Восьтӧм 9:20 - Коми Библия 2023

²⁰ Мукӧд йӧзыс, кодъяс тайӧ бырӧданторъяссьыс ловйӧн колины, эз бергӧдчыны асланыс лёк уджъясысь. Найӧ важ мозыс копрасисны мутияслы да зарниысь, эзысьысь, ыргӧнысь, изйысь да пуысь вӧчӧм идолъяслы, кодъяс оз вермыны аддзыны, кывны ни ветлыны.

Восьтӧм 9:20 Referans Kwoze

Даниил 5:23

Тэ кыпӧдчин енэжвывса Господьлы паныд. Тэныд вайисны Господьлӧн крамысь босьтӧм дозмукъяс, и тэ да тэнад чина йӧзыд, гӧтыръясыд да кесйӧг-гӧтыръясыд юинныд сэтысь вина. Тэ ошкин эзысьысь да зарниысь, ыргӧнысь да кӧртысь, пуысь да изйысь вӧчӧм енъясӧс, кодъяс оз аддзыны, оз кывны да оз гӧгӧрвоны. А Енсӧ, кодлӧн киын тэнад олӧмыд да тэнад туйясыд, тэ эн ошкы.

Индӧд 31:29

Ме тӧда, мый менам кулӧм бӧрын ті сетчанныд лёкас, кежанныд туйсьыс, кытчӧ ме веськӧді тіянӧс. Локтана кадӧ тіянӧс суасны шогъяс, ӧд ті кутанныд вӧчны Господь [Ен] водзын шогмытӧмсӧ. Асланыд уджъясӧн ті дӧзмӧданныд Господьӧс».

Восьтӧм 9:21

Найӧ эз бергӧдчыны морт виӧмысь, тшыкӧдчӧмысь, кырсалӧмысь да гусясьӧмысь.

1 Тимофейлы 4:1

Лов веськыда висьталӧ, мый бӧръя кадас кодсюрӧ кежасны эскӧмысь. Найӧ пондасны кывзыны ылӧдчысь ловъясӧс да кутчысясны пеж ловъяслӧн велӧдӧмӧ.

Ап. уджъяс 19:26

Ті асьныд аддзанныд да кыланныд, мый вӧчӧ тайӧ Павелыс. Сійӧ висьтавлӧ, киӧн вӧчӧмторъясыд пӧ абу енъяс, и уна йӧзӧс нин эскӧдіс Ефесын да став Асияын.

Ап. уджъяс 7:41

Сэки найӧ вӧчисны ӧшкӧс, вайисны тайӧ идолыслы вись да нимкодясисны киӧн вӧчӧмторныс водзын.

Еремей 1:16

Ме понда мыждыны Иуда муын олысьясӧс став налӧн лёк вӧчӧмысь, ӧд найӧ эновтісны Менӧ, сотісны висьяс мукӧд енъяслы да копрасисны асланыс киӧн вӧчӧмторъяслы.

2 Коринфӧ 12:21

Ме ог кӧсйы, медым тіянӧ выльысь локтігӧн Енмыс янӧдіс менӧ тіян понда. Сэки меным ковмас бӧрдны уна мыж вӧчысь вӧсна, кодъяс ӧнӧдз на эз бергӧдчыны пеж вӧчӧмысь, кырсалӧмысь да лэдзчысьӧм оласногысь.

Еремей 51:17

Быд морт мывкыдтӧм, сылӧн тӧдӧмлуныс абу, идолъясӧс сывдысь-вӧчысьӧс лоӧ янӧдӧма, ӧд сылӧн бӧлбанъясыс – ылӧг енъяс, на пытшкын олӧмыс абу.

Ап. уджъяс 17:29

Ми кӧ Енсянь чужысьяс, миянлы оз ков ӧткодявны Енсӧ зарни, эзысь либӧ изйысь вӧчӧмторъяскӧд, мый мӧвпыштӧма ачыс мортыс да вӧчӧма аслас кужысь киӧн.

Матвей 21:32

Иоан локтіс индыны тіянлы веськыдлуныслысь туйсӧ, а ті сылы энӧ эскӧй. Вот перйысьяс да кырсалысь аньяс эскисны сылы. Ті весиг тайӧс аддзылӧм бӧрын энӧ бергӧдчӧй мыжъяссьыныд да энӧ эскӧй сылы».

Еремей 44:8

Ті дӧзмӧданныд Менӧ асланыд киӧн вӧчӧмторъясӧн. Ті сотанныд висьяс мукӧд енъяслы Египет муын, кытчӧ ті овмӧдчинныд. Тадзи ті асьнытӧ бырӧданныд. Мувывса став войтыръяс кутасны ёрны да лёкӧдны тіянӧс.

Еремей 25:6

Энӧ юрбитӧй мукӧд енъяслы, энӧ кесъялӧй да энӧ копрасьӧй налы, энӧ скӧрмӧдӧй Господьӧс асланыд киӧн вӧчӧмторъясӧн, сэки Сійӧ оз вӧч тіянлы лёксӧ”.

Еремей 5:3

Господьӧй, Тэнад синмыд кӧсйӧ аддзыны збыльсӧ. Тэ нӧйтан найӧс, но налы веськодь. Тэ бырӧдан найӧс, но найӧ оз кӧсйыны вежӧрсявны. Найӧ чорзьӧдісны асьнысӧ, лоины изйысь чорыдджыкӧсь на, оз кӧсйыны бергӧдчыны Тэ дінӧ.

Псалтыр 106:37

кӧдзӧны муяс, пуктӧны виноград пуяс, и пуясыс вайӧны уна вотӧс.

2 Каднебӧг 34:25

Тайӧ войтырыс эновтіс Менӧ, найӧ сотісны висьяс мукӧд енъяслы, ёна дӧзмӧдісны Менӧ асланыс киӧн вӧчӧмторъясӧн. Таысь Менам скӧрлунӧй киссяс тайӧ карыс вылӧ да оз куслы”.

Ӧксыяслӧн 4 небӧг 22:17

Тайӧ войтырыс эновтіс Менӧ, найӧ сотісны висьяс мукӧд енъяслы, ёна дӧзмӧдісны Менӧ асланыс киӧн вӧчӧмторъясӧн. Таысь Менам скӧрлунӧй ыпъялӧ тайӧ карыс вылӧ да оз куслы”.

Индӧд 32:17

Найӧ вайисны висьяссӧ эз Енлы, а пеж ловъяслы, тӧдтӧм выль енъяслы, орччӧн олысь войтыръяслӧн енъяслы, кодъясӧс батъясныс эз тӧдлыны.

Восьтӧм 16:8

Нёльӧд анделыс кисьтіс ассьыс чашасӧ шонді вылӧ, и шондіыслы вӧлі сетӧма вын сотны йӧзсӧ биӧн.

Исай 41:7

Дорччысь ышӧдӧ кӧрт сывдысьӧс, кӧрт лист мольӧдысь ышӧдӧ дорччысьӧс, шуалӧ, бура пӧ вӧчӧмыд, сэсся тувъялӧ кӧрттувйӧн, медым вӧчӧмторйыс эз вӧр.

Исай 2:8

Налӧн муыс тырӧма идолъясӧн, найӧ копрасьӧны асланыс киӧн вӧчӧмторъяслы.

2 Каднебӧг 28:22

Тайӧ сьӧкыд кадас Ахаз ӧксы ёнджыка на мыж вӧчис Господьлы паныд.

Левит 17:7

Израильсаяс мед дугдасны вайны висьнысӧ овтӧминса мутияслы, кодъяслы сетчисны кырсалысь ань моз. Тайӧ тшӧктӧмыс лоӧ налы нэмъяс кежлӧ чужысьяссянь чужысьясӧдз.

Индӧд 4:28

Сэні ті кутанныд кесъявны мукӧд енъяслы, пуысь да изйысь киӧн вӧчӧмторъяслы, кодъяс оз аддзыны, оз кывны да оз сёйны.

Даниил 5:4

Найӧ юисны вина да ошкисны зарниысь да эзысьысь вӧчӧм енъясӧс, ыргӧнысь да кӧртысь вӧчӧм енъясӧс, пуысь да изйысь вӧчӧм енъясӧс.

Микей 5:13

Ме бырӧда идолъяснытӧ да юрбитан изъяснытӧ, ті онӧ кутӧй сэсся копрасьны киӧн вӧчӧмторъяслы.

Восьтӧм 9:19

Вӧвъяслӧн выныс вӧлі налӧн вомас да бӧжас. Бӧжныс вӧлі змей кодь, и бӧж йылас вӧлі юр. Тайӧ юрнас найӧ чушкисны.

Восьтӧм 15:1

Сэсся енэжсьыс ме нӧшта на аддзи шензьӧдана да ыджыд индысьпас. Ме аддзи сизим анделӧс, кодъяслӧн вӧлі бӧръя сизим бырӧданторйыс. Тайӧ бырӧданторъяснас помасис Енлӧн скӧрлуныс.