Восьтӧм 19:5 - Коми Библия 2023

⁵ Сэсся Ен пуклӧссянь кыліс гӧлӧс шы: – Ошкӧй миян Енмӧс ставныд, Сылӧн кесйӧгъяс да Сыысь полысьяс, ичӧтъяс и гырысьяс!

Восьтӧм 19:5 Referans Kwoze

Псалтыр 134:1

Аллилуйя! Ошкӧй Господьлысь нимсӧ! Господьлӧн кесйӧгъяс, ошкӧй Сійӧс!

Псалтыр 150:6

Став ловъя олысьыс мед ошкас Господьӧс! Аллилуйя! Ошкӧм.

Псалтыр 135:1

Ошкӧй Господьӧс, ӧд Сійӧ бур, Сылӧн буралӧмыс оз помасьлы.

Восьтӧм 7:15

Та вӧсна найӧ сулалӧны Ен пуклӧс водзын, лун и вой кесъялӧны Енмыслы Сылӧн крамын. Юралан пуклӧсын Пукалысьыс лоӧ накӧд да видзӧ найӧс.

Восьтӧм 20:12

Ме аддзи гырысь да ичӧт кулӧмаясӧс, найӧ сулалісны Ен водзын. Сэні вӧліны восьса небӧгъяс. Сэсся восьтісны нӧшта ӧти небӧг – Олӧмыслысь небӧг. Кулӧмаясӧс мыждісны налӧн уджъясныс серти, мый вӧлі гижӧма небӧгъясас.

Восьтӧм 16:17

Сизимӧд анделыс кисьтіс ассьыс чашасӧ сынӧдас. Сэки енэжвыв крамысь, юралан пуклӧс дінысь, кыліс гора гӧлӧс шы: «Ставсӧ вӧчӧма!»

Восьтӧм 13:16

Мӧд зверыс тшӧктӧ пуктыны пас веськыд киас либӧ плешкас быдӧнлы – ичӧтлы и гырысьлы, озырлы и гӧльлы, мездлуна мортлы и кесйӧглы.

Восьтӧм 19:18

Ті кутанныд сёйны шойяссӧ ӧксыяслысь, тышкайӧзӧн веськӧдлысьяслысь, юралысьяслысь, вӧвъяслысь, верзьӧмаяслысь да став йӧзыслысь: мездлуна йӧзлысь и кесйӧгъяслысь, ичӧтлысь и гырысьлысь».