Восьтӧм 2:23 - Коми Библия 2023

²³ Езавельлӧн челядьлы Ме мӧдӧда кулӧм. Сэки быд вичко кутас тӧдны, мый Ме эм сьӧлӧм пытшкӧс да мӧвпъяс Тӧдысь, Ме мынтыся тіянлы уджъясныд серти.

Восьтӧм 2:23 Referans Kwoze

Матвей 16:27

Морт Пи локтас Батьыслӧн дзирдлунӧн Сылӧн анделъяскӧд да быдӧнлы уджъяс сертиыс мынтысяс.

Псалтыр 7:9

Господь мыждӧ войтыръясӧс. Мыжды менӧ, Господьӧй, менам веськыдлун да мыжтӧмлун серти.

Римӧ 8:27

Енмыс ставсӧ аддзӧ миян сьӧлӧмысь да тӧдӧ Лолыслысь мӧвпъяссӧ. Ӧд Енлӧн кӧсйӧм серти Лолыс корӧ-кевмӧ вежа войтыр вӧсна.

Ап. уджъяс 1:24

Кевмысиганыс шуисны: «Господьӧй, Тэ быдӧнлысь тӧдан сьӧлӧмсӧ. Инды тайӧ кыксьыс Ассьыд бӧрйӧматӧ,

1 Петыр 1:17

Ті кӧ шуанныд Батьӧн Сійӧс, коді чужӧм вылӧ видзӧдтӧг мыждӧ быдӧнӧс уджъясыс серти, сідзкӧ, олӧй тайӧ му вылас Енсьыс полӧмӧн.

Еремей 11:20

Но Господь Саваоф веськыда мыждӧ, Сійӧ тӧдӧ мортлысь сьӧлӧмсӧ да мӧвпъяссӧ. Господьӧй, сет меным аддзыны, кыдзи Тэ водзӧс перъян налысь, ӧд ассьым тӧжд-могӧс ме вайи Тэ водзӧ.

Еремей 17:10

Ме, Господь, видзӧда мортлӧн сьӧлӧмӧ, туяла мортлысь пытшкӧссӧ, Ме мынтыся быдӧнлы сылӧн туйясыс серти, сылӧн уджъяслӧн вотӧсыс серти.

Еремей 20:12

Господь Саваоф, Тэ тӧдмалан веськыда олысьӧс, Тэ аддзан сылысь пытшкӧссӧ да сьӧлӧмсӧ. Сет меным аддзыны, кыдзи Тэ водзӧс перъян менӧ мустӧмтысьяслысь, ӧд Тэ водзӧ ме вая ассьым тӧжд-могӧс.

Псалтыр 62:12

Но ӧксы кутас нимкодясьны Енмӧн. Ен водзын кыв сетысь кутас ошкыны Енмӧс, а пӧръясьысьяслысь вомсӧ лоӧ тупкӧма.

2 Каднебӧг 6:30

сэки Тэ кыв найӧс енэжсяньыд, Аслад оланінсянь, да прӧстит найӧс. Тэ ӧд тӧдан быдӧнлысь сьӧлӧмсӧ, сӧмын ӧтнадӧн Тэ тӧдан мортлысь сьӧлӧмсӧ. Мынтысь быдӧнлы сылӧн уджъясыс серти,

Ӧксыяслӧн 1 небӧг 16:7

Но Господь шуис Самуиллы: «Эн видзӧд сылӧн мичлун вылӧ да сылӧн кузь туша вылӧ. Ме сійӧс эг бӧрйы. Ме ог видзӧд морт моз. Ӧд морт видзӧдӧ чужӧм вылӧ, а Господь видзӧдӧ сьӧлӧмӧ».

Восьтӧм 20:12

Ме аддзи гырысь да ичӧт кулӧмаясӧс, найӧ сулалісны Ен водзын. Сэні вӧліны восьса небӧгъяс. Сэсся восьтісны нӧшта ӧти небӧг – Олӧмыслысь небӧг. Кулӧмаясӧс мыждісны налӧн уджъясныс серти, мый вӧлі гижӧма небӧгъясас.

Еврейяслы 4:13

Енсьыс некод оз дзебсьы, Сылы ставыс восьса, ставыс тыдалана. Сылы ставсьыс сетам вочакыв.

2 Коринфӧ 5:10

Миянлы ӧд быдӧнлы ковмас сувтны Кристослӧн ёрд водзӧ. Сэки быдӧнӧс лоӧ мыждӧма уджъясыс серти: бурсӧ али лёксӧ мортыс вӧчис вир-яйын олігас.

Псалтыр 26:2

Ме вылӧ кӧ уськӧдчасны лёк вӧчысьяс, мустӧмтысьяс да дзескӧдысьяс, медым косявлыны менсьым вир-яйӧс, найӧ асьныс крукасясны да усясны.

1 Каднебӧг 29:17

Енмӧй, ме тӧда, мый Тэ тӧдмалан мортлысь сьӧлӧмсӧ. Тэныд мусаӧсь сӧстӧм сьӧлӧмаяс. Став тайӧ сетӧмторсӧ ме вайи сӧстӧм сьӧлӧмсянь. Ме аддза, мый татчӧ чукӧртчӧм Тэнад войтырыд нимкодьпырысь вайӧны Тэныд сетӧмторъяс.

1 Каднебӧг 28:9

А тэ, Соломон пиӧй, тӧд аслад батьыдлысь Енсӧ, кесъяв Сылы став сьӧлӧмнад да став олӧмнад. Ӧд Господь быдӧнлысь тӧдмалӧ сьӧлӧмсӧ да тӧдӧ мӧвпъяссӧ. Кутан кӧ корсьны Сійӧс, сэки аддзан, а эновтан кӧ, Сійӧ пыр кежлӧ эновтас тэнӧ.

Восьтӧм 2:11

Кодлӧн эм пель, мед кылӧ, мый Лов висьталӧ вичкояслы. Вермысьлы мӧд кулӧмыс нинӧм оз вӧч».

Восьтӧм 2:7

Кодлӧн эм пель, мед кылӧ, мый Лов висьталӧ вичкояслы. Вермысьлы Ме сета сёйны вотӧс Олӧмыслӧн пуысь, коді сулалӧ Енлӧн рай шӧрын».

Римӧ 14:12

Тадзи быдӧн ас вӧснаыс кывкутас Ен водзын.

Иоан 21:17

Сэсся коймӧдысь юаліс: «Симон, Ионалӧн пи, муса-ӧ Ме тэныд?» Петыр шогӧ усис, мый Исус коймӧдысь юаліс, муса-ӧ Сійӧ, да вочавидзис: «Господьӧй, Тэ ставсӧ тӧдан. Тэ тӧдан, мый Тэ меным муса». Исус шуис сылы: «Йирсьӧд Менсьым ыжъясӧс.

Индӧд 19:20

Мукӧдыс кор кыласны та йылысь, повзясны да дугдасны вӧчны татшӧм лёкторсӧ.

Индӧд 17:13

Кор став войтырыс кылас та йылысь, найӧ кутасны повны, и некод тадзи вӧчнысӧ оз лысьт».

Индӧд 13:11

Став Израиль войтыр мед кылас та йылысь да кутас повны, сэсся некод тіян пӧвстысь оз кут вӧчны татшӧм лёкторсӧ.

Восьтӧм 6:8

Ме видзӧдлі да аддзи быгалӧм рӧма вӧлӧс да сы вылын пукалысьӧс, кодлӧн нимыс вӧлі Кулӧм. Сы бӧрся вӧтчис ачыс Адыс. Налы вӧлі сетӧма ыджыдавны мулӧн нёльӧд юкӧныс вылын: виавны йӧзсӧ шыпуртӧн да тшыгйӧдӧмӧн, кулана висьӧмъясӧн да зверъяс отсӧгӧн.

Индӧд 21:21

Карса олысьяс мед изъяласны сійӧс кувтӧдзыс. Бырӧдӧй лёксӧ ас пӧвстсьыныд. Став Израиль войтыр мед кылас та йылысь да кутас повны.

Галатӧ 6:5

Ӧд быдӧн нуӧ ассьыс нӧб.

Софоний 1:11

Сыркъялӧй, Мактешын олысьяс, ӧд ханаансаясӧс лоӧ бырӧдӧма, став вузасьысьсӧ лоӧ виӧма.

Псалтыр 139:1

Сьылысьясӧн веськӧдлысьлы. Давидлӧн псалом.

Лука 16:15

Исус шуис налы: «Йӧз водзын ті петкӧдланныд асьнытӧ веськыда олысьясӧн, но Енмыс тӧдӧ тіянлысь сьӧлӧмнытӧ. Мый йӧзыс донъялӧны вылӧ, сійӧ Енмыслы зывӧк».

Восьтӧм 20:13

Сэки саридзыс, пыдӧстӧминыс да кулӧмыс сетісны ассьыныс кулӧмаяссӧ, и быдӧнӧс найӧс вӧлі мыждӧма уджъясныс серти.

Восьтӧм 22:12

«Со, Ме регыд локта да вая Аскӧд удждон, медым быдӧнлы мынтысьны сылӧн уджъясыс серти.

1 Каднебӧг 17:18

Тэ сэтшӧма ыдждӧдлан менӧ, Ассьыд Давид кесйӧгтӧ, мый меным сэсся нинӧм оз ков. Тэ тӧдан менӧ, Ассьыд кесйӧгтӧ.

Иов 24:23

Енмыс видзӧ найӧс, та вӧсна налӧн эм лача, но Енмыс видзӧдӧ налӧн туй бӧрся.

Иоан 4:16

Исус шуис аньлы: «Ветлы, кор верӧстӧ да лок татчӧ».