Восьтӧм 8:12 - Коми Библия 2023

¹² Кор нёльӧд анделыс тутсіс трубаӧ, шонділӧн, тӧлысьлӧн да кодзувъяслӧн коймӧд юкӧныс кусіс, налӧн коймӧд юкӧныс пемдіс. Та вӧсна луныслӧн да войыслӧн коймӧд юкӧныс вӧлі пемыд.

Восьтӧм 8:12 Referans Kwoze

Йоиль 2:31

Шондіыс пемдас, тӧлысьыс вирӧн ойдас Господьлӧн ыджыд да повзьӧдана луныс вотӧдз.

Исай 13:10

Енэжвыв кодзувъяс оз кутны дзирдавны, шондіыс петігас на пемдас, и тӧлысьыс оз сет югыдсӧ.

Йоиль 2:10

На водзын муыс дзӧрӧ, енэжыс сыркакылӧ. Шондіыс да тӧлысьыс пемдасны, кодзувъяс югӧрсӧ воштасны.

Восьтӧм 6:12

Кор Баля жугӧдіс квайтӧд печатьсӧ, ме аддзи, мый муыс кутіс ёна вӧрны, шондіыс пемдіс да лои сьӧд дӧра кодь, а тӧлысьыс лои вир гӧрд рӧма.

Восьтӧм 9:18

Биысь, тшынысь да тэгйысь, кодъяс петісны вӧвъяслӧн вомысь, куліс йӧзлӧн коймӧд юкӧныс.

Восьтӧм 9:15

Сэки нёльнан анделсӧ вӧлі лэдзӧма. Найӧ вӧліны дасьӧсь тайӧ часыс, луныс, тӧлысьыс да воыс кежлӧ, медым вины йӧзыслысь коймӧд юкӧнсӧ.

Марк 13:24

«Сійӧ лунъясӧ, тайӧ шог бӧрас, шондіыс пемдас, тӧлысьыс кусас,

Матвей 24:29

«Регыд тайӧ шог лунъяс бӧрын шондіыс пемдас, тӧлысьыс кусас, енэжысь кодзувъяс усясны, енэжвыв вынъяс вӧрзясны.

Йоиль 3:15

Шондіыс да тӧлысьыс пемдасны, кодзувъяс югӧрсӧ воштасны.

Восьтӧм 12:4

Бӧжнас сійӧ чышкыштіс енэжсьыс кодзувъяслысь коймӧд юкӧнсӧ да шыбитіс найӧс му вылӧ. Сэсся гундыр сувтіс чужтысь аньлы воча, медым чужтӧм бӧрас сёйны сылысь пузчужӧм кагасӧ.

2 Коринфӧ 4:4

Найӧ оз эскыны, ӧд тайӧ муюгыдас ыджыдалысь омӧльыс пемдӧдӧма налысь вежӧрсӧ, мед найӧ эз аддзыны Бур Юӧрлысь югыдсӧ, коді восьтӧ Кристослысь дзирдлунсӧ, а Кристос эм Енлӧн пертасыс.

Лука 21:25

«Шонді, тӧлысь да кодзувъяс вылын тыдовтчасны индысьпасъяс. Саридз ыджыд шыӧн гызяс, войтыръяс му вылын шызясны да шӧйӧвошасны.

Марк 15:33

Луншӧр кадӧ пемдіс став му пасьталаыс, пемыдыс сулаліс куим часӧдз.

Матвей 27:45

Луншӧр кадӧ пемдіс став му пасьталаыс, пемыдыс сулаліс куим часӧдз.

Еремей 4:23

– Ме видзӧдлі му вылас, а сійӧ вӧлі мыгӧртӧм да куш. Видзӧдлі енэжас, а сэні югыдыс эз вӧв.

Ап. уджъяс 2:20

Шондіыс пемдас, тӧлысьыс вирӧн ойдас Господьлӧн ыджыд да югыд луныс вотӧдз.

Амос 8:9

Сійӧ лунӧ, – висьталӧ Господь Ыджыдыс, – Ме тшӧкта шонділы пуксьыны луншӧр кадӧ, лунъюгыднас вевття мусӧ пемыдӧн.

Исай 24:23

Кор Господь Саваоф кутас ӧксыавны Сион керӧс вылын, Ерусалимын, да восьтас Ассьыс дзирдлунсӧ Аслас войтырлӧн юрнуӧдысьяслы, сэки тӧлысь яналас, шонділы лоӧ юръяндзим.

Восьтӧм 16:10

Витӧд анделыс кисьтіс ассьыс чашасӧ зверлӧн юралан пуклӧс вылӧ, и зверлӧн юраланінын лои пемыд. Чорыд дойяссьыс йӧзыс курччалісны кывнысӧ