Восьтӧм 17:4 - Коми Библия 2023

⁴ Аньыс вӧлі пасьтасьӧма пемыдгӧрд рӧма да чим гӧрд рӧма паськӧмӧ. Сы вылын югъялісны зарниысь, дона изъясысь да жемчугысь мичмӧданторъяс. Киас сійӧ кутіс зарни доз, коді вӧлі тырӧма сылӧн кырсалӧмысь зывӧкнас да пежнас.

Восьтӧм 17:4 Referans Kwoze

Восьтӧм 18:16

– Курыд шог тэныд, ыджыд кар! Тэ вӧлі пасьтасьӧмыд шабді дӧраӧ, пемыдгӧрд да чим гӧрд рӧма паськӧмӧ. Тэнӧ вӧлі мичмӧдӧма зарниӧн, дона изъясӧн да жемчугӧн!

Еремей 51:7

Господь киын Вавилон вӧлі зарни чашаӧн, Вавилон юктӧдіс му вылын олысь став йӧзсӧ. Войтыръяс юисны сэтысь вина да воштісны вежӧрнысӧ.

Восьтӧм 19:2

Господь мыждӧ веськыда да збыльыс серти. Сійӧ мыждіс ыджыд карӧс, кырсалысь аньӧс, коді кырсалӧмнас пежаліс став мусӧ. Господь перйис водзӧссӧ тайӧ аньыслысь Аслас кесйӧгъяслӧн вирысь.

Восьтӧм 18:12

Оз босьтны налысь зарнисӧ, эзысьсӧ, дона изъяс да жемчугъяс, шабді да шӧвк дӧраяс, пемыдгӧрд да чим гӧрд рӧма дӧраяс и чӧскыд дука пуяс. Оз босьтны налысь слӧн лыысь, дона пуысь, ыргӧнысь, кӧртысь да мраморысь вӧчӧмторъяс.

Бӧрданкыв 1:9

Бӧждорыс сылӧн няйтчӧма пежнас. Сійӧ эз мӧвпав, мый виччысьӧ сійӧс. Сійӧ дзикӧдз усис, но сійӧс бурӧдысьыс эз вӧв. «Господьӧй, видзӧдлы менам шогсьӧм вылӧ, ӧд вӧрӧг асьсӧ вылӧ кыпӧдӧ».

Восьтӧм 14:8

Тайӧ анделыс бӧрся лэбис мӧд андел да горзіс: «Киссис, киссис ыджыд Вавилон кар! Аслас кырсалӧм вӧсна сійӧ юктӧдіс войтыръясӧс скӧрлуна винаӧн».

Даниил 11:38

Сійӧ пондас ыдждӧдлыны изкаръяслысь енсӧ, кодӧс эз тӧдлыны сылӧн батьясыс. Тайӧ енмыслы сійӧ ваяс зарни, эзысь, дона изъяс да мукӧд дона козинъяс.

Езекиль 24:13

Тэнад пежыд зывӧктана. Ме сӧстӧммӧдлі тэнӧ, но тэ эн сӧстӧммы аслад пежсьыд. Кытчӧдз Ме став скӧрлунӧс тэ вылӧ ог кисьт, тэ он сӧстӧммы.

Езекиль 24:11

Куш пӧртсӧ пукты ӧгыр вылас, медым ыргӧныс доналас, медым сотчас-сылас сэтысь став пежыс, став пурзьӧм няйтыс.

Ӧксыяслӧн 3 небӧг 14:24

Татшӧм юрбитанінъясын вӧліны кырсалысьяс. Иуда войтыр вӧчис быд зывӧксӧ сійӧ войтыръясыс моз, кодъясӧс Господь вӧтліс Израиль войтыр водзысь.

Осий 9:10

Ме аддзи Израильӧс овтӧминысь – сійӧ вӧлі виноград вотӧс кодь. Ме аддзи Израильлысь батьяссӧ – найӧ вӧліны инжир пулӧн медводдза вотӧс кодьӧсь. Но найӧ мунісны Ваал-Пеорӧ, сетчисны яндысьтӧм олӧмас, лоины пежӧсь, радейтана идолъясныс кодьӧсь.

Ездра 9:11

кодъясӧс Тэ сетін миянлы Аслад кесъялысь пророкъяс пыр. Тэ шулін: ”Муыс, кытчӧ ті мунанныд, медым босьтны сійӧс, пежалӧм му. Мукӧд войтыръяс пежалісны сійӧс асланыс зывӧкторъясӧн, помсянь помӧдзыс тыртісны пежнас.

Езекиль 20:30

Шу Израиль войтырлы, мый Господь Ыджыдыс тадзи висьталӧ: батьясныд моз ті пежаланныд асьнытӧ. Ті сетчинныд батьясныдлӧн зывӧк идолъяслы – тайӧ лоӧ сійӧ жӧ, мый кырсалӧм.

Ӧксыяслӧн 4 небӧг 21:2

Манассей вӧчис Господь водзын шогмытӧмсӧ. Сійӧ вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

Езекиль 36:25

Реза тіянӧс сӧстӧм ваӧн, и ті сӧстӧмманныд. Ме сӧстӧммӧда тіянӧс став пежсьыныд да идолъяссьыныд.

Индӧд 29:17

Ті аддзылінныд налысь пуысь, изйысь, эзысьысь да зарниысь вӧчӧм зывӧк бӧлбанъяссӧ.

Исай 66:3

Ӧшкӧс начкысь да вись пыдди вайысь [коді торкӧ Индӧдсӧ] морт виысь кодь, ыжӧс вись пыдди вайысь понлысь голясӧ песовтысь кодь, нянь вись вайысь порсьлысь вирсӧ вись пыдди вайысь кодь, казьтылан вись пыдди чӧскыд ӧвтанторъяс тшынӧдысь идоллы копрасьысь кодь. Найӧ бӧрйисны ассьыныс туйнысӧ, найӧ радейтӧны пежсӧ вӧчны.

Езекиль 28:13

Тэ олін Эдэмын, Енлӧн сад йӧрын. Тэнӧ мичмӧдісны дона изъяс: рубин, топаз, алмаз, хризолит, оникс, яшма, сапфир, карбункул да изумруд. Паськӧмтӧ вӧлі мичмӧдӧма зарниӧн. Ставыс тайӧ вӧлі дась нин сійӧ лунӧ, кор тэнӧ вӧлі вӧчӧма.

Восьтӧм 9:21

Найӧ эз бергӧдчыны морт виӧмысь, тшыкӧдчӧмысь, кырсалӧмысь да гусясьӧмысь.

Восьтӧм 21:21

Дас кыкнан дзиръясӧ вӧлі вӧчӧма дас кык жемчугысь, быд дзиръя – ӧти жемчугысь. Карыслӧн паськыд туйыс вӧлі сӧстӧм зарниысь, сійӧ югъяліс стеклӧ моз.