Восьтӧм 7:15 - Коми Библия 2023

¹⁵ Та вӧсна найӧ сулалӧны Ен пуклӧс водзын, лун и вой кесъялӧны Енмыслы Сылӧн крамын. Юралан пуклӧсын Пукалысьыс лоӧ накӧд да видзӧ найӧс.

Восьтӧм 7:15 Referans Kwoze

Восьтӧм 22:3

Нинӧм ёрӧмаыс оз ло тайӧ карас. Сэні лоӧ Енлӧн да Балялӧн юралан пуклӧсыс, и Енлӧн кесйӧгъясыс кутасны кесъявны Сылы.

2 Коринфӧ 6:16

Вермасны ӧмӧй сулавны идолъяс Енлӧн крамын? Ӧд ті – ловъя Енлӧн крамыс. Енмыс шуӧ: – Овмӧдча на пытшкӧ да понда ветлыны накӧд. Ме лоа налӧн Енмӧн, а найӧ – Менам войтырӧн.

Еврейяслы 12:2

да видзӧдны Исус вылӧ. Сійӧ – миянлы эскӧмсӧ Сетысьыс да тырвыйӧ эскӧмас Вайӧдысьыс. Локтана нимкодьлун понда Сійӧ нуис крест вылын дойсӧ, нинӧм туйӧ пуктіс лёкӧдӧмсӧ да пуксис Ен пуклӧс веськыдладорӧ.

Иоан 1:14

Кывйыс лоис мортӧн, Сійӧ оліс миянкӧд буралӧм-збыльнас тыр. Ми аддзылім Сылысь дзирдлунсӧ. Сӧмын ӧтка Пиыслы вуджӧ татшӧм дзирдлуныс Батьсяньыс.

1 Каднебӧг 23:25

Давид шуис: «Господь, Израильлӧн Ен, сетіс Аслас войтырлы лӧнь олӧм, Сійӧ пыр кежлӧ овмӧдчис Ерусалимӧ.

Восьтӧм 22:5

Войыс сэні оз ло. Налы оз нин ков бисянь либӧ шондісянь югыдыс, ӧд налӧн югзьӧдысьнас лоас Господь Ен. Найӧ кутасны ыджыдавны нэмъяс чӧж.

Восьтӧм 11:19

Енэжас воссис Енлӧн крамыс, и крамысь тыдовтчис Йитӧд куд. Сэки кутіс чардавны-гымавны, кылісны гора шыяс, муыс кутіс вӧрны, да киссис гырысь шер.

Восьтӧм 7:9

Сэсся ме видзӧдлі да аддзи, мый юралан пуклӧс водзын да Баля водзын сулаліс лыдтӧм-тшӧттӧм йӧз чукӧр. Найӧ вӧліны быд чужанвужйысь да чужанкотырысь, быд кыла йӧз пытшкысь да быд войтырысь. Найӧ вӧліны еджыд паськӧмаӧсь, а кианыс кутісны пальма росъяс

Восьтӧм 4:4

Пуклӧс гӧгӧрыс вӧлі нӧшта на кызь нёль пуклӧс. Сэні пукалісны кызь нёль юрнуӧдысь. Найӧ вӧліны еджыд паськӧмаӧсь да зарни юркытшаӧсь.

Еврейяслы 8:1

Миян висьталӧмлӧн медшӧр мӧвпыс татшӧм: миян эм Аркирей, коді пукалӧ енэжын, Медыджыдыслӧн пуклӧс веськыдладорын

1 Коринфӧ 3:16

Ті ӧмӧй онӧ тӧдӧй, мый ті – Енлӧн оланін, мый Енлӧн Лолыс олӧ тіян пытшкын.

Ӧксыяслӧн 3 небӧг 6:13

Ме ог эновт Ассьым Израиль войтырӧс, но пыр кута овны на пӧвстын».

Петӧм 29:45

Ме кута овны Израиль пиян пӧвстын да лоа налӧн Енмӧн.

Восьтӧм 20:10

Сэки омӧльӧс, коді ылӧдліс найӧс, лоӧ шыбитӧма биӧн да тэгйӧн сотчысь тыӧ. Сэтчӧ вӧлі шыбитӧма тшӧтш зверӧс да ылӧгпророкӧс. Найӧ кутасны мучитчыны лун и вой, нэмъяс чӧж.

Левит 26:11

Ме ог кут зывӧктыны тіянӧс, Ассьым оланінӧс сувтӧда тіян шӧрӧ.

Езекиль 37:27

Сійӧ лоӧ Менам оланінӧн на пӧвстын. Ме лоа налӧн Енмӧн, а найӧ лоӧны Менам войтырӧн.

Восьтӧм 4:8

Быдӧн на пиысь вӧлі квайт бордъя, а налӧн борд ортсыыс да пытшкӧсладорыс вӧлі тырӧма синъясӧн. Лун и вой найӧ дугдывтӧг шуалӧны: – Вежа, вежа, вежа Господь Ен, Ставсӧвермысь, коді вӧлі, эм и локтас.

Восьтӧм 4:9

Кор ловъя олысьяс ошкӧны-нимӧдӧны да аттьӧалӧны юралан пуклӧсын Пукалысьӧс, помтӧг Олысьӧс,

Восьтӧм 13:6

Сійӧ паськӧдіс вомсӧ да кутіс лёкӧдны Енмӧс, Сылысь нимсӧ, оланінсӧ да ловъя олысьясӧс.

Восьтӧм 21:22

Крамсӧ тайӧ карсьыс ме эг аддзыв, ӧд крамыс сэні – Ставсӧвермысь Господь Ен да Баля.