Титлы 1:15 - Коми Библия 2023

¹⁵ Сӧстӧмлы ставыс сӧстӧм, а пежасьӧмалы да эскытӧмлы нинӧм абу сӧстӧм. Налӧн пежасьӧма вежӧрыс, весиг сьӧлӧмыс.

Титлы 1:15 Referans Kwoze

Римӧ 14:14

Ме бура тӧда да эска Господь Исуслы, мый, збыльвылас, нинӧм абу пеж. Сӧмын сылы лоӧ пеж, коді лыддьӧ мыйкӧ пежӧн.

Римӧ 14:20

Сёян вӧсна эн жугӧд Енлысь уджсӧ. Ставыс сӧстӧм, но мортыслы лёк, крукӧдӧ кӧ аслас сёянӧн мӧдсӧ.

1 Коринфӧ 10:23

«Меным ставсӧ позьӧ», но абу ставыс бур вылӧ. «Меным ставсӧ позьӧ», но оз ставыс велӧд бурас.

Матвей 15:18

Мый петӧ вомсьыд, сійӧ петӧ сьӧлӧмсьыд да пежалӧ асьсӧ мортсӧ.

Римӧ 14:23

Майшасьӧмӧн сёйысь мыжмӧ, ӧд сійӧ эскытӧг вӧчӧ. А эскытӧг вӧчӧмыд эм мыж.

1 Коринфӧ 10:31

Та вӧсна сёянныд-ӧ, юанныд-ӧ али нӧшта мыйкӧ вӧчанныд – ставсӧ вӧчӧй Енмӧс ошкӧм могысь.

Ап. уджъяс 10:15

Сэсся бара кыліс: «Енмыс мый сӧстӧммӧдӧма, эн лыддьы сійӧс пежӧн».

1 Коринфӧ 8:7

Но оз быдӧн та йылысь тӧд. Ӧткымынӧн вӧлі ёна велалӧмаӧсь вайны идолъяслы вись. Та вӧсна ӧні, яй сёйигӧн, найӧ лыддьӧны сійӧс идоллы вайӧм висьӧн, и налӧн сьӧлӧмыс мыждӧ найӧс асьнысӧ, ӧд найӧ жебӧсь на.

Еврейяслы 10:22

Сідзкӧ, локтамӧй Ен водзӧ восьса сьӧлӧмӧн да зумыд эскӧмӧн, ӧд миян сьӧлӧмным сӧстӧм да мыжтӧм, миянлысь вир-яйнымӧс мыськалӧма сӧстӧм ваӧн.

1 Коринфӧ 10:25

Повтӧг сёйӧй вузасьысьлысь ньӧбӧм яй. Нинӧм энӧ юасьӧй, медым тіян сьӧлӧмныд эз мыжды тіянӧс.

1 Тимофейлы 6:5

да помтӧм вензьӧм на костын, кодъяслӧн пемдӧма вежӧрныс. Найӧ кежӧмаӧсь збыльсьыс, вежавидзана оласногыс пыр найӧ кӧсйӧны озырмыны сьӧмӧн. Татшӧмъяссьыс ылыстчы.

Шусьӧгъяс 21:4

Лёк вӧчысьлӧн биыс – тшаплун да вылӧ кыпӧдчӧм, но тайӧ мыж.

Аггей 2:13

Аггей водзӧ юаліс: «А тайӧ сёяныс дінӧ кӧ инмӧдчылас морт, коді пежасис кулӧм морт дінӧ инмӧдчылӧм вӧсна, лоӧ-ӧ тайӧ сёяныс пеж?» Попъяс вочавидзисны: «Лоӧ».

Еврейяслы 9:14

сідзкӧ, кымын пӧв ёнджыка сӧстӧммӧдӧ Кристослӧн вирыс! Вежа Лов вынӧн Кристос вайис Асьсӧ Енлы сӧстӧм вись пыдди. Та вӧсна Сылӧн вирыс мыськалӧ миянлысь сьӧлӧмнымӧс кулӧмӧ вайӧдысь лёк вӧчӧмсьыным, медым ми вермим кесъявны збыль да ловъя Енлы.

Шусьӧгъяс 30:12

Курыд шог налы, кодъяс чайтӧны асьнысӧ сӧстӧмӧн, збыльвылас найӧ пежӧсь на.

Еврейяслы 12:15

Видзчысьӧй, мед тіян пӧвстысь некод эз вошты Енлысь буралӧмсӧ. Некутшӧм курыд вуж мед оз вужъясь тіян пӧвстӧ, оз вай тіянлы лёксӧ да оз пежав некодӧс.