Титлы 1:9 - Коми Библия 2023

⁹ Сійӧ мед вӧлі зумыда кутчысьӧма велӧдӧмыслӧн збыль кывъясӧ, кужис веськыд велӧдӧмнас туйдӧдны мукӧдӧс да вермис янӧдны паныд сувтысьӧс.

Титлы 1:9 Referans Kwoze

2 Фессалоникаӧ 2:15

Сідзкӧ, вокъяс, зумыда сулалӧй да кутчысьӧй сэтчӧ, мыйӧ велӧдім тіянӧс да мый гижим тіянлы.

2 Тимофейлы 1:13

Кутчысь месянь кывлӧм веськыд велӧдӧмас, ов Исус Кристоссянь босьтӧм эскӧмнад да муслуннад.

1 Тимофейлы 6:3

Коді велӧдӧ мӧдторйӧ да оз кутчысь миян Господь Исус Кристослӧн веськыд кывъясас да велӧдӧмас, мый вайӧдӧ вежавидзана оласногӧ,

1 Тимофейлы 1:10

кырсалысьлы да ӧта-мӧдыскӧд узьлысь айуловлы, мортӧн вузасьысьлы, пӧръясьысьлы, ылӧгвисьталысьлы да быдӧнлы, коді паныд сувтӧ веськыд велӧдӧмлы.

Восьтӧм 3:3

Эн вунӧд сійӧ, мый кывлін да сибӧдін. Видз сійӧс сьӧлӧмад да бергӧдчы мыжъяссьыд! Он кӧ садьмӧдчы, локта тэ дінӧ гусясьысь моз тӧдлытӧг. Тэ весиг он тӧдлы, кутшӧм кадӧ локта тэ дінӧ.

1 Тимофейлы 1:15

Мый ӧні висьтала тіянлы – тайӧ эскана да шогмӧ сибӧдны сьӧлӧманыд: Исус Кристос локтіс муюгыдас, медым мездыны мыжаясӧс, и на пиысь ме медся мыжаыс.

Титлы 2:1

Тэ висьтавлы веськыд велӧдӧмыслы лӧсяланасӧ.

Титлы 1:11

Татшӧмъясыслысь колӧ тупкыны вомсӧ. Яндысьтӧм горшлунныс вӧсна найӧ асланыс велӧдӧмӧн шӧйӧвоштӧны дзонь керкаяс, мыйӧ оз ков велӧдӧны.

2 Тимофейлы 4:3

Ӧд воас кад, кор веськыд велӧдӧмсӧ оз пондыны кывзыны. Йӧзыс ас лёк кӧсйӧм сертиныс бӧръясны велӧдысьясӧс да пондасны кывзыны найӧс.

1 Фессалоникаӧ 5:21

Ставсӧ тӧдмалӧй, бурас кутчысьӧй.

Шусьӧгъяс 23:23

Ньӧб збыльсӧ, эн вузав мывкыдтӧ, велӧдӧмтӧ да вежӧртӧ.

Иов 2:3

«Казялін-ӧ Менсьым Иов кесйӧгӧс? – юаліс Господь. – Му вылас ӧд сы кодь мӧдыс абу. Сійӧ сӧстӧм сьӧлӧма веськыд морт, полӧ Енсьыс да ӧтдортчӧ лёксьыс. Тэ ыззьӧдін Менӧ, медым Ме нинӧм абусьыс бырӧді сійӧс, но сійӧ важ мозыс зумыда кутчысьӧ сӧстӧмлунас».

Восьтӧм 3:11

Регыд Ме локта. Видз сійӧ, мый тэнад эм, медым некод эз мырддьы тэнсьыд юркытштӧ.

Восьтӧм 2:25

Шуа сӧмын: видзӧй Менам локтӧдз сійӧ, мый тіян эм.

Иуда 1:3

Мусаяс, ме ёна кӧсйи гижны тіянлы миян ӧтувъя мездмӧм йылысь, но лыдди коланаӧн водзджык туйдӧдны тіянӧс, медым ті вӧлінныд дасьӧсь дорйыны ассьыныд эскӧмнытӧ. Тайӧ эскӧмсӧ Енмыс сетіс вежа войтырлы ӧтчыд да пыр кежлӧ.

2 Тимофейлы 2:25

Сійӧ рам сьӧлӧмӧн туйдӧдӧ паныд сувтысьясӧс, гашкӧ, Енмыс сетас налы позянлун бергӧдчыны мыжъяссьыныс да тӧдмавны збыльсӧ.

2 Тимофейлы 2:2

Ставсӧ, мый тэ кывлін месянь уна йӧз дырйи, юксьы эскана йӧзкӧд, кодъяс сяммасны велӧдны мукӧдӧс.

1 Тимофейлы 4:9

Тайӧ висьталӧмыс эскана, сійӧс шогмӧ сибӧдны сьӧлӧмад.

1 Тимофейлы 1:19

Видз эскӧмтӧ да ов сідзи, мед сьӧлӧмыд эз мыжды тэнӧ. Ӧд кодсюрӧ вунӧдісны тайӧс, и налӧн эскӧмыс пасьмуніс.

Ап. уджъяс 18:28

Став йӧз водзас сійӧ кужис венны иудейясӧс. Гижӧдъяс вылӧ мыджсьӧмӧн эскӧдіс найӧс, мый Исус эм Кристос.

Иов 27:6

Ме кутчыся аслам веськыдлунӧ, ог лэдзчысь сыысь. Сьӧлӧмӧй оз мыжав менӧ нинӧмысь.

1 Коринфӧ 14:24

Но ті кӧ быдӧн пророкаланныд, да пырас тіян дінӧ эскытӧм либӧ тӧдтӧм морт, сэки Енмыс быдӧн пыр янӧдас да мыждас сійӧс,

2 Тимофейлы 3:14

Но тэ зумыда кутчысь сэтчӧ, мыйӧ тэнӧ велӧдӧма да мыйӧ тэ эскин. Тэ ӧд тӧдан, коді велӧдіс тэнӧ.