Восьтӧм 14:1 - Коми Библия 2023

¹ Сэсся ме видзӧдлі да аддзи, мый Сион керӧс вылын сулалісны Баля да Сыкӧд орччӧн сё нелямын нёль сюрс морт. Налӧн плешканыс вӧлі гижӧма Сылӧн Батьлысь нимсӧ.

Восьтӧм 14:1 Referans Kwoze

Йоиль 2:32

И быдӧн, коді шыасяс Господь дінӧ, мездмас. Господьлӧн шуӧм серти мездмӧмыс лоӧ Сион керӧсын да Ерусалимын. Мездмасны найӧ, кодъясӧс корас Господь.

Восьтӧм 3:12

Вермысьӧс Ме сувтӧда зумыд сюръя пыдди Менам Енлӧн крамын, сійӧ пыр лоас сэні. Ме гижа сы вылӧ Менам Енлысь нимсӧ, Ассьым выль нимӧс да Менам Ен карлысь нимсӧ. Тайӧ карыс – выль Ерусалим, коді лэччас енэжсяньыс, Менам Енсянь”.

Лука 12:8

«Висьтала тіянлы: коді оз яндысь Меысь йӧз водзын, сыысь Морт Пи оз яндысь Енлӧн анделъяс водзын.

Микей 4:7

Чотысьясӧс вӧча бӧрйӧм коляс войтырӧн, разалӧмаясӧс – вына войтырӧн. Господь лоӧ налӧн ӧксыӧн Сион керӧсын ӧні да нэмъяс чӧж.

Римӧ 9:33

Та йылысь гижӧма: – Сионӧ Ме пукта из, кытчӧ найӧ крукасясны-усясны. Но Сылы эскысь оз янав.

Псалтыр 2:6

«Ме мавтышті Ассьым Ӧксыӧс да сувтӧді Сійӧс Сионӧ, Менам вежа керӧс вылӧ».

Восьтӧм 14:14

Ме видзӧдлі да аддзи еджыд кымӧр, а сы вылын кодкӧ Морт Пи кодь пукаліс. Сылӧн юр вылас вӧлі зарни юркытш, а киас – лэчыд чарла.

Восьтӧм 15:5

Сэсся ме видзӧдлі да аддзи, мый енэжас воссис крам – Енлӧн вежа чомйыс.

Исай 49:14

Сион шуліс: «Господь эновтіс менӧ, менам Ыджыдӧй вунӧдіс менӧ!»

Восьтӧм 6:8

Ме видзӧдлі да аддзи быгалӧм рӧма вӧлӧс да сы вылын пукалысьӧс, кодлӧн нимыс вӧлі Кулӧм. Сы бӧрся вӧтчис ачыс Адыс. Налы вӧлі сетӧма ыджыдавны мулӧн нёльӧд юкӧныс вылын: виавны йӧзсӧ шыпуртӧн да тшыгйӧдӧмӧн, кулана висьӧмъясӧн да зверъяс отсӧгӧн.

Восьтӧм 4:1

Сэсся ме видзӧдлі енэжас да аддзи сэтысь восьса ӧдзӧс. Сэсянь ме кылі гӧлӧс шы, сійӧ вӧлі труба шы кодь. Тайӧ гӧлӧс шысӧ ме водзынджык кывлі нин. Сійӧ шуис меным: «Кыпӧдчы татчӧ! Ме петкӧдла тэныд, мый лоӧ та бӧрти».

Закар 4:2

Сійӧ юаліс менсьым: «Мый тэ аддзан?» Ме вочавидзи: «Аддза зарни бикок. Бикок вылас вый доз. Доз дорыш гӧгӧрыс – сизим би петанін, быд би петанінын ӧзъялӧ сизим петель.

Амос 8:2

Господь юаліс: «Мый тэ аддзан, Амос?» Ме вочавидзи: «Кисьмӧм яблӧг-груша тыра куд». Господь шуис меным: «Менам Израиль войтырлы пом воис. Водзӧ найӧс ог прӧстит».

Даниил 12:5

Сэсся ме, Даниил, аддзи кык сулалысьӧс: ӧтиыс сулаліс ю таладорас, мӧдыс – ю мӧдлапӧлас.

Езекиль 44:4

Морт вайӧдіс менӧ войвыв пыранінӧд крам водзӧ. Ме аддзи, мый Господьлӧн дзирдлуныс тыртіс крамсӧ, и ме кымынь уськӧдчи муас.

Езекиль 10:1

Ме аддзи, мый херувимъяслӧн юр весьтын вӧлі вевт, а сы вылын сулаліс сапфир изйысь вӧчӧм юралан пуклӧс сяма.

Езекиль 8:7

Господь вайӧдіс менӧ крам йӧр пыранінӧ, и ме аддзи йӧр стенмысь розь.

Езекиль 2:9

Сэсся ме аддзи, мый ме дінӧ нюжӧдчис ки, а киас вӧлі гартӧм гижӧд.

Езекиль 1:4

Ме аддзи, мый войвывсянь кыпӧдчис ён тӧвныр. Сійӧ локтіс ыджыд кымӧрӧн да сявкйысь чардбиӧн. Кымӧрыс ставнас югъяліс-дзирдаліс.

Еремей 1:11

Меным вӧлі Господьсянь кыв: «Еремей, мый тэ аддзан?» Ме вочавидзи: «Аддза миндаль пулысь вожсӧ».

Езекиль 10:9

Ме аддзи херувимъяс дорысь нёль гӧгыль, быд херувим дорын вӧлі ӧти гӧгыль. Гӧгыльясыс вӧліны хризолит из кодьӧсь.

Езекиль 9:4

да шуис сылы: «Мун Ерусалим карӧд да пукты плешканыс пас налы, кодъяс сьӧкыда ышлолалӧны да бӧрдӧны тайӧ карас зывӧк вӧчӧм понда».

Восьтӧм 14:3

Сё нелямын нёль сюрс морт, кодъясӧс ньӧбӧма му вывсьыс, сьылісны выль сьыланкыв юралан пуклӧс водзын, нёль ловъя олысь да юрнуӧдысьяс водзын. Наысь кындзи некод эз куж сьывны сійӧс.

Восьтӧм 22:4

Найӧ аддзасны Енлысь чужӧмбансӧ, и Сылӧн нимыс лоӧ налӧн плешканыс.