Восьтӧм 18:12 - Коми Библия 2023

¹² Оз босьтны налысь зарнисӧ, эзысьсӧ, дона изъяс да жемчугъяс, шабді да шӧвк дӧраяс, пемыдгӧрд да чим гӧрд рӧма дӧраяс и чӧскыд дука пуяс. Оз босьтны налысь слӧн лыысь, дона пуысь, ыргӧнысь, кӧртысь да мраморысь вӧчӧмторъяс.

Восьтӧм 18:12 Referans Kwoze

Восьтӧм 17:4

Аньыс вӧлі пасьтасьӧма пемыдгӧрд рӧма да чим гӧрд рӧма паськӧмӧ. Сы вылын югъялісны зарниысь, дона изъясысь да жемчугысь мичмӧданторъяс. Киас сійӧ кутіс зарни доз, коді вӧлі тырӧма сылӧн кырсалӧмысь зывӧкнас да пежнас.

2 Каднебӧг 2:8

Нӧшта мӧдӧд меным Ливанысь сус пу, кипарис да гӧрд пу. Ме тӧда, тэнад кесйӧгъясыд бура кужӧны пӧрӧдны ливанса вӧр. Менам кесйӧгъясӧй кутасны ӧтвылысь уджавны накӧд,

Наум 2:9

Куштӧй сылысь эзысь-зарнисӧ! Сылӧн озырлуныс лыдтӧм-тшӧттӧм, весиг лыддьынысӧ он вермы.

Восьтӧм 17:3

Ме вӧлі тырӧма Лолӧн, и андел вайӧдіс менӧ овтӧминӧ. Сэтысь ме аддзи аньӧс, коді пукаліс чим гӧрд рӧма звер вылын. Зверыслӧн вӧлі сизим юр да дас сюр. Тайӧ зверсӧ вӧлі дзоньнас гижалӧма Енмӧс лёкӧдана кывъясӧн.

Восьтӧм 18:15

Найӧ, кодъяс вузасисны тайӧн ставнас да озырмисны сы помысь, ёна повзясны Вавилон карлӧн мучитчӧмысь да ылыстчасны сыысь. Найӧ кутасны бӧрдны да шогсьыны: