Восьтӧм 2:14 - Коми Библия 2023

¹⁴ Но Менам эм мыйсюрӧ тэныд паныд: тіян пӧвстын эмӧсь найӧ, кодъяс кутчысьӧны Валаамлӧн велӧдӧмӧ. Сійӧ велӧдіс Валакӧс кежӧдны Израиль войтырӧс ылӧгас, медым найӧ сёйисны идоллы вайӧм сёян да кырсалісны.

Восьтӧм 2:14 Referans Kwoze

2 Петыр 2:15

Найӧ кежисны веськыд туйсьыс да ылалісны. Найӧ мунӧны Восорлӧн Валаам пиыс кок туйӧд, кодлы лёкногӧн шедӧдны озырлунсӧ вӧлі сьӧлӧм сертиыс.

Лыд 31:16

Валаамлӧн туйдӧдӧм серти найӧ кежӧдісны Израиль пиянӧс Господьысь, бергӧдісны найӧс юрбитны Пеорлы. Та вӧсна Господьлысь войтырсӧ суис бырӧдӧм.

Восьтӧм 2:20

Но Менам эм мыйсюрӧ тэныд паныд: тэ лэдзан Езавель аньлы, асьсӧ пророкӧн шуысьлы, велӧдны да кежӧдны ылӧгас Менсьым кесйӧгъясӧс. Тайӧ аньыс велӧдӧ найӧс кырсавны да сёйны идоллы вайӧм сёян.

Иуда 1:11

Курыд шог налы! Найӧ мунӧны Каин туйӧд, горшасьӧны сьӧм вылӧ, Валаам моз ылалӧмаӧсь. Корей моз найӧ паныд кыпӧдчӧны, та вӧсна Корейӧс моз найӧс лоӧ бырӧдӧма.

Ап. уджъяс 15:29

Видзӧй асьнытӧ идоллы вайӧм сёянысь, вир юӧмысь, джагалӧм пемӧс яй сёйӧмысь да кырсалӧмысь, энӧ вӧчӧй мукӧдлы сійӧ, мый онӧ кӧсйӧй аслыныд. Тайӧ тшӧктӧмъяс сертиыс кӧ оланныд, бур лоас. Олӧй бура!»

Еврейяслы 13:4

Гозъякост олӧмныд мед лоӧ сӧстӧм, вольпасьныд мед лоӧ пежасьтӧм, ӧд кырсалысьӧс да гозъякост олӧм пежалысьӧс мыждас Ен.

Нав Исус 24:9

Моавса Валак ӧксы, Сеппорлӧн пиыс, петіс тышӧ Израильлы паныд. Сійӧ корис Веорлысь Валаам писӧ ёрны тіянӧс.

1 Петыр 2:8

Найӧ крукасьӧны, ӧд Ен кывйыслысь оз кывзысьны. Тадзи налы шуӧма лоны.

Ап. уджъяс 21:25

А эскӧмӧ бергӧдчӧм ентӧдтӧмъяслы ми гижлім, мед видзасны асьнысӧ идоллы вайӧм сёянысь, вир юӧмысь, джагалӧм пемӧс яй сёйӧмысь да кырсалӧмысь. Мукӧд тшӧктӧмас налы оз ков кутчысьны».

Лыд 31:8

Виӧмаяс пӧвстын вӧлі вит мадианса ӧксы: Эви, Рекем, Цур, Хур да Ревай. Израильсаяс виисны шыпуртӧн тшӧтш Веорлысь Валаам писӧ.

Восьтӧм 22:15

А понъяс, тшыкӧдчысьяс, кырсалысьяс, морт виысьяс, идоллы юрбитысьяс, ылӧгсӧ радейтысьяс да пӧръясьысьяс колясны кар ортсыас.

Восьтӧм 21:8

Полысьясӧс, эскытӧмъясӧс, зывӧк оласногаясӧс, морт виысьясӧс, кырсалысьясӧс, тшыкӧдчысьясӧс, идоллы юрбитысьясӧс да став ылӧдчысьсӧ лоӧ шыбитӧма биӧн да тэгйӧн сотчысь тыӧ. Тайӧ мӧд кулӧм».

1 Коринфӧ 7:2

но медым некод эз кырсав, быд мортлӧн мед лоӧ аслас гӧтыр да быд аньлӧн – аслас верӧс.

Матвей 18:7

Курыд шог муюгыдыслы ыштӧдӧмъясысь! Ыштӧдӧмъяслы колӧ локнысӧ, но курыд шог сійӧ мортыслы, код пыр локтӧны ыштӧдӧмъясыс!

Езекиль 3:20

Веськыда олысь кӧ кежас веськыдлунысь да кутас вӧчны лёксӧ, сэки Ме потшӧсала сылысь туйсӧ, и сійӧ крукасяс да кулас. Тэ кӧ он ӧлӧд сійӧс, сійӧ аслас мыж вӧсна кулас, и сылысь веськыдлуна олӧмсӧ лоӧ вунӧдӧма. Сылӧн вирысь Ме водзӧс перъя тэнсьыд.

Лыд 24:14

Со, ме муна аслам войтыр дінӧ. Ӧні тэ кывзы, и ме висьтала, мый Израиль войтыр вӧчас тэнад войтырлы локтана кадӧ».

Римӧ 14:21

Бурджык, он кӧ сёй яй, он ю вина, он вӧч нинӧм сэтшӧмсӧ, мыйӧ вокыд крукасьӧ да усьӧ.

Римӧ 14:13

Водзӧ огӧ кутӧй мыжавны ӧта-мӧднымӧс. Мӧдарӧ, видзӧдӧй, медым энӧ крукӧдӧй да энӧ уськӧдӧй вокнытӧ.

Езекиль 44:12

Сыысь, мый найӧ кесъялісны Израиль войтырлы идолъяс водзаныс да тайӧн мыжӧ кыскисны войтырӧс, Ме лэпті на вылӧ Ассьым киӧс, – висьталӧ Господь Ыджыдыс. – Мыжныс вӧсна найӧ нуасны мыждӧм.

Еремей 6:21

Та вӧсна Господь тадзи висьталӧ: «Ме пукта тайӧ войтырыслы мытшӧдъяс. Сэтчӧ крукасясны батьясныс и пиянныс, ёртъясныс и орччӧн олысьясныс, и ставныс найӧ куласны».

Восьтӧм 2:4

Но Менам эм мыйсюрӧ тэныд паныд: тэ эновтін ассьыд медводдза муслунтӧ.

1 Коринфӧ 1:23

а ми висьталам тувъялӧм Кристос йылысь. Иудейяс крукасьӧны тайӧ висьталӧмас, а грекъяс лыддьӧны тайӧс йӧйталӧмӧн.

Римӧ 11:9

Давид висьталӧ: – Сёянныс мед лоӧ налы тывйӧн да налькйӧн, налысь мед лоӧ водзӧс перйӧма.

Римӧ 9:32

Мыйла? Веськыдлунсӧ найӧ зілисны шедӧдны Индӧд серти уджъяснас, эз эскӧмнас. Тадзи найӧ изйӧ крукасисны.

Исай 57:14

Господь шуас: – Дасьтӧй, дасьтӧй, шыльӧдӧй туйсӧ, Менам войтырлӧн туй вылысь вештӧй ставсӧ, мыйӧ найӧ вермасны крукасьны.