Восьтӧм 2:22 - Коми Библия 2023

²² Со, ме топӧда сійӧс сьӧкыд висьӧмӧн, а сыкӧд кырсалысьяслы ме мӧдӧда уна сьӧкыдлун, оз кӧ найӧ бергӧдчыны асланыс уджъясысь.

Восьтӧм 2:22 Referans Kwoze

Восьтӧм 17:2

Мувывса ӧксыяс кырсалісны сыкӧд, а мувывса олысьяс винаысь моз коддзылісны сылӧн кырсалӧмысь».

Лука 13:5

Эз. Шуа тіянлы: на моз ті ставныд куланныд, онӧ кӧ бергӧдчӧй мыжъяссьыныд».

Еремей 36:3

Гашкӧ, Иуда чужанкотыр кылас, кутшӧм шог Ме шуи мӧдӧдны налы, да бергӧдчас аслас лёк туй вылысь. Сэки Ме прӧстита налысь лёк вӧчӧмнысӧ да мыжнысӧ».

Восьтӧм 18:9

Кор сылысь сьӧд тшынӧн сотчӧмсӧ аддзасны мувывса ӧксыяс, кодъяс кырсалісны да лышкыда гажӧдчисны сыкӧд, кутасны сыркъялӧмӧн бӧрдны сы вӧсна.

Восьтӧм 18:3

Мувывса ӧксыяс кырсалісны сыкӧд, а вузасьысьяс озырмисны сылӧн лышкыдлунысь.

Лука 13:3

Эз. Шуа тіянлы: на моз ті ставныд куланныд, онӧ кӧ бергӧдчӧй мыжъяссьыныд.

Езекиль 23:29

Найӧ скӧрпырысь вӧчасны тэныд лёксӧ, мырддясны тэнсьыд ставсӧ, мый удж помсьыд чукӧртін. Найӧ колясны тэнӧ пасьтӧгыд. Тэнад куш яйыд кутас тыдавны, воссяс тэнад лэдзчысьӧм олӧмыд да кырсалӧмыд.

Софоний 3:7

Ме шулі тэныд Ерусалим, медым тэ сӧмын Меысь полін, Менсьым туйдӧдӧмӧс сибӧдін. Сэки эськӧ тэнсьыд оланінтӧ эз вӧв бырӧдӧма, сэки эськӧ Менам мыждӧмӧй эз су тэнӧ. Но ті зілинныд вӧчны сӧмын лёксӧ.

Езекиль 33:11

Шу налы, мый Ме ог кӧсйы, медым мыжа морт куліс, – висьталӧ Господь Ыджыдыс. – Но кӧсъя, медым сійӧ бергӧдчис аслас лёк туй вылысь да видзис ассьыс олӧмсӧ. Тайӧс Ме Ачым кыв сетӧмӧн шуа. Бергӧдчӧй асланыд лёк туй вылысь! Мыйла тіянлы кувнысӧ, Израиль войтыр?

2 Коринфӧ 12:21

Ме ог кӧсйы, медым тіянӧ выльысь локтігӧн Енмыс янӧдіс менӧ тіян понда. Сэки меным ковмас бӧрдны уна мыж вӧчысь вӧсна, кодъяс ӧнӧдз на эз бергӧдчыны пеж вӧчӧмысь, кырсалӧмысь да лэдзчысьӧм оласногысь.

Восьтӧм 2:5

Сідзкӧ, мӧвпышт, кысянь тэ усин, бергӧдчы да вӧч ассьыд медводдза уджъястӧ. Он кӧ бергӧдчы, регыд локта тэ дінӧ да вешта тэнсьыд бикоктӧ места вывсьыс.