Яков 1:17 - Коми Библия 2023

¹⁷ Быдпӧлӧс бурсетӧмыс да тыр-бур козиныс воӧ вылісянь, югыдыслӧн Батьсянь. Сійӧ некор оз вежсьыв, Сылӧн югыдыс некор оз кус.

Яков 1:17 Referans Kwoze

Иоан 3:27

Иоан вочавидзис: «Мортыс нинӧм оз вермы босьтны аслыс, оз кӧ ло сетӧма сылы енэжсянь.

Матвей 7:11

Ті лёкӧсь, а сямманныд бурсӧ сетны асланыд ныв-пилы. Дерт нин, енэжвыв Батьныд уна пӧвстӧн бурсӧ сетас Сылысь корысьяслы.

Еврейяслы 13:8

Исус Кристос тӧрыт, талун да нэмъяс чӧж Сійӧ жӧ.

Иоан 8:12

Исус бара сёрнитіс йӧзыскӧд. Сійӧ шуис: «Ме эм йӧзыслы югыдыс. Ме бӧрся мунысь оз кут ветлыны пемыдас, сылӧн лоӧ олӧмыслӧн югыдыс».

Лыд 23:19

Енмыс абу морт, оз ылӧдчы. Сійӧ абу морт, кывсӧ оз вежлав. Мый шуас, сійӧс и вӧчас. Мый кӧсйысяс, сійӧс и збыльмӧдас.

1 Иоан 1:5

Енмыс эм югыдыс, Сы пытшкын пемыдыс абу. Тайӧ юӧрсӧ ми кывлім Ен Писянь, ӧні юӧртам сійӧс тіянлы.

Шусьӧгъяс 2:6

Ӧд мывкыдлунсӧ сетӧ Господь, тӧдӧмлуныс да вежӧрсялӧмыс локтӧ Сысянь.

Псалтыр 84:11

Буралӧмыс да збыльыс паныдасясны, веськыдлуныс да лӧньлуныс окыштчасны.

Яков 3:17

Но вылісянь сетӧм мывкыдлуныс – медвойдӧр сӧстӧм, сэсся лӧнь, рам, кывзысьысь, тырӧма буралӧмӧн да бур уджъясӧн. Сійӧ оз торйӧд мортӧс чужӧм вылӧ видзӧдӧмӧн, сійӧ ставсӧ вӧчӧ сьӧлӧмсяньыс.

Малакий 3:6

Ме – Господь, Ме ог вежлась! И ті, Яковлӧн пиян, абу вежсьӧмныд.

Ефесӧ 2:8

Ӧд Енмыслӧн буралӧмыс мездіс тіянӧс эскӧм пыр. Мездмӧмыс абу тіянсянь, сійӧ Енсянь козин.

Лука 11:13

Ті лёкӧсь, а сямманныд бурсӧ сетны асланыд ныв-пилы. Дерт нин, енэжвыв Батьныд сетас Вежа Ловсӧ Сылысь корысьяслы».

1 Коринфӧ 4:7

Тэ ӧмӧй бурджык мукӧдсьыс? Енлӧн сетӧмыс кындзи тэнад ӧмӧй эм мыйкӧ аслад? Абу кӧ, сідзкӧ, мыйла ошйысян, мый ставыс тэнад.

1 Иоан 4:10

Муслуныс абу сыын, мый Енмыс вӧлі муса миянлы, но сыын, мый ми вӧлім мусаӧсь Сылы. Сійӧ сетіс Ассьыс Писӧ вись пыдди, медым вештыны миянлысь мыжнымӧс.

Ефесӧ 1:18

Сійӧ мед югдӧдас тіянлысь сьӧлӧмнытӧ, медым ті гӧгӧрвоинныд, кутшӧм лачаӧ Сійӧ корӧма тіянӧс, кутшӧм ыджыд озырлун вичмӧ вежа войтырлы,

Иоан 1:9

Збыль Югыдыс, быд мортӧс югдӧдысь, локтіс муюгыдас.

Восьтӧм 21:23

Карыслы югзьӧдӧм вылӧ оз ков шонді ни тӧлысь, ӧд Енлӧн дзирдлуныс югзьӧдӧ сійӧс, а сылӧн биыс – Баляыс.

1 Каднебӧг 22:12

Господь мед сетас тэныд мывкыдлун да вежӧр, Сійӧ мед сувтӧдас тэнӧ веськӧдлыны Израиль войтырӧн, а тэ ставсӧ вӧч аслад Господь Енлӧн Индӧд серти.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

Исай 60:19

Луннас шондіыс оз нин понды тэныд югдӧдны, тӧлысьыс оз понды дзирдавны, но Ачыс Господь лоӧ тэныд бырлытӧм югыдӧн, тэнад Енмыд лоӧ тэнад дзирдлунӧн.

Ӧксыяслӧн 1 небӧг 15:29

Израильлӧн эскана Енмыс оз пӧръясь да оз соссьы Аслас кывъясысь. Сійӧ абу морт, мед вежны шуӧм кывсӧ».

Олӧм 41:16

Ӧсип вочавидзис фараонлы: «Ог ме тайӧс вӧч, а Енмыс. Сійӧ гӧгӧрвоӧдас фараонлы бур вылӧ».

Восьтӧм 22:5

Войыс сэні оз ло. Налы оз нин ков бисянь либӧ шондісянь югыдыс, ӧд налӧн югзьӧдысьнас лоас Господь Ен. Найӧ кутасны ыджыдавны нэмъяс чӧж.

Яков 1:5

Тіян пиысь кӧ кодлыкӧ оз тырмы мывкыдлуныс, мед корӧ Енмыслысь, и сылы лоӧ сетӧма. Ӧд Енмыс быдӧнлы сетӧ лышкыда да шуасьтӧг.

Римӧ 6:23

Мыжыс ӧд мынтысьӧ кулӧмӧн, а Енмыс сетӧ помтӧм олӧм миян Господь Исус Кристос пытшкын.

1 Каднебӧг 29:19

Отсав менам Соломон пилы став сьӧлӧмсяньыс овны-вӧчны Тэнад индӧд-тшӧктӧмъяс серти да лэптыны крамсӧ, мый могысь ме ставсӧ тайӧс дасьті».

Лыд 11:17

Ме лэчча да кута сёрнитны сэні тэкӧд. Тэ вылысь Ловсӧ Ме юкла да пукта тшӧтш на вылӧ. Сэки найӧ тэкӧд ӧтвылысь пондасны нуны войтыр вӧсна сьӧкыдсӧ, а он нин тэ ӧтнад.

Яков 3:15

Ӧд татшӧм мывкыдыс – абу вылісянь сетӧм мывкыд, сійӧ – мувывса, мортсянь да пеж ловъяссянь.

Исай 45:7

Ме вӧча югыдсӧ и пемыдсӧ, Ме мӧдӧда бурсӧ и лёксӧ. Ме, Господь, вӧча ставсӧ тайӧс.

Филипӧ 1:29

Ӧд Енмыс сетіс тіянлы эз сӧмын Кристослы эскыны, тшӧтш Сы понда сьӧкыдсӧ нуны

Ап. уджъяс 11:18

Тайӧс кылӧм бӧрын найӧ лӧнисны да ошкисны Енмӧс шуалӧмӧн: «Тыдалӧ, Енмыс ентӧдтӧмъяслы тшӧтш сетӧма позянлун бергӧдчыны мыжъяссьыс, мед и налӧн вӧлі олӧм».

Ап. уджъяс 5:31

Енмыс пуксьӧдіс Сійӧс веськыдладорас, индіс Сійӧс Юралысьӧн да Мездысьӧн, медым Израиль вермис бергӧдчыны мыжъяссьыс да босьтны прӧститӧмсӧ.

Исай 46:10

Водзысяньыс Ме юӧрта тіянлы, мый лоӧ, водзвыв висьтала тіянлы сы йылысь, мый эз на вӧв. Ме висьтала тіянлы: Менам мӧвпыштӧмӧй збыльмас, Ассьым кӧсйӧмӧс Ме пӧрта олӧмӧ.

Исай 28:26

Енмыс велӧдӧ сійӧс тадзи вӧчнысӧ, сылӧн Енмыс туйдӧдӧ сійӧс.

Индӧд 4:19

Кор ті видзӧдланныд енэжас да аддзанныд шондісӧ, тӧлысьсӧ да кодзувъяссӧ – став енэжвыв вынсӧ, энӧ ылалӧй, энӧ юрбитӧй-кесъялӧй налы. Господь, тіян Енныд, лэдзис мукӧд войтыръяслы юрбитны налы.

Лыд 11:25

Господь лэччис кымӧр пытшкын да сёрнитіс Мӧисейкӧд, сэсся Мӧисей вылысь Ловсӧ юкис да сетіс сизимдаснан юрнуӧдысьыслы. Кор Лолыс лэччис юрнуӧдысьяс вылӧ, найӧ кутісны пророкавны. Но бӧрынджык найӧ эз нин пророкавны.

Псалтыр 85:12

Господьӧй, менам Енмӧй, став сьӧлӧмсянь кута аттьӧавны Тэнӧ, кута помтӧг ошкыны Тэнсьыд нимтӧ.

Псалтыр 136:7

Господьӧй, эн вунӧд, мый Ерусалим кар бырӧдан лунӧ эдом войтыр горӧдіс: «Жугӧдӧй, жугӧдӧй сійӧс подулӧдзыс!»

Иоан 3:3

Исус вочавидзис: «Веськыда, веськыда висьтала тэныд: мортыс кӧ оз выльысь чуж, сійӧ оз вермы аддзыны Енлысь Юраланінсӧ».

1 Тимофейлы 6:16

Сійӧ ӧтнас кувлытӧм, олӧ югыдас, кытчӧ матыстчыны он вермы. Морт Сійӧс эз аддзыв, и аддзыны оз вермы. Сійӧс нимӧдӧмыс, Сылӧн ыджыдалӧмыс помтӧм. Аминь.