кодкӧ либӧ мыждӧ ассьыс воксӧ, сійӧ паныд сувтӧ Индӧдыслы да мыждӧ Индӧдсӧ. Но тэ кӧ мыждан Индӧдсӧ, сідзкӧ, тэ абу Индӧд серти олысь, а мыждысь.

Яков 5:12

Вокъясӧй, медвойдӧр кора тіянӧс, энӧ сетӧй кывнытӧ ни енэж водзын, ни му водзын, ни мукӧдтор водзын. Тіян ”да”-ныд мед лоӧ сӧмын ”да”, тіян ”ог”-ныд мед лоӧ сӧмын ”ог”. Сэки тіянӧс оз мыждыны.

Яков 5:19

Вокъяс, тіян пиысь кӧ кодкӧ кежас збыльсьыс, да ті кӧ бӧр бергӧданныд сійӧс збыляс,

Иов 32:16

Ме ог кут виччысьны, найӧ кӧ нинӧм оз висьтавны, сулалӧны кӧ да чӧв олӧны.