Восьтӧм 19:6 - Коми Библия 2023

⁶ Сэсся ме кылі йӧз чукӧрлысь шысӧ, быттьӧ уна шор бузгис-визувтіс, и чорыда гымаліс. Найӧ шуалісны: – Аллилуйя! Господь, Ставсӧвермысь Ен, ӧні лоис Ӧксыӧн!

Восьтӧм 19:6 Referans Kwoze

Псалтыр 97:1

[Давидлӧн] псалом. Сьылӧй Господьлы выль сьыланкыв! Сійӧ вӧчис шензьӧданаторъяс. Сылӧн веськыд киыс да вежа выныс вайисны Сылы вермӧмсӧ.

Восьтӧм 14:2

Ме кылі енэжсяньыс шы. Сійӧ вӧлі уна валӧн бузгысь шы кодь да чорыд гым шы кодь. Сійӧ юргис, быттьӧ арфаӧн ворсісны.

Восьтӧм 19:1

Та бӧрти ме кылі енэжсьыс гора шы, быттьӧ ыджыд йӧз чукӧр ызгис-сёрнитіс. Найӧ шуалісны: – Аллилуйя! Мездмӧмыс миян Господьсянь, дзирдлуныс, нималӧмыс да выныс Сылӧн.

Псалтыр 99:1

[Давидлӧн] аттьӧалана псалом. Му вылын олысьяс, гораа нимкодясьӧмӧн ошкӧй Господьӧс!

Псалтыр 93:1

Господьӧй, Тэ – водзӧс перйысь Ен. Водзӧс перйысь Енмӧй, петкӧдчы дзирдлуннад!

Восьтӧм 6:1

Ме аддзи, мый Баля жугӧдіс сизим печать пиысь медводдзасӧ, и кылі, мый нёль ловъя олысь пӧвстысь ӧтиыс гым кодь гора шыӧн шуис: «Лок да видзӧд!»

Восьтӧм 1:15

Сылӧн кокыс дзирдаліс пачын донӧдӧм ыргӧн моз, а гӧлӧс шыыс Сылӧн вӧлі бузгысь валӧн шы кодь.

Езекиль 1:24

Ме кылі налӧн бордъяслысь шысӧ. Сійӧ вӧлі бузгысь ыджыд ва кодь, Ставсӧвермысьлӧн гӧлӧс шы кодь. Ловъя олысьяслӧн муніганыс борд шыныс вӧлі уна лыда тышкайӧзлӧн восьлалӧм шы кодь. А кор найӧ сувтлісны, борднысӧ лэдзлісны.

Восьтӧм 21:22

Крамсӧ тайӧ карсьыс ме эг аддзыв, ӧд крамыс сэні – Ставсӧвермысь Господь Ен да Баля.

Восьтӧм 12:10

Сэки ме кылі енэжсянь гора шы: – Ӧні воис мездмӧмыс, выныс, миян Енлӧн юралӧмыс да Сылӧн Мавтыштӧмалӧн ыджыдалӧмыс. Ӧд енэжсьыс шыбитӧма мыжалысьӧс, коді лун и вой мыжаліс вокъяснымӧс миян Ен водзын.

Восьтӧм 8:5

Сэсся андел босьтіс тшынӧдчан доз, пуктіс сэтчӧ висьпуктанінысь бисӧ да шыбитіс сійӧс му вылӧ. Сэні кылісны гора шыяс, чардаліс-гымаліс, да муыс вӧрис.

Восьтӧм 4:5

Пуклӧссянь петісны чардби да гым шы. Пуклӧс водзас ӧзйис сизим би, Енлӧн сизим лолыс.

Езекиль 43:2

Ме аддзи, мый асыввывсянь матыстчӧ Израиль Енлӧн дзирдлуныс. Ме кылі бузгысь ыджыд валысь кодь шы. Господьлӧн дзирдлунысь муыс югдіс.

Исай 52:7

Кутшӧм шензьӧданаӧсь кокъясыс сылӧн, коді керӧсъяс вывті нуӧ бур юӧр, юӧртӧ лӧнь олӧм йылысь, вайӧ нимкодь юӧр, висьталӧ мездмӧм йылысь, Сионлы шуӧ: «Тэнад Енмыд ӧксыалӧ!»

Псалтыр 77:18

Найӧ тӧдӧмӧн дӧзмӧдісны Енсӧ, корисны Сылысь сёян сьӧлӧм сертиныс.

Иов 40:9

сэки Ме ошка тэнӧ, ӧд тэ верман мездыны ачыд асьтӧ.

Еремей 51:48

Енэжыс, муыс и ставыс, мый сэні эм, кутасны нимкодясьны, ӧд войвывсянь Вавилонӧ локтасны куштысь-бырӧдысьяс, – висьталӧ Господь. –

Псалтыр 47:7

Полӧм-дзӧрӧм топӧдіс найӧс, кыдзи сьӧкыд дой топӧдӧ чужтысь аньӧс.

Псалтыр 47:2

Господь ыджыд! Ёна ошкӧй миянлысь Еннымӧс Сылӧн карын, Сылӧн вежа керӧс вылын!

Матвей 6:13

Эн сет миянлы ылавны, но видз миянӧс омӧльысь. Ӧд Тэнад Юралӧмыд, выныд да дзирдлуныд помасьлытӧм. Аминь.

Восьтӧм 1:8

«Ме эм Альфа и Омега, Панасыс и Помыс», – шуӧ Господь. Сійӧ эм, вӧлі и локтас, Сійӧ – Ставсӧвермысьыс.

Восьтӧм 19:4

Та бӧрти кызь нёль юрнуӧдысьыс да нёльнан ловъя олысьыс кымынь уськӧдчӧмӧн копыртчылісны юралан пуклӧсын пукалысь Енлы да шуисны: – Аминь! Аллилуйя!