Яков 1:1 - Коми Библия 2023

¹ Гижӧ Яков, Енлӧн да Господь Исус Кристослӧн кесйӧг. Чолӧмала дас кык чужанкотырӧс, кодъяс разалӧмаӧсь став му пасьталаыс.

Яков 1:1 Referans Kwoze

Езекиль 12:15

Кор Ме разӧда найӧс войтыръяс пӧвстӧ да шердъя мукӧд муясӧ, сэки найӧ тӧдмаласны, мый Ме – Господь.

1 Петыр 1:1

Гижӧ Петыр, Исус Кристослӧн апостол. Чолӧмала тіянӧс, йӧз муӧ разалӧм войтырӧс, кодъяс оланныд Понтын, Галатын, Каппадокияын, Асияын да Вифинияын.

Иоан 7:35

Иудейяслӧн веськӧдлысьяс ас костаныс сёрнитісны: «Кытчӧ Сійӧ кӧсйӧ мунны, мый огӧ вермӧй аддзыны Сійӧс? Оз-ӧ кӧсйы мунны миян йӧз дінӧ, кодъяс олӧны грек войтыр пӧвстын? Оз-ӧ кӧсйы грек войтырӧс велӧдны?

Ап. уджъяс 8:1

Степанӧс виӧмсӧ Савл лыддис буртор вӧчӧмӧн. Сійӧ лунсяньыс Ерусалимын ёна кутісны вӧтлыны эскысьясӧс. Апостолъясысь кындзи ставныс найӧ разӧдчисны Иудея да Самария пасьтала.

Ап. уджъяс 26:7

Тайӧ кӧсйысьӧмыслысь збыльмӧмсӧ лача кутӧмӧн виччысьӧны миян войтырлӧн дас кыкнан чужанкотырыс, лун и вой юрбитӧны Енлы. Та вылӧ лача кутӧмысь и мыжалӧны менӧ иудейяс, Агриппа ӧксы.

Ап. уджъяс 15:23

Накӧд ыстісны татшӧм гижӧд: «Ми, апостолъяс, юрнуӧдысьяс да вокъяс, чолӧмалам тіянӧс, Антиокия карын, Сирия да Киликия муясын ентӧдтӧмъяс пиысь бергӧдчӧм вокъясӧс.

Титлы 1:1

Гижӧ Павел, Енлӧн кесйӧг да Исус Кристослӧн апостол. Менӧ мӧдӧдӧма, мед отсавны Енлӧн бӧрйӧмаяслы эскыны да тӧдны збыльсӧ, медым эськӧ найӧ вермисны овны вежавидзӧмӧн

Галатӧ 2:9

Яков, Петыр да Иоан, кодъясӧс лыддисны зумыд сюръяясӧн, гӧгӧрвоисны, мый Енмыс буралӧмнас корӧма менӧ. Сэки миянлы Варнавакӧд найӧ кинысӧ сетісны, медым вӧчны ӧтувъя удж. Сёрнитчим, мый найӧ мунасны иудейяс дінӧ, ми – мукӧд войтыръяс дінӧ.

Ап. уджъяс 15:13

Налӧн сёрнитӧм бӧрын шыасис Яков: «Вокъяс, кывзӧй менӧ.

Индӧд 28:64

Господь [тіян Енныд] разӧдас тіянӧс мукӧд войтыръяс пӧвстӧ, му ӧтар помсянь мӧдар помӧдзыс. Сэні ті кутанныд юрбитны пуысь да изйысь вӧчӧмторъяслы, мукӧд енъяслы, кодъясӧс ті ни тіян батьясныд энӧ тӧдлӧй.

Римӧ 1:1

Гижӧ Павел, Исус Кристослӧн кесйӧг, Енмӧн корӧм апостол. Менӧ бӧрйӧма висьтавлыны Енлысь Бур Юӧрсӧ.

Ап. уджъяс 21:18

Аскинас Павелкӧд ми мунім Яков дінӧ, кытчӧ локтісны тшӧтш вичкоса юрнуӧдысьяс.

Иоан 12:26

Меным кесъялысь мед локтӧ Ме бӧрся. Кӧні Ме лоа, сэні тшӧтш лоӧ Менам кесъялысьӧй. И Меным кесъялысьӧс Батьӧй бурӧ пуктас.

Матвей 19:28

Исус шуис: «Веськыда висьтала тіянлы: выль олӧмын Морт Пи пуксяс дзирдлуныслӧн юралан пуклӧсӧ. Тшӧтш ті, Ме бӧрся мунысьяс, пуксянныд дас кык юралан пуклӧсӧ мыждыны израильса дас кык чужанкотырӧс.

Иуда 1:1

Гижӧ Иуда, Исус Кристослӧн кесйӧг, Яковлӧн вок. Чолӧмала тіянӧс, кодъясӧс Ен Бать корис да вежӧдіс. Исус Кристос видзӧ тіянӧс.

2 Петыр 1:1

Гижӧ Симон-Петыр, Исус Кристослӧн кесйӧг да апостол. Чолӧмала тіянӧс, миян моз сьӧлӧманыд эскӧмсӧ босьтысьясӧс. Тайӧ донаторсӧ ми босьтім миян Енлӧн да Мездысь Исус Кристослӧн веськыдлун вӧсна.

Филипӧ 1:1

Павел да Тимофей, Исус Кристослӧн кесйӧгъяс, чолӧмалӧны Филип карын олысь да Исус Кристослы эскысь став вежа войтырӧс, вичкоса веськӧдлысьясӧс да отсасьысьясӧс.

Галатӧ 2:12

Яковсянь мӧдӧдӧмаяс вотӧдз Петыр ӧтлаын сёйис мукӧд войтыръясысь эскысьяскӧд. Но Яковлӧн йӧз локтӧм бӧрын сійӧ пондіс сайласьны да ӧтдортчыны, ӧд поліс вундыштчӧм дор сулалысьясысь.

Галатӧ 1:19

Мукӧд апостолсӧ ме эг аддзыв Господьлысь Яков воксӧ кындзи.

Ап. уджъяс 15:21

Мӧисейлысь Индӧдсӧ ӧд важысянь висьталӧны быд карын да быд шойччан лунӧ лыддьӧны синагогаын».

Ап. уджъяс 1:13

Локтӧм бӧраныс найӧ пырисны керкаӧ да кольччисны сэні вылыс судтаас. Тайӧ вӧліны: Петыр, Яков, Иоан, Ӧндрей, Филип, Фома, Варфоломей, Матвей, Алфей Яков, Симон Зилот да Яков Иуда.

Матвей 13:55

Сійӧ ӧд тшупсьысьлӧн пи! Мамыс – Мария, а вокъясыс – Яков, Иосей, Симон да Иуда.

Ӧксыяслӧн 3 небӧг 18:31

Сійӧ босьтіс дас кык из – Яковсянь петӧм чужанкотыръяслӧн лыдыс серти. Яковлы коркӧ Господь шуис: «Тэнад нимыд лоӧ Израиль».

Индӧд 30:3

сэки Господь, тіян Енныд, бурсьӧлӧмтчас тіян дінӧ да вайӧдас тіянӧс пленысь. Господь, тіян Енныд, чукӧртас тіянӧс мукӧд войтыръяс пӧвстысь, кытчӧ разӧдліс тіянӧс.

Левит 26:33

Ме разӧда тіянӧс войтыръяс пӧвстӧ, бӧрсяньныд вӧтча шыпуртӧн. Тіян муныд овтӧммас, каръясныд киссясны.

Ап. уджъяс 12:17

Петыр сетіс кинас пас, медым найӧ лӧнясны. Сэсся висьталіс налы, кыдзи Господь петкӧдіс сійӧс дзескыдінысь. «Юӧртӧй та йылысь Яковлы да мукӧд вокъяслы», – шуис Петыр. Та бӧрын петіс на дінысь да муніс мӧдлаӧ.

Ездра 6:17

Крам вежӧдӧм дырйи вись пыдди вайисны сё ӧшкӧс, кыксё межӧс да нёльсё баляӧс. Израильлӧн мыжъяс вӧсна вайисны вись пыдди дас кык кӧзаӧс – чужанкотыръяслӧн лыд серти.

Индӧд 4:27

Господь разӧдас тіянӧс мукӧд войтыръяс пӧвстӧ. Сэні, кытчӧ Господь вӧтлас тіянӧс, ті лоанныд этша лыдаӧсь.

Петӧм 39:14

Израиль пиянлӧн дас кык ним серти изйыс вӧлі дас кык. Быд из вылӧ вӧлі вундалӧмӧн гижӧма ӧти чужанкотырлысь нимсӧ.

Петӧм 24:4

Мӧисей гижис Господьлысь кывъяссӧ. Водз асывнас чеччӧм бӧрас сійӧ вӧчис керӧс горулӧ висьпуктанін. Висьпуктанінкӧд орччӧн сувтӧдіс Израиль чужанкотыръяслӧн лыд серти дас кык вежа из.

Восьтӧм 7:4

Сэсся ме кылі пасйӧмаяслысь лыдсӧ. Тайӧ лыдыс вӧлі сё нелямын нёль сюрс морт. Найӧ вӧліны Израиль войтырлӧн быд чужанкотырысь:

Ап. уджъяс 2:5

Сійӧ кадас Ерусалимын олісны му пасьталаысь локтӧм вежавидзысь иудейяс.

Лука 22:30

Менам Юраланінын ті понданныд сёйны-юны Мекӧд ӧти пызан сайын да пуксянныд юралан пуклӧсӧ мыждыны израильса дас кык чужанкотырӧс».

Матвей 10:3

Филип, Варфоломей, Фома, вот перйысь Матвей, Алфей Яков, Леввей – мӧд нимыс Фаддей,

Эсфир 3:8

Аман шуис Артаксеркс ӧксылы: «Эм ӧти войтыр, коді разалӧма тэнад му пасьтала. Тайӧ войтырыс олӧ мукӧд войтыръяс пӧвстын, но наысь торйӧдчӧмӧн. Налӧн индӧдыс торъялӧ мукӧд войтыръяслӧн индӧдысь, и найӧ оз овны ӧксылӧн тшӧктӧмъяс серти. Ӧксыӧй, тайӧс тадзи оз позь кольны.

Петӧм 28:21

Израиль пиянлӧн дас кык ним серти изйыс мед лоӧ дас кык. Быд из вылӧ колӧ вундалӧмӧн гижны ӧти чужанкотырлысь нимсӧ [Израиль пиянлӧн чужан во сертиыс].

2 Тимофейлы 4:21

Вермӧдчы локны тӧлӧдзыс. Тэныд ыстӧны чолӧм Еввул, Пуд, Лин, Клавдия да став вокъяс.

Ап. уджъяс 23:26

«Пыдди пуктана Феликс юралысь, тэнӧ чолӧмалӧ Клавдий Лисий.

Лука 6:15

Матвей, Фома, Алфей Яков, Симон, кодӧс нимтісны Зилотӧн,

Марк 3:18

нӧшта Ӧндрей, Филип, Варфоломей, Матвей, Фома, Алфей Яков, Фаддей, Кананит Симон

Индӧд 32:26

Ме кӧсйи бырӧдны найӧс, вуштыны йӧз пӧвстысь на йылысь казьтылӧмсӧ,