Восьтӧм 1:4 - Коми Библия 2023

⁴ Иоан чолӧмалӧ асияса сизим вичкоӧс: буралӧм да лӧнь олӧм тіянлы Сысянь, коді эм, вӧлі и локтас, тшӧтш Сылӧн пуклӧс водзын олысь сизим ловсянь

Восьтӧм 1:4 Referans Kwoze

Исай 11:2

Сы вылӧ лэччас Господьлӧн Лов, мывкыдлуныслӧн да гӧгӧрвоӧмлуныслӧн лов, туйдӧдӧмыслӧн да выныслӧн лов, тӧдӧмлуныслӧн да Господьысь полӧмыслӧн лов.

Псалтыр 90:2

шуӧ Господьлы: «Тэ – менам сайӧдчаніныс да изкарыс, Тэ – менам Ен, Тэ вылӧ ме лача кута».

Еврейяслы 13:8

Исус Кристос тӧрыт, талун да нэмъяс чӧж Сійӧ жӧ.

Иоан 1:1

Медводз Кыв вӧлі. Кывйыс Енкӧд вӧлі. Кывйыс Ен вӧлі.

Восьтӧм 5:6

Сэсся ме видзӧдлі да аддзи Баляӧс. Сійӧ сулаліс юралан пуклӧс водзын, нёль ловъя олысь да юрнуӧдысьяс шӧрын. Балясӧ вӧлі быттьӧ начкӧма. Сылӧн вӧлі сизим сюр да сизим син. Сизим синмыс – тайӧ Енлӧн сизим лолыс, кодъясӧс мӧдӧдӧма став му пасьталаыс.

Восьтӧм 4:5

Пуклӧссянь петісны чардби да гым шы. Пуклӧс водзас ӧзйис сизим би, Енлӧн сизим лолыс.

Восьтӧм 1:8

«Ме эм Альфа и Омега, Панасыс и Помыс», – шуӧ Господь. Сійӧ эм, вӧлі и локтас, Сійӧ – Ставсӧвермысьыс.

Восьтӧм 3:1

«Сардис вичкоса анделлы тадзи гиж: Со мый висьталӧ Сійӧ, кодлӧн эм Енлӧн сизим лолыс да сизим кодзув. Ме тӧда тэнсьыд уджъястӧ. Тэнӧ лыддьӧны ловъяӧн, но тэ кулӧмыд.

Яков 1:17

Быдпӧлӧс бурсетӧмыс да тыр-бур козиныс воӧ вылісянь, югыдыслӧн Батьсянь. Сійӧ некор оз вежсьыв, Сылӧн югыдыс некор оз кус.

Закар 4:10

Весиг найӧ, кодъяс нинӧмӧ пуктісны крам панӧмсӧ, кутасны нимкодясьны, кор Зоровавельлӧн киысь аддзасны изъя кӧв. «Сизим биыс – тайӧ Господьлӧн синъясыс, кодъяс видзӧдӧны став муюгыд бӧрсяыс».

Исай 41:4

Коді вӧчис тайӧс, коді збыльмӧдіс? Сійӧ, коді му пуксьӧмсяньыс сетӧ олӧм. Ме, Господь, Ме – Медводдзаыс, и бӧръя олысьяслы Ме – Сійӧ жӧ.

Петӧм 3:14

Ен шуис Мӧисейлы: «Ме Сійӧ, коді эм. Висьтав Израиль пиянлы, мый тэнӧ мӧдӧдіс Сійӧ, кодлӧн нимыс ”Ме эм”».

Восьтӧм 4:8

Быдӧн на пиысь вӧлі квайт бордъя, а налӧн борд ортсыыс да пытшкӧсладорыс вӧлі тырӧма синъясӧн. Лун и вой найӧ дугдывтӧг шуалӧны: – Вежа, вежа, вежа Господь Ен, Ставсӧвермысь, коді вӧлі, эм и локтас.

Восьтӧм 3:7

«Филадельфия вичкоса анделлы тадзи гиж: Со мый висьталӧ Вежаыс да Збыльыс, код ордын Давидлӧн восьтаныс. Сійӧ восьтӧ, и некод оз вермы тупкыны. Сійӧ тупкӧ, и некод оз вермы восьтны. Сійӧ висьталӧ:

Римӧ 1:7

Ставныдлы, Римын олысьяслы, буралӧм да лӧнь олӧм Ен Батьнымсянь да Господь Исус Кристоссянь. Енмыслы ті мусаӧсь, ті – Сылӧн корӧм вежа войтыр.

Закар 3:9

Со, Ме пукті Исус водзӧ сизим синма из. Ме вундалӧмӧн гижа сэтчӧ кывъяс, – висьталӧ Господь Саваоф, – да ӧти здукӧн босьта тайӧ муыслысь мыжсӧ.

Микей 5:2

Виплием-Епрафа, тэ Иуда рӧдысь медічӧтыс! Но Виплием карысь петас Меным Сійӧ, коді лоӧ Израильын Юралысьӧн. Сылӧн петӧм-чужӧмыс важысянь на, нэмъяс пуксьытӧдз.

Восьтӧм 2:8

«Смирна вичкоса анделлы тадзи гиж: Со мый висьталӧ тіянлы Медводдзаыс и Медбӧръяыс, коді вӧлі кулӧма, но ӧні ловъя.

Восьтӧм 1:20

Тэ аддзылін Менам веськыд киысь сизим кодзув, нӧшта аддзылін сизим зарни бикок. Налӧн гусяторйыс татшӧм: сизим кодзулыс – тайӧ сизим вичколӧн анделъяс, а сизим бикокыс, кодъясӧс тэ аддзылін, – тайӧ сизим вичко».

Восьтӧм 1:11

Сійӧ, мый аддзан, гиж да мӧдӧд асияса вичкоясӧ: Ефесӧ, Смирнаӧ, Пергамӧ, Фиатираӧ, Сардисӧ, Филадельфияӧ да Лаодикияӧ».

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

2 Коринфӧ 1:2

Буралӧм да лӧнь олӧм тіянлы Ен Батьнымсянь да Господь Исус Кристоссянь.

1 Коринфӧ 1:3

Буралӧм да лӧнь олӧм тіянлы Ен Батьнымсянь да Господь Исус Кристоссянь.

Восьтӧм 3:14

«Лаодикия вичкоса анделлы тадзи гиж: Со мый висьталӧ Аминь, эскана да збыль Висьталысь, Енлӧн став вӧчӧмторлы Подулыс.

Восьтӧм 2:18

«Фиатира вичкоса анделлы тадзи гиж: Со мый висьталӧ Ен Пи, кодлӧн синмыс ыпъялӧ би моз, а кокыс дзирдалӧ донӧдӧм ыргӧн моз.

Восьтӧм 2:12

«Пергам вичкоса анделлы тадзи гиж: Со мый висьталӧ тіянлы Сійӧ, кодлӧн эм кыкнанладорсяньыс лэчтӧм ёсь шыпурт.

Восьтӧм 1:1

Тайӧ – Исус Кристослы Енсянь восьтӧм. Тайӧн Енмыс петкӧдліс Аслас кесйӧгъяслы, мый колӧ лоны регыдъя кадӧ. Аслас андел пыр Кристос восьтіс тайӧс Аслас Иоан кесйӧглы.

Ап. уджъяс 19:10

Кык во чӧж Павел велӧдіс сэні. Тадзи Асияын став олысьыс, иудейяс и грекъяс, кылісны Господь Исус йылысь.

Закар 6:5

Андел вочавидзис: «Тайӧ – енэжыслӧн нёль тӧв. Найӧ петӧны Господьсянь, коді ыджыдалӧ став му вылас».

Ап. уджъяс 2:9

Ми ӧд уналаысь воим: Парфияысь, Мидияысь, Эламысь, Месопотамияысь, Иудеяысь, Каппадокияысь, Понтысь, Асияысь,

Восьтӧм 1:9

Ме, Иоан, тіян вокныд, тіянкӧд ӧтвыв нуа сьӧкыдсӧ. Тіянлы моз меным тшӧтш вичмӧ Енлӧн Юралӧмыс да Исус Кристоссянь зумыдлуныс. Ен кыв вӧсна да Исус Кристос йылысь висьталӧм вӧсна ме вӧлі Патмос ді вылын.

Восьтӧм 1:17

Сійӧс аддзӧм бӧрын ме кулӧм морт моз уси Сылӧн кок улӧ. Но Сійӧ пуктіс ме вылӧ веськыд кисӧ да шуис: «Эн пов, Ме эм Медводдзаыс и Медбӧръяыс.

Восьтӧм 8:2

Ме аддзи Ен водзын сулалысь сизим анделӧс, налы вӧлі сетӧма сизим труба.

Восьтӧм 16:5

Ме кылі, кыдзи ваяслӧн анделыс шуис: – Господьӧй, Тэ вӧлін и эм, Тэ веськыд да вежа, Тэ веськыда мыждан.

Восьтӧм 22:8

Ме, Иоан, ставсӧ тайӧс кывлі да аддзылі. А кывлӧм да аддзылӧм бӧрас ме уськӧдчи муас, медым копыртчывны анделлы, коді петкӧдліс меным ставсӧ тайӧс.

Восьтӧм 22:16

«Ме, Исус, мӧдӧді Ассьым анделӧс висьтавны тайӧс тіянлы вичкоясын. Ме петі Давид чужанвужйысь да чужанкотырысь, Ме эм асъя югыд кодзулыс».