Восьтӧм 12:4 - Коми Библия 2023

⁴ Бӧжнас сійӧ чышкыштіс енэжсьыс кодзувъяслысь коймӧд юкӧнсӧ да шыбитіс найӧс му вылӧ. Сэсся гундыр сувтіс чужтысь аньлы воча, медым чужтӧм бӧрас сёйны сылысь пузчужӧм кагасӧ.

Восьтӧм 12:4 Referans Kwoze

Восьтӧм 12:9

Ыджыд гундырӧс, важ змейӧс, вӧлі шыбитӧма му вылӧ. Сылӧн нимыс – омӧль да сӧтана, сійӧ – муюгыдысь став йӧзсӧ ылӧдлысь. Сыкӧд тшӧтш вӧлі шыбитӧма му вылас сылысь анделъяссӧ.

Иоан 8:44

Омӧльыс – тіян батьныд. Ті ставсӧ кӧсъянныд вӧчны сы моз. Сійӧ водзысяньыс вӧлі морт виысь. Збыльсьыс сійӧ ылын, збыльыс сы пытшкын абу. Кор сійӧ ылӧдлӧ, висьталӧ ассяньыс, ӧд сійӧ ылӧдчысь, ылӧгыслӧн бать.

Восьтӧм 9:19

Вӧвъяслӧн выныс вӧлі налӧн вомас да бӧжас. Бӧжныс вӧлі змей кодь, и бӧж йылас вӧлі юр. Тайӧ юрнас найӧ чушкисны.

Восьтӧм 9:10

Налӧн бӧжъясыс да чушканъясыс вӧліны скорпионлӧн кодьӧсь. Найӧ вермисны вӧчны йӧзыслы лёксӧ вит тӧлысь чӧж.

Восьтӧм 8:7

Кор медводдза анделыс тутсіс трубаӧ, му вылӧ киссис вир сора биа шер. Сэки сотчис пуяслӧн коймӧд юкӧныс да став веж туруныс.

1 Петыр 5:8

Олӧй садь вежӧрӧн да пыр лоӧй дасьӧсь. Ӧд тіянлы паныд сувтысь омӧльыс ветлӧ равзысь лев моз да корсьысьӧ, кодӧс эськӧ ньылыштны.

Петӧм 1:16

«Кор кутанныд отсавны еврей аньяслы чужтыны, видзӧдӧй, коді чужас. Чужас кӧ пи, виӧй сійӧс, а ныв кӧ, ловйӧн кольӧй».

Восьтӧм 17:18

Аньыс, кодӧс тэ аддзылін, эм ыджыд кар, мый ыджыдалӧ мувывса ӧксыяс вылын».

Исай 27:1

Сійӧ лунӧ Господь мыждас да Аслас повзьӧдана, ыджыд да ён шыпуртӧн пасьвартас левиафанӧс, ӧдйӧ пышйысь да нюглясьысь змейӧс, виас саридзса гундырӧс.

Восьтӧм 8:8

Кор мӧд анделыс тутсіс трубаӧ, быттьӧ ыджыд сотчысь керӧс усис саридзас, да саридзлӧн коймӧд юкӧныс пӧри вирӧ.

Восьтӧм 8:9

Сэки саридзын олысьяслӧн коймӧд юкӧныс куліс, да корабльяслӧн коймӧд юкӧныс вӧйис.

Восьтӧм 8:10

Кор коймӧд анделыс тутсіс трубаӧ, енэжсьыс усис ыджыд кодзув, коді ыпъяліс яръюгыд биӧн. Сійӧ усис юяслӧн коймӧд юкӧныс вылӧ да ва петанінъясӧ.

Восьтӧм 8:11

Тайӧ кодзулыслӧн нимыс Курыд быдмӧг. Ваыслӧн коймӧд юкӧныс лои зэв курыд, та вӧсна уна йӧз кулісны.

Восьтӧм 8:12

Кор нёльӧд анделыс тутсіс трубаӧ, шонділӧн, тӧлысьлӧн да кодзувъяслӧн коймӧд юкӧныс кусіс, налӧн коймӧд юкӧныс пемдіс. Та вӧсна луныслӧн да войыслӧн коймӧд юкӧныс вӧлі пемыд.

Восьтӧм 12:7

Сэсся енэжас пансис тыш. Микаил аслас анделъяскӧд тышкасис гундырлы паныд, а гундыр аслас анделъяскӧд – налы паныд.

Восьтӧм 13:2

Зверыс, кодӧс ме аддзылі, вӧлі леопард кодь. Сылӧн кокъясыс вӧліны ошлӧн кодьӧсь, а вомыс – левлӧн кодь. Гундыр сетіс сылы ассьыс вынйӧрсӧ, юралан пуклӧссӧ да ыджыдалан вынсӧ.

Восьтӧм 13:4

Сэсся найӧ копыртчылісны зверлы да шуалісны: – Кодӧс позьӧ ӧткодявны тайӧ зверыскӧд? Коді вермас тышкасьны сыкӧд?

Восьтӧм 16:13

Сэсся ме аддзи, мый гундыр вомысь, звер вомысь да ылӧгпророк вомысь петісны куим пеж лов, найӧ вӧліны жаба кодьӧсь.

Восьтӧм 20:2

Сійӧ тшапнитіс гундырӧс, важ змейӧс, да дорис сійӧс сюрс во кежлӧ. Тайӧ гундырыс – омӧль да сӧтана.