Восьтӧм 15:4 - Коми Библия 2023

⁴ Господьӧй, сюрас-ӧ сэтшӧм морт, коді оз повзьы Тэысь, коді оз ошкы Тэнсьыд нимтӧ? Ӧд Тэ ӧтнадӧн вежаыс! Войтыръяс локтасны да копыртчасны Тэ водзӧ, ӧд воссис Тэнад веськыда мыждӧмыд!

Восьтӧм 15:4 Referans Kwoze

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Еремей 10:7

Тэ – войтыръяслӧн Ӧксы, ставныс полӧны Тэысь, сӧмын Тэысь колӧ вежавидзнысӧ. Войтыръяслӧн мывкыдаяс пӧвстын Тэ кодьыс абу!

Восьтӧм 11:15

Кор сизимӧд анделыс тутсіс трубаӧ, енэжас кылісны гора шыяс. Найӧ шуалісны: – Став муюгыдыс лои миян Господьлӧн да Сылӧн Мавтыштӧмалӧн юраланінӧн. Сійӧ кутас юравны нэмъяс чӧж!

Восьтӧм 14:7

Анделыс гораа шуаліс: «Полӧй Енсьыс да ошкӧй Сійӧс, ӧд воис Сылӧн мыждан луныс. Копыртчылӧй Сылы, коді вӧчис енэжсӧ да мусӧ, саридзсӧ да ва петанінъяссӧ!»

Закар 14:16

Ерусалим вылӧ уськӧдчӧм войтыръясысь ловйӧн кольӧмаяс быд во кутасны волыны Ерусалимӧ, медым юрбитны Ӧксылы, Господь Саваофлы, да пасйыны Чом вӧчан лунъяс.

Исай 25:3

Та вӧсна вына войтыр нимӧдӧ Тэнӧ, скӧр войтырлӧн каръясын полӧны Тэысь.

Исай 45:23

Менам вомысь петӧны збыль кывъяс, вежсьывлытӧм кывъяс, Ме Ачым кыв сетӧмӧн шуа, мый быд морт пидзӧсчанясяс Ме водзӧ да кыв сетӧмӧн кӧсйысяс кесъявны Меным.

Восьтӧм 4:8

Быдӧн на пиысь вӧлі квайт бордъя, а налӧн борд ортсыыс да пытшкӧсладорыс вӧлі тырӧма синъясӧн. Лун и вой найӧ дугдывтӧг шуалӧны: – Вежа, вежа, вежа Господь Ен, Ставсӧвермысь, коді вӧлі, эм и локтас.

1 Петыр 1:16

Гижӧма: «Лоӧй вежаӧсь, ӧд Ме вежа».

Закар 2:11

Сійӧ лунӧ уна мукӧд войтыр локтасны Господь дінӧ да лоӧны Сылӧн войтырӧн. Господь кутас овны тэ ордын, и тэ тӧдмалан, мый Господь Саваоф мӧдӧдіс менӧ тэ дінӧ.

Восьтӧм 16:7

Ме кылі висьпуктанінсянь мӧд гӧлӧс шы. Сійӧ шуис: – Господьӧй Енмӧй, Ставсӧвермысьӧй, Тэнад мыждӧмыд збыль да веськыд!

Восьтӧм 19:2

Господь мыждӧ веськыда да збыльыс серти. Сійӧ мыждіс ыджыд карӧс, кырсалысь аньӧс, коді кырсалӧмнас пежаліс став мусӧ. Господь перйис водзӧссӧ тайӧ аньыслысь Аслас кесйӧгъяслӧн вирысь.

Исай 26:9

Войнас менам сьӧлӧмӧй гажтӧмтчӧ Тэысь, асывнас ме пытшкын лолӧй корсьысьӧ Тэнӧ. Кор му вылас ыджыдалӧ Тэнад веськыда мыждӧмыд, сэки му вылас олысьяс велӧдчӧны веськыдлунас.

Псалтыр 89:7

Тэнад скӧралӧмысь ми бырам, Тэнад лӧгалӧмысь ми полам-тіралам.

Римӧ 15:9

Кристос локтіс кесъявны тшӧтш мукӧд войтыръяслы, мед и найӧ вермисны ошкыны Енсӧ на дінӧ буралӧмысь. Та йылысь гижӧма: – Та вӧсна ме кута нимӧдны Тэнӧ мукӧд войтыръяс пӧвстын, кута сьылӧмӧн ошкыны Тэнсьыд нимтӧ.

Осий 3:5

Но сэсся Израиль войтыр бӧр бергӧдчас да корсяс ассьыс Господь Енсӧ да Давид ӧксысӧ. Бӧръя лунъясӧ найӧ пондасны полӧмӧн пыдди пуктыны Господьӧс да Сылысь бурлунсӧ.

Исай 6:3

Найӧ чуксасисны ӧта-мӧдныскӧд да сьылісны: «Вежа, вежа, вежа Господь Саваоф, став муыс тырӧма Сылӧн дзирдлунӧн!»

Псалтыр 111:9

Сійӧ лышкыда разӧдӧ, сеталӧ гӧльяслы, сылӧн веськыда вӧчӧмыс кутас овны нэмъяс чӧж, сійӧ олӧ юрсӧ лэптӧмӧн, ӧд сійӧс пыдди пуктӧны.

Восьтӧм 6:10

Найӧ гораа горӧдісны: «Вежа да збыль Ыджыдӧй! Кор нин Тэ мыждан мувывса олысьясӧс да перъян налысь водзӧссӧ миян вир вӧсна?»

Аввакум 1:12

– Господьӧй, менам вежа Енмӧй, важысянь Тэ – Ен. Ми огӧ кулӧй. Господьӧй, Тэ мӧдӧдін калдея войтырӧс, мед мыждыны миянӧс. Дорйысьӧй, Тэ вайӧдін найӧс, мед чирыштны миянӧс.

Восьтӧм 3:7

«Филадельфия вичкоса анделлы тадзи гиж: Со мый висьталӧ Вежаыс да Збыльыс, код ордын Давидлӧн восьтаныс. Сійӧ восьтӧ, и некод оз вермы тупкыны. Сійӧ тупкӧ, и некод оз вермы восьтны. Сійӧ висьталӧ:

Псалтыр 105:7

Египетын оліганыс миян батьяс эз гӧгӧрвоны Тэнсьыд шензьӧданаторъястӧ, найӧ вунӧдісны Тэнсьыд ыджыд буралӧмтӧ, Гӧрд саридз дорын кыпӧдчисны Тэныд паныд.

Псалтыр 22:3

ёнмӧдӧ менсьым лолӧс, нуӧдӧ менӧ веськыд туйӧд Аслас нимыс вӧсна.

Ӧксыяслӧн 1 небӧг 2:2

Сӧмын Господь вежа, Сыысь кындзи мӧдыс абу. Миян Ен кодь дорйысьыс абу.

Исай 60:5

Тэ аддзан тайӧс да пондан нимкодясьны, тэнад сьӧлӧмыд пондас чеччыны нимкодьысла, ӧд саридзса озырлун ваясны тэныд, войтыръяслысь озырлунсӧ козьналасны тэныд.

Еремей 16:19

– Господьӧй, Тэ – менам выныс, Тэ – менам изкарыс, менам шог дырйи сайӧдчаніныс. Му помсяньыс локтасны Тэ дінӧ войтыръяс, найӧ шуасны: «Миян батьяслы вичмис сӧмын ылӧгыс – вичмисны идолъяс, кодъяслы весьшӧрӧ юрбитӧны, ӧд таысь нинӧм бурыс абу».

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Исай 24:15

Асыввылын олысьяс, ошкӧй Господьӧс! Саридз дорын олысьяс, ошкӧй Господьӧс, Израильлысь Енсӧ!

Псалтыр 99:5

ӧд Господь – бур, Сылӧн буралӧмыс оз помасьлы, чужысьяссянь чужысьясӧдз Сійӧ – эскана Ен.

Псалтыр 97:8

Мед сёльӧдчасны юяс, накӧд ӧтвыв мед нимкодясясны керӧсъяс

Еремей 5:22

Ті ӧмӧй онӧ полӧй Меысь, – висьталӧ Господь, – ті ӧмӧй онӧ тіралӧй Ме водзын? Лыасӧ Ме пукті саридзлы вежтасӧн, потши саридзсӧ нэмъяс кежлӧ, сы сайӧ саридз оз вермы вуджнысӧ. Гыясыс ӧдӧбӧн уськӧдчылӧны, но сэсся бӧр бергӧдчӧны, найӧ ызгӧны, но вежтассӧ вуджны оз вермыны.

Восьтӧм 16:5

Ме кылі, кыдзи ваяслӧн анделыс шуис: – Господьӧй, Тэ вӧлін и эм, Тэ веськыд да вежа, Тэ веськыда мыждан.

Восьтӧм 19:8

сійӧ пасьтасьӧма сӧстӧм паськӧмӧ, югъялан шабді паськӧмӧ. Шабді паськӧмыс – тайӧ вежа войтырлӧн веськыд уджъясыс.