Восьтӧм 18:22 - Коми Библия 2023

²² Тэнад туй вылын некор оз кут кывны сьылӧм шы, пӧлян да труба шы, некод оз кут ворсны арфаӧн. Некор оз кут уджавны тані киподтуя морт, некор оз кут кывны тані изки шы.

Восьтӧм 18:22 Referans Kwoze

Езекиль 26:13

Ме пукта пом сьыланкывъяс юргӧмлы, гуслияслӧн шы оз нин кут кывны.

Еремей 25:10

Тайӧ муясас нимкодясьӧмлы да гажӧдчӧмлы Ме пукта пом, водзӧ оз кут кывны верӧспулӧн да гӧтырпулӧн гӧлӧс шыныс, оз кут кывны изкилӧн шыыс, оз кут тыдавны би дозлӧн югӧрыс.

Еремей 16:9

Господь Саваоф, Израильлӧн Ен, тадзи висьталӧ: тіян олігӧн на, тіян син водзын, тайӧ муас нимкодясьӧмлы да гажӧдчӧмлы Ме пукта пом, водзӧ оз кут кывны верӧспулӧн да гӧтырпулӧн гӧлӧс шыныс.

Еремей 7:34

Иудаса каръясын да ерусалимса уличьяс вылын нимкодясьӧмлы да гажӧдчӧмлы Ме пукта пом, водзӧ оз кут кывны верӧспулӧн да гӧтырпулӧн гӧлӧс шыныс, ӧд тайӧ муыс лоӧ овтӧминӧн.

Еклесиаст 12:4

Ывлаӧ петан ӧдзӧсъяс тупкысясны, изкилӧн шыыс ланьтас, лэбачлӧн дзользьӧмыс унтӧ пальӧдас, сьылысьяслӧн горыс чинас.

Еремей 33:11

нимкодясьӧм да гажӧдчӧм, кутас кывны верӧспулӧн да гӧтырпулӧн гӧлӧс шыныс. Бара кутас кывны Господьлӧн крамӧ аттьӧалана вись вайысьяслӧн гӧлӧс шыныс. Найӧ кутасны шуавны: ”Ошкӧй Господь Саваофӧс, ӧд Сійӧ бур, Сылӧн буралӧмыс оз помасьлы!” Тайӧ муас олысьяслы Ме бара сета воддза кодьыс бур олӧм, – висьталӧ Господь.

Исай 23:12

Сійӧ шуис: – Сидонын олысьяс, ті, яналӧм войтыр, водзӧ онӧ нин кутӧй нимкодясьны. Чеччӧй да мунӧй Киттимӧ, но весиг сэні тіянлы шойччӧгыс оз ло!

Матвей 9:23

Юралысь керкаӧ воӧм мысти Исус аддзис пӧлянӧн ворсысьясӧс да гораа бӧрдысь йӧзӧс.

Иов 3:7

Сійӧ войыс мед оз сет сьӧктаммыны, мед оз тӧд нимкодясьӧмсӧ.