Титлы 2:5 - Коми Библия 2023

⁵ А сідзжӧ мед велӧдасны найӧс лоны сюсь вежӧраӧн, сӧстӧм сьӧлӧмаӧн, шаньӧн, тӧждысьны гортныс вӧсна да кывзысьны верӧсныслысь. Сэки Енлысь кывсӧ оз ло омӧльтӧма.

Титлы 2:5 Referans Kwoze

Колосӧ 3:18

Гӧтыръяс, кывзысьӧй верӧсныдлысь, ӧд тадзи лӧсялӧ вӧчны Господь войтырлы.

1 Тимофейлы 5:10

да тӧдӧны кӧ сійӧс бур уджъясыс серти: сійӧ бур ногӧн быдтӧма-велӧдӧма ныв-писӧ, сибӧдӧма ветлысь-мунысьӧс, мыськалӧма вежа войтырлысь кокнысӧ, отсалӧма сьӧкыдалысьяслы да вӧчӧма быд бурсӧ.

Олӧм 3:16

Аньлы Ен шуис: «Тэнсьыд нӧбасьӧмтӧ Ме вӧча сьӧкыдӧн, ныв-питӧ кутан чужтыны дойяс пыр. Тэнӧ кутас кыскыны верӧсыд дінӧ, а сійӧ тэ вылын кутас ыджыдавны».

Ефесӧ 5:33

Сідзкӧ, быдӧн мед радейтӧ гӧтырсӧ асьсӧ моз, а гӧтыр мед пыдди пуктӧ верӧссӧ.

Ап. уджъяс 9:36

Иоппияын оліс Тавита ань, сылӧн нимыс лоӧ: газель. Тайӧ аньыс тшӧтш вӧлі велӧдчысьяс лыдын. Уна бур сійӧ вӧчис йӧзыслы, отсасис гӧльяслы.

1 Тимофейлы 6:1

Сийӧсувса кесйӧгъяс, быдторйын пыдди пуктӧй ыджыдъяснытӧ, медым эз ло лёкӧдӧма Енлысь нимсӧ да Сылысь велӧдӧмсӧ.

Шусьӧгъяс 7:11

этш тӧдтӧм да ӧвсьытӧм, гортас сылы оз овсьы,

1 Коринфӧ 14:34

вичкоӧ чукӧртчигӧн аньясныд мед чӧла пукалӧны. Налы оз позь сёрнитны, ӧд Индӧдыс велӧдӧ найӧс кывзысьны.

1 Коринфӧ 11:3

Кӧсъя, мед ті тӧдінныд, мый быд верӧслы юрыс – Кристос, гӧтырлы юрыс – верӧс, а Кристослы юрыс – Ен.

Римӧ 2:24

Гижӧма: «Енлысь нимсӧ тіян вӧсна омӧльтӧны ентӧдтӧмъяс».

Ап. уджъяс 9:39

Петыр чеччис да локтіс накӧд. Воӧм мыстиыс Петырӧс нуӧдісны вылыс вежӧсас. Дӧваяс кытшалісны сійӧс да бӧрдӧмсорӧн петкӧдлісны Тавита киӧн вурӧм дӧрӧм-паськӧм.

Псалтыр 74:10

А ме кута помтӧг нимӧдны Господьӧс, кута сьылӧмӧн ошкыны Яковлысь Енсӧ.

Ӧксыяслӧн 2 небӧг 12:14

Но тайӧ вӧчӧмторнад тэ сетін помка Господьӧс мустӧмтысьяслы омӧльтны Сійӧс. Та вӧсна кулас тэнад пузчужӧм пиыд». Сэсся Нафан бӧр муніс гортас.

Олӧм 18:9

«Кӧні Сарра гӧтырыд?» – юалісны сылысь. Сійӧ вочавидзис: «Чомйын».

Римӧ 14:16

Энӧ лэдзӧй серамвыв лэптыны сійӧ, мый ті лыддянныд бурӧн.

Титлы 2:4

велӧдасны найӧс радейтны верӧснысӧ да ныв-пинысӧ.