Восьтӧм 13:3 - Коми Библия 2023

³ Ме аддзи, мый зверлӧн ӧти юрыс вӧлі кувмӧн доймӧма, но бурдіс. Став мувывса йӧзыс таысь ёна шензисны да вӧтчисны звер бӧрся. Найӧ копыртчылісны гундырлы, коді сетіс зверлы ыджыдалан вынсӧ.

Восьтӧм 13:3 Referans Kwoze

Восьтӧм 17:8

Зверыс, кодӧс тэ аддзылін, коркӧ вӧлі, но ӧні сійӧ абу. Сійӧ петас пыдӧстӧминысь, но сійӧс лоӧ бырӧдӧма. Сэки мувывса олысьяс, кодъяслысь нимсӧ му пуксьӧмсяньыс абу гижӧма Олӧмыслӧн небӧгӧ, зверсӧ аддзигӧн кутасны шензьыны, ӧд сійӧ вӧлі, но ӧні абу, и бара лоас.

Восьтӧм 13:14

Став шензьӧданаторнас, мый сійӧ вӧчӧ воддза зверыслӧн син водзын, сійӧ ылӧдлӧ му вылын олысьясӧс. Сійӧ тшӧктӧ налы вӧчны шыпуртӧн дойдӧм да ловзьӧм зверыслысь серпассӧ.

Восьтӧм 17:17

Ӧд Енмыс пуктіс налӧн сьӧлӧмӧ, мед вӧчны Сылӧн кӧсйӧм серти. Ӧти кывйӧ воӧмӧн найӧ сетісны зверыслы ассьыныс ӧксыалӧмсӧ, кытчӧдз оз инны Енлӧн кывъясыс.

Восьтӧм 17:10

Сизим юрыс индӧ сизим ӧксы вылӧ: витыс на пиысь кулісны нин, ӧтиыс веськӧдлӧ, а бӧръяыс эз на лок. Кор сійӧ локтас, оз кут дыр веськӧдлыны.

Езекиль 30:24

Вавилонса ӧксылысь кисӧ ёнмӧда да сета сылы киас Ассьым шыпуртӧс, а фараонлысь кисӧ чега. Ёна дойдалӧмаӧн сійӧ пондас ымзыны-бӧрдны вавилонса ӧксы водзын.

Восьтӧм 17:13

Налӧн ставныслӧн ӧти мог, та вӧсна став ассьыныс вынйӧрсӧ да ыджыдалан вынсӧ найӧ сетасны зверыслы.

Восьтӧм 13:12

Воддза зверыслӧн син водзын сійӧ ставсӧ вӧчӧ сылӧн ыджыдалан выннас. Став мусӧ да сэні олысьясӧс сійӧ тшӧктӧ копрасьны воддза зверыслы, кодлӧн бурдіс кулан дойыс.

Ап. уджъяс 8:13

Ачыс Симон тшӧтш эскис. Пыртчӧм бӧрас сійӧ эз вешйыв Филип дінысь, ёна шензис ыджыд вынӧн вӧчӧм шензьӧданаторъяс вылӧ.

Лука 2:1

Сійӧ лунъясӧ Римын ыджыдалысь Август кесар тшӧктіс гижавны ас мусьыс став йӧзсӧ.

Восьтӧм 17:6

Ме аддзи, мый аньыс вӧлі коддзӧма вежа войтырлӧн да Исус йылысь висьталысьяслӧн вир юӧмысь. Сійӧс аддзӧм бӧрын ме ёна шензи.

Иоан 12:19

Фарисейяс сёрнитісны ас костаныс: «Аддзанныд, ми нинӧм огӧ вермӧй вӧчны. Став йӧзыс мунӧны Сы бӧрся».

Восьтӧм 17:11

Зверыс, коді вӧлі, но ӧні абу, – кӧкъямысӧд ӧксы, но сійӧ сизим ӧксыыс пӧвстысь. Сійӧс лоӧ бырӧдӧма.