Восьтӧм 4:6 - Коми Библия 2023

⁶ Сэні вӧлі стеклӧысь саридз, мый югъяліс крусталь моз. Пуклӧс водзас да сы гӧгӧрыс вӧлі нёль ловъя олысь. Найӧ водзладорсяньыс и бӧрладорсяньыс вӧлі тырӧмаӧсь синъясӧн.

Восьтӧм 4:6 Referans Kwoze

Восьтӧм 15:2

Ме аддзи стеклӧ кодь саридз, сійӧ пӧртмасис биӧн. Саридз дорас сулалісны найӧ, кодъяс вермисны зверӧс, сылысь серпассӧ да сы нимлысь лыдпассӧ. Кианыс найӧ кутісны Енлысь арфаяссӧ

Восьтӧм 5:6

Сэсся ме видзӧдлі да аддзи Баляӧс. Сійӧ сулаліс юралан пуклӧс водзын, нёль ловъя олысь да юрнуӧдысьяс шӧрын. Балясӧ вӧлі быттьӧ начкӧма. Сылӧн вӧлі сизим сюр да сизим син. Сизим синмыс – тайӧ Енлӧн сизим лолыс, кодъясӧс мӧдӧдӧма став му пасьталаыс.

Восьтӧм 14:3

Сё нелямын нёль сюрс морт, кодъясӧс ньӧбӧма му вывсьыс, сьылісны выль сьыланкыв юралан пуклӧс водзын, нёль ловъя олысь да юрнуӧдысьяс водзын. Наысь кындзи некод эз куж сьывны сійӧс.

Восьтӧм 19:4

Та бӧрти кызь нёль юрнуӧдысьыс да нёльнан ловъя олысьыс кымынь уськӧдчӧмӧн копыртчылісны юралан пуклӧсын пукалысь Енлы да шуисны: – Аминь! Аллилуйя!

Восьтӧм 5:14

Сэки енэжвыв нёль олысьыс шуисны: «Аминь!» А кызь нёль юрнуӧдысьыс уськӧдчисны да копыртчылісны помтӧг Олысьлы.

Езекиль 10:14

Быд херувимлӧн вӧлі нёль чужӧм: херувим чужӧм, морт чужӧм, лев чужӧм да кутш чужӧм.

Езекиль 10:12

Херувимъяслӧн мыгӧрныс, мышкуныс, киныс, бордныс да став нёльнан гӧгыльыс вӧлі тырӧмаӧсь синъясӧн.

Восьтӧм 7:11

Сэки став анделыс, кодъяс кытшалісны юралан пуклӧссӧ, юрнуӧдысьясӧс да нёль ловъя олысьсӧ, кымынь уськӧдчисны пуклӧс водзӧ да копыртчылісны Енмыслы.

Восьтӧм 22:1

Сэсся андел петкӧдліс меным ю, сэні визувтіс сӧстӧм ловъя ва. Сійӧ вӧлі крусталь кодь югыд. Ваыс петіс Енлӧн да Балялӧн юралан пуклӧссянь.

Восьтӧм 21:11

Сійӧ югъяліс Ен дзирдлунӧн да дзирдаліс дона из моз, югъялысь яшма моз.

Восьтӧм 15:7

Нёль ловъя олысь пӧвстысь ӧтиыс сетіс сизим анделлы сизим зарни чаша. Тайӧ чашаяссӧ вӧлі тыртӧма помтӧг олысь Енлӧн скӧрлунӧн.

Восьтӧм 21:21

Дас кыкнан дзиръясӧ вӧлі вӧчӧма дас кык жемчугысь, быд дзиръя – ӧти жемчугысь. Карыслӧн паськыд туйыс вӧлі сӧстӧм зарниысь, сійӧ югъяліс стеклӧ моз.

Восьтӧм 21:18

Карлысь стенсӧ вӧлі вӧчӧма яшмаысь, а асьсӧ карсӧ – сӧстӧм зарниысь, сійӧ югъяліс стеклӧ моз.

Восьтӧм 7:17

Ӧд Баляыс, пуклӧс водзын Сулалысьыс, кутас видзны найӧс, Сійӧ вайӧдас найӧс ловъя ва петанінӧ, и Енмыс чышкас налысь став синвасӧ.

Ӧксыяслӧн 3 небӧг 7:23

Хирам вӧчис ыргӧнысь ыджыд гӧгрӧс вайӧртӧд, шуисны сійӧс саридзӧн. Ӧтар дорышсяньыс мӧдар дорышӧдзыс сійӧ вӧлі дас гырддза пасьта, джуджданас вӧлі вит гырддза, а гӧгӧртны кӧ сійӧс кӧвйӧн, колана вӧлі комын гырддза кузьта кӧв.

Иов 28:17

зарни да дона стеклӧ он ӧткодяв сыкӧд, весалӧм зарниысь вӧчӧм дозлӧн доныс оз лӧсяв сылы.

Петӧм 38:8

Безалел вӧчис ыргӧн рӧмпӧштанъясысь мыссян доз да сылысь коксӧ. Рӧмпӧштанъяссӧ сетісны вежа чом пыранінын кесъялысь аньяс.

Восьтӧм 4:4

Пуклӧс гӧгӧрыс вӧлі нӧшта на кызь нёль пуклӧс. Сэні пукалісны кызь нёль юрнуӧдысь. Найӧ вӧліны еджыд паськӧмаӧсь да зарни юркытшаӧсь.

Восьтӧм 5:8

Гижӧдсӧ босьтӧм бӧрын нёль ловъя олысьыс да кызь нёль юрнуӧдысьыс уськӧдчисны Баля водзӧ. Быдӧн на пиысь киас кутіс арфа да ладан тыра зарни доз. Ладан тшыныс – тайӧ вежа войтырлӧн кевмысьӧмъясыс.

Восьтӧм 5:11

Ме видзӧдлі да кылі уна анделлысь гӧлӧс шысӧ. Найӧ кытшалісны Енлысь пуклӧссӧ, нёль ловъя олысьӧс да юрнуӧдысьясӧс. Анделъяслӧн лыдыс вӧлі лыдтӧм-тшӧттӧм – сё миллионъясӧн.

Восьтӧм 6:1

Ме аддзи, мый Баля жугӧдіс сизим печать пиысь медводдзасӧ, и кылі, мый нёль ловъя олысь пӧвстысь ӧтиыс гым кодь гора шыӧн шуис: «Лок да видзӧд!»

Восьтӧм 6:6

Сэсся нёль ловъя олысь шӧрысь ме кылі кодлыськӧ гӧлӧс шысӧ. Сійӧ шуис: «Ӧти хиникс шобдіысь – ӧти динар. Куим хиникс идйысь – тшӧтш сы мында. Но выйсӧ да винасӧ эн тшыкӧд!»