Титлы 1:4 - Коми Библия 2023

⁴ Чолӧмала тэнӧ, Тит. Ӧтувъя эскӧманым тэ меным збыльысь пи кодь. Бурсетӧм, буралӧм да лӧнь олӧм тэныд Ен Батьсянь да миян Мездысь Господь Исус Кристоссянь.

Титлы 1:4 Referans Kwoze

2 Тимофейлы 1:2

Бурсетӧм, буралӧм да лӧнь олӧм тэныд, муса Тимофей пиӧй, Ен Батьсянь да миян Господь Исус Кристоссянь.

Иуда 1:3

Мусаяс, ме ёна кӧсйи гижны тіянлы миян ӧтувъя мездмӧм йылысь, но лыдди коланаӧн водзджык туйдӧдны тіянӧс, медым ті вӧлінныд дасьӧсь дорйыны ассьыныд эскӧмнытӧ. Тайӧ эскӧмсӧ Енмыс сетіс вежа войтырлы ӧтчыд да пыр кежлӧ.

2 Петыр 1:11

Сэки ті восьса ӧдзӧсӧд верманныд пырны миян Мездысь Господь Исус Кристослӧн помтӧм Юраланінӧ.

2 Петыр 1:1

Гижӧ Симон-Петыр, Исус Кристослӧн кесйӧг да апостол. Чолӧмала тіянӧс, миян моз сьӧлӧманыд эскӧмсӧ босьтысьясӧс. Тайӧ донаторсӧ ми босьтім миян Енлӧн да Мездысь Исус Кристослӧн веськыдлун вӧсна.

2 Коринфӧ 2:13

Но сьӧлӧмӧй ёна майшасис, Тит вокӧс сэтысь эг аддзы да. Сэки ме янсӧдчи сэтчӧс йӧзкӧд да мӧдӧдчи Македонияӧ.

2 Петыр 3:18

Быдмӧй буралӧмас да миян Мездысь Исус Кристос Господьнымӧс тӧдмалӧмас. Сылы ошкӧмыс ӧні да нэмъяс чӧж. Аминь.

2 Коринфӧ 8:23

Шуны кӧ Тит йылысь, сійӧ – менам уджъёрт, сыкӧд ӧтвыв ми кесъялам тіянлы. Мукӧд вокъяссӧ мӧдӧдісны вичкояс, и налӧн олӧмыс нимӧдӧ Кристосӧс.

Римӧ 1:12

Тадзи эскӧмнаным ми ышӧдам ӧта-мӧднымӧс: ме – тіянӧс, а ті – менӧ.

Иоан 4:42

Найӧ шуисны аньлы: «Ӧні ми эскам огӧ сӧмын тэнад висьталӧм вӧсна. Ми эскам сы понда, мый асьным кывлім Сійӧс да тӧдам: Сійӧ збыльысь муюгыдсӧ Мездысь, Кристос».

1 Иоан 5:14

Ми вермам повтӧг локны Ен водзӧ, ӧд тӧдам: корӧмным кӧ лӧсялӧ Сылӧн кӧсйӧмлы, Сійӧ кылӧ миянӧс.

2 Петыр 3:2

Кутӧй тӧд выланыд вежа пророкъяслысь важысянь шуӧмсӧ да Мездысь Господьлысь апостолъяс пыр сетӧм тшӧктӧмсӧ.

2 Петыр 2:20

Мездысь Исус Кристос Господьнымӧс тӧдмалӧм бӧрын кӧ мувывса пежсьыс ылыстчысьяс бара бергӧдчӧны важас, да лёкыс кӧ вермӧ найӧс, сэки татшӧмъясыслы воддза дорсьыс ёна лёкджык лоӧ.

Титлы 1:3

Ас кадӧ Ен Мездысьным сетіс тӧдны кывсӧ бурвисьталӧм пыр. Сылӧн тшӧктӧм серти менӧ пуктӧма бурвисьтавны тайӧ кывсӧ.

Колосӧ 1:2

ми чолӧмалам колосса вежа войтырӧс, Исус Кристослы эскысь вокъясӧс.

Ефесӧ 1:2

Буралӧм да лӧнь олӧм тіянлы Ен Батьнымсянь да Господь Исус Кристоссянь.

Галатӧ 2:3

Весиг мекӧд локтысь Титӧс, кӧть сійӧ грек войтырысь, найӧ эз тшӧктыны вундыштчыны.

2 Коринфӧ 12:18

Ме кори Титӧс мунны тіян дінӧ, сыкӧд тшӧтш мӧдӧді ӧти вокӧс. Гашкӧ, Тит мыйкӧ аслыс курыштіс? Ми ӧмӧй сыкӧд абу ӧти лолаӧсь? Эг ӧмӧй ӧти туй талялӧй?

2 Коринфӧ 8:16

Ошкӧм Енлы! Сійӧ пуктӧма Тит сьӧлӧмӧ тіян вӧсна ме кодь жӧ тӧждысьӧм.

2 Коринфӧ 8:6

Та вӧсна ми корим Титӧс водзӧ вӧчны тайӧ бур уджсӧ тіян пӧвстын да вайӧдны сійӧс помӧдз.

2 Коринфӧ 7:6

Но Енмыс, ловнас усьӧмаясӧс Ышӧдысь, ышӧдіс миянӧс Тит воӧмӧн,

2 Коринфӧ 4:13

Гижӧдыс висьталӧ: «Ме эска, та вӧсна сёрнита». Миян пытшкын тайӧ жӧ эскан лолыс. Ми тшӧтш эскам, та вӧсна и висьталам.

Римӧ 1:7

Ставныдлы, Римын олысьяслы, буралӧм да лӧнь олӧм Ен Батьнымсянь да Господь Исус Кристоссянь. Енмыслы ті мусаӧсь, ті – Сылӧн корӧм вежа войтыр.

Лука 2:11

Талун Давид карын тіянлы чужис Мездысь – Господь Кристос.

Галатӧ 3:26

Исус Кристослы эскӧм пыр ті ставныд – Енлӧн ныв-пи.

Галатӧ 3:28

Иудей-ӧ тэ либӧ грек, кесйӧг-ӧ либӧ мездлуна морт, айлов-ӧ либӧ ань – Исус Кристос пытшкын торъялӧмыс абу.

1 Тимофейлы 1:12

Ме аттьӧала миянлысь Господь Исус Кристосӧс, ӧд Сійӧ ёнмӧдіс менӧ да лыддис менӧ шогманаӧн кесъявны Сылы.

2 Тимофейлы 1:1

Гижӧ Павел, Ен кӧсйӧм серти Исус Кристослӧн апостол. Менӧ мӧдӧдӧма висьтавны кӧсйысьӧм пыр сетӧм олӧм йылысь. Тайӧ олӧмыс Исус Кристос пытшкын.

2 Тимофейлы 4:10

Димас эновтіс менӧ да муніс Фессалоникаӧ. Сылы тайӧ мувывса олӧмыс мусаджык вӧлӧма. Крискент муніс Галатӧ, Тит – Далматияӧ, ӧтнас Лука мекӧд.

Титлы 2:13

виччысим вына Енлысь да миян Мездысь Исус Кристослысь дзирдлуна воссьӧмсӧ да шуда лачанымлысь збыльмӧмсӧ.