Восьтӧм 20:2 - Коми Библия 2023

² Сійӧ тшапнитіс гундырӧс, важ змейӧс, да дорис сійӧс сюрс во кежлӧ. Тайӧ гундырыс – омӧль да сӧтана.

Восьтӧм 20:2 Referans Kwoze

2 Петыр 2:4

Мыжӧ усьӧм анделъясӧс Енмыс эз видз, а шыбитіс пемыд адӧ да дорис мыждан лунӧдз.

Восьтӧм 12:9

Ыджыд гундырӧс, важ змейӧс, вӧлі шыбитӧма му вылӧ. Сылӧн нимыс – омӧль да сӧтана, сійӧ – муюгыдысь став йӧзсӧ ылӧдлысь. Сыкӧд тшӧтш вӧлі шыбитӧма му вылас сылысь анделъяссӧ.

Иуда 1:6

Анделъясӧс, кодъяс эз донъявны ассьыныс ыджыдалан вынсӧ да эновтісны енэжвывса оланінсӧ, Господь пыр кежлӧ дорис чептӧн да видзӧ сап пемыдас ыджыд мыждан лун кежлӧ.

Иоан 12:31

Ӧні тайӧ муюгыдсӧ лоӧ мыждӧма, муюгыдас ыджыдалысьсӧ лоӧ вӧтлӧма.

Исай 27:1

Сійӧ лунӧ Господь мыждас да Аслас повзьӧдана, ыджыд да ён шыпуртӧн пасьвартас левиафанӧс, ӧдйӧ пышйысь да нюглясьысь змейӧс, виас саридзса гундырӧс.

Олӧм 3:15

Тэ да ань костӧ, тэсянь чужысь да аньсянь чужысь костӧ пукта лӧгалӧм: сійӧ пасьвартас юртӧ, а тэ сылы коклябӧрас чушкан».

1 Петыр 5:8

Олӧй садь вежӧрӧн да пыр лоӧй дасьӧсь. Ӧд тіянлы паныд сувтысь омӧльыс ветлӧ равзысь лев моз да корсьысьӧ, кодӧс эськӧ ньылыштны.

Еврейяслы 2:14

Тайӧ ныв-пиыслӧн эм вир-яй. Та вӧсна Кристос тшӧтш лоис на кодьӧн, медым кувлӧмнас бырӧдны омӧльӧс – кулӧмыс вылын ыджыдалысьӧс –

Римӧ 16:20

Лӧньлунсӧ сетысь Ен регыд песовтас сӧтанасӧ тіян кокъяс улӧ. Миян Господь Исус Кристослӧн буралӧмыс тіянкӧд. Аминь.

Иоан 16:11

Мыждӧмыс сыын, мый тайӧ муюгыдас ыджыдалысьсӧ мыждӧма нин.

Восьтӧм 13:2

Зверыс, кодӧс ме аддзылі, вӧлі леопард кодь. Сылӧн кокъясыс вӧліны ошлӧн кодьӧсь, а вомыс – левлӧн кодь. Гундыр сетіс сылы ассьыс вынйӧрсӧ, юралан пуклӧссӧ да ыджыдалан вынсӧ.

Восьтӧм 12:17

Гундыр ёна скӧрмис ань вылӧ да муніс тышкасьны сылӧн мукӧд челядькӧд, кодъяс олӧны Ен тшӧктӧм серти да кутчысьӧны Исус Кристослӧн висьталӧмӧ.

Восьтӧм 12:15

Аньӧс вӧтӧдігӧн змей быликтіс аслас вомысь ю мында ва, медым кылӧдны аньӧс,

Восьтӧм 12:13

Кор гундыр аддзис, мый сійӧс шыбитӧма му вылӧ, сійӧ кутіс вӧтлысьны пи чужтысь ань бӧрся.

Марк 5:7

да лёкгоршӧн горӧдіс: «Мый Тэныд месянь колӧ, Исус, Медвылысса Енлӧн Пи? Енмӧн кора, эн пес менӧ!»

Матвей 8:29

«Мый Тэныд миянсянь колӧ, Исус, Ен Пи? Мыйла кадысь водз Тэ локтін песны миянӧс?» – горзісны найӧ.

Иов 1:7

Господь юаліс сӧтаналысь: «Кытысь тэ локтін?» Сӧтана вочавидзис: «Ме ветлӧдлі му вывті да кытшовті сійӧс».

Восьтӧм 13:4

Сэсся найӧ копыртчылісны зверлы да шуалісны: – Кодӧс позьӧ ӧткодявны тайӧ зверыскӧд? Коді вермас тышкасьны сыкӧд?

Восьтӧм 9:11

Налӧн ӧксынас вӧлі пыдӧстӧминысь андел. Сылӧн нимыс еврей ногӧн лоӧ Авадон, а грек ногӧн – Аполион.

Матвей 19:29

Коді Менам ним вӧсна коляс керкасӧ, чой-воксӧ, бать-мамсӧ, гӧтырсӧ, ныв-писӧ да видз-мусӧ, сылы сё пӧвстӧн бӧр воас, нӧшта помтӧм олӧм сылы вичмас.

Олӧм 3:1

Господь Енмӧн вӧчӧм став пемӧсысь змей вӧлі медся мудер. Змей юаліс аньлысь: «Збыльысь-ӧ Ен шуис, энӧ пӧ сёйӧй сад йӧрын быдмысь некутшӧм пуысь?»

Исай 24:22

Найӧс ставнысӧ чукӧртасны ӧтилаӧ, шыбитасны-йӧртасны гуӧ, йигналасны дзескыдінӧ, а бӧрынджык – чорыда мыждасны.

Марк 4:15

Туй бокӧ усьӧм кӧйдыс петкӧдлӧ: мортыс кылӧ Енлысь кывсӧ, но дзик пыр локтӧ сӧтана да гусялӧ сьӧлӧмас кӧдзӧм кывсӧ.

Восьтӧм 12:3

Сэсся енэжас лои мӧд индысьпас. Ме аддзи би гӧрд рӧма ыджыд гундырӧс. Сійӧ вӧлі сизим юра да дас сюра. Быд юр вылын вӧлі юркытш.

Восьтӧм 12:4

Бӧжнас сійӧ чышкыштіс енэжсьыс кодзувъяслысь коймӧд юкӧнсӧ да шыбитіс найӧс му вылӧ. Сэсся гундыр сувтіс чужтысь аньлы воча, медым чужтӧм бӧрас сёйны сылысь пузчужӧм кагасӧ.

Восьтӧм 20:7

Сюрс во помасьӧм бӧрын сӧтанаӧс лоӧ лэдзӧма аслас пыдӧстӧминысь. Сійӧ мунас нёльнан му пельӧсас ылӧдлыны войтыръясӧс. Сійӧ ылӧдлас Гогӧс да Магогӧс и чукӧртас найӧс тыш вылӧ. Тышкайӧзыслӧн лыдыс лоӧ саридздор лыа мында.

Восьтӧм 20:10

Сэки омӧльӧс, коді ылӧдліс найӧс, лоӧ шыбитӧма биӧн да тэгйӧн сотчысь тыӧ. Сэтчӧ вӧлі шыбитӧма тшӧтш зверӧс да ылӧгпророкӧс. Найӧ кутасны мучитчыны лун и вой, нэмъяс чӧж.

Езекиль 47:5

Нӧшта мурталіс сюрс гырддза, и тайӧ вӧлі нин сэтшӧм ю, мый вуджнысӧ эг вермы. Ваыс вӧлі кыптӧма, мый позис сӧмын вартчыны, а келӧмнас вуджнысӧ эг нин вермы.