Восьтӧм 19:10 - Коми Библия 2023

¹⁰ Ме уськӧдчи андел кок дорӧ, медым копыртчывны сылы, но сійӧ шуис меным: «Эн вӧч тайӧс! Копыртчыв Енмыслы! Тэ да тэнад вокъясыд моз Ме кесъяла Енмыслы. Вокъясыд висьтавлӧны Исус йылысь, сёрнитӧны пророкалан Ловсянь».

Восьтӧм 19:10 Referans Kwoze

Иоан 5:39

Ті тӧдмаланныд-туяланныд Гижӧдъяссӧ, медым тіянлы вичмис помтӧм олӧм, а Гижӧдъясыс висьталӧны Ме йылысь.

Еврейяслы 1:14

Анделъяс – кесъялысь ловъяс. Енмыс мӧдӧдӧ анделъясӧс кесъявны налы, кодъяслы вичмӧ мездмӧмыс.

Восьтӧм 4:10

сэки кызь нёль юрнуӧдысьыс уськӧдчӧны юралан пуклӧсын Пукалысь водзӧ да копыртчылӧны помтӧг Олысьлы. Ассьыныс юркытшсӧ пуклӧс водзӧ пуктӧмӧн найӧ шуалӧны:

Восьтӧм 12:17

Гундыр ёна скӧрмис ань вылӧ да муніс тышкасьны сылӧн мукӧд челядькӧд, кодъяс олӧны Ен тшӧктӧм серти да кутчысьӧны Исус Кристослӧн висьталӧмӧ.

Восьтӧм 12:11

Миян вокъяс вермисны сійӧс Балялӧн вирӧн да збыльсӧ висьталӧмӧн. Найӧ эз повны кулӧмысь, вӧліны дасьӧсь сетны ассьыныс олӧмнысӧ.

1 Иоан 5:10

Коді эскӧ Ен Пилы, сылӧн сьӧлӧмас эм тайӧ висьталӧмыс. Коді оз эскы Енмыслы, пуктӧ Сійӧс пӧръясьысь туйӧ, ӧд тайӧ мортыс оз эскы Пи йывсьыс Енлӧн висьталӧмыслы.

Еврейяслы 12:25

Видзчысьӧй, медым энӧ бергӧдчӧй тіянлы Висьталысьысь! Енмыс сёрнитіс му вылас Израиль войтыркӧд, но найӧ бергӧдчисны Сыысь. Та вӧсна найӧс вӧлі мыждӧма. Сідзкӧ, миянӧс ёнджыка на лоӧ мыждӧма, огӧ кӧ кывзӧй енэжсянь Висьталысьӧс.

Матвей 4:10

Исус шуис сылы: «Вешйы Ме дінысь, сӧтана! Гижӧма: ”Господьлы, аслад Енлы, копрась да сӧмын Сылы кесъяв”».

Петӧм 34:14

Господьысь ӧтдор мукӧд енъяслы энӧ копрасьӧй, ӧд Господь – вежӧгтысь Ен.

Восьтӧм 14:7

Анделыс гораа шуаліс: «Полӧй Енсьыс да ошкӧй Сійӧс, ӧд воис Сылӧн мыждан луныс. Копыртчылӧй Сылы, коді вӧчис енэжсӧ да мусӧ, саридзсӧ да ва петанінъяссӧ!»

Восьтӧм 15:4

Господьӧй, сюрас-ӧ сэтшӧм морт, коді оз повзьы Тэысь, коді оз ошкы Тэнсьыд нимтӧ? Ӧд Тэ ӧтнадӧн вежаыс! Войтыръяс локтасны да копыртчасны Тэ водзӧ, ӧд воссис Тэнад веськыда мыждӧмыд!

Ап. уджъяс 10:43

Сы йылысь став пророкыс висьталӧ, мый быдӧнлысь, коді эскӧ Сылы, лоӧ прӧститӧма мыжъяссӧ Сы нимӧн».

Восьтӧм 1:9

Ме, Иоан, тіян вокныд, тіянкӧд ӧтвыв нуа сьӧкыдсӧ. Тіянлы моз меным тшӧтш вичмӧ Енлӧн Юралӧмыс да Исус Кристоссянь зумыдлуныс. Ен кыв вӧсна да Исус Кристос йылысь висьталӧм вӧсна ме вӧлі Патмос ді вылын.

Филипӧ 3:3

Збыль вундыштчӧмаясыс – тайӧ ми, ӧд ми кесъялам Енлы Сылӧн Лов нуӧдӧм улын. Ми ошйысям Исус Кристосӧн, огӧ ас выланым лача кутӧй,

Лука 24:44

Сэсся Исус шуис налы: «Кор на Ме вӧлі тіянкӧд, Ме висьтавлі, мый инас ставыс, мый гижӧма Ме йылысь Мӧисей Индӧдын, пророк гижӧдъясын да псаломъясын».

Лука 1:19

Андел вочавидзис: «Ме, Гавриил, сулала Ен водзын. Менӧ мӧдӧдӧма сёрнитны тэкӧд, висьтавны тайӧ Бур Юӧрсӧ тэныд.

Марк 5:22

локтіс Яир нима морт, синагогаса юралысь. Исусӧс аддзӧм бӧрын Яир уськӧдчис Сы водзӧ

Ӧксыяслӧн 4 небӧг 17:36

Но полӧй Господьысь, коді ыджыд выннас да вына кисӧ лэптӧмӧн петкӧдіс тіянӧс Египет муысь. Сӧмын Сылы юрбитӧй да висьяснытӧ вайӧй.

Ап. уджъяс 13:27

Ерусалимын олысьяс да налӧн юралысьяс эз тӧдны, мый Исус эм Мездысь. Кор Сійӧс мыждісны, иніс пророкъяслӧн шуӧмыс, мый лыддьӧны быд шойччан лунӧ.

Даниил 7:10

Сы дінысь петіс-визувтіс биӧн ыпъялысь ю, Сылы кесъялісны сюрсъясӧн, Сы водзын сулалісны лыдтӧм-тшӧттӧм йӧз. Ёрдысьяс пуксисны, и воссисны небӧгъяс.

Псалтыр 45:11

Господь висьталӧ: «Сувтыштлӧй да тӧдӧй, мый Ме – Енмыс. Менӧ вылӧ кыпӧдӧны войтыръяс пӧвстын, Менӧ ошкӧны став му пасьтала».

1 Иоан 5:21

Челядь, видзӧй асьнытӧ идолъясысь. Аминь.

1 Фессалоникаӧ 5:15

Видзчысьӧй, мед некод лёксьыс эз мынтысь лёкӧн. Мӧдарӧ, зільӧй вӧчны бурсӧ ӧта-мӧдныдлы да став йӧзыслы.

Ефесӧ 5:15

Сідзкӧ, сюся видзӧдӧй ас бӧрсяныд: олӧй мывкыдаяс моз, а энӧ вежӧртӧмъяс моз.

2 Коринфӧ 8:7

Ті озырӧсь быдторнас: эскӧмӧн, сёрнитны кужӧмӧн, тӧдӧмлунӧн, зільӧмӧн, миян дінӧ муслунӧн. Сідзкӧ, лоӧй лышкыдӧсь тшӧтш отсӧг сетігӧн.

Марк 7:25

Кывліс Сы йылысь ӧти ань, кодлысь нывсӧ вӧлі кутӧма пеж лов. Ань локтіс да уськӧдчис Исус водзӧ.

Ефесӧ 5:33

Сідзкӧ, быдӧн мед радейтӧ гӧтырсӧ асьсӧ моз, а гӧтыр мед пыдди пуктӧ верӧссӧ.

Даниил 2:46

Сэки Навукодоносор ӧксы кымынь уськӧдчис Даниил водзӧ да копыртчыліс сылы. Сійӧ тшӧктіс аслас йӧзлы, медым ваясны Данииллы нянь вись да тшынӧдасны сылы чӧскыд ӧвтанторъяс.

Восьтӧм 1:1

Тайӧ – Исус Кристослы Енсянь восьтӧм. Тайӧн Енмыс петкӧдліс Аслас кесйӧгъяслы, мый колӧ лоны регыдъя кадӧ. Аслас андел пыр Кристос восьтіс тайӧс Аслас Иоан кесйӧглы.

Восьтӧм 19:9

Андел шуис меным: «Гиж: шудаӧсь найӧ, кодъясӧс корӧма Балялӧн кӧлысь вылӧ». Сэсся содтіс: «Тайӧ Енлӧн збыль кывъясыс».